A Ch'an̈ B'ab'el Libro Samuel 4:12 - Chuj San Sebastian Bible

¹² 'Ay jun win soldado yic eb' yin̈tl Benjamín 'ix yac' ganar scot 'elc 'a scal owl cha. Caw wal carela xcoti, 'ix jaw 'a jun c'u chi 'a Silo. Caw jatquixtac x'aj spichul, 'ix ya'n q'ue pococ 'a sjolom, yic tzch'oxn 'el scusc'ojlal.

Chuj San Mateo Bible

¹² Ay jun vin̈ soldado d'a yin̈tilal Benjamín ix yac' ganar yel d'a scal oval chi', ix javi vin̈ d'a chon̈ab' Silo d'a jun c'u chi', n̈ic'chimtac spichul vin̈, ayq'ue pococ d'a sjolom vin̈ yuj sch'oxanel scusc'olal.

A Ch'an̈ B'ab'el Libro Samuel 4:12 Iomraidhean Croise

A Ch'an̈ Schab'l Libro Samuel 1:2

Ax 'a schab'jial 'ix c'och jun winc 'a David cha, ata xcot win 'a 'aj 'e'nc scamplamento Saúl. Caw jatquixtac spichul, 'ay q'ue lum 'a scal xil sjolom yic tzch'oxn 'eli chajtlto 'ay scusc'ojlal. Ax yic xc'ochi, 'ix 'em n̈ojnjoc 'a yojltac David.

A Ch'an̈ Schab'l Libro Samuel 13:19

'Ix ya'n q'ue 'ix stan̈il c'ac' 'a sjolom. Stzilnjat 'ix te spichl wach' yilx cha, xya'n q'ue 'ix sc'ab' 'a sjolom, caw ji'jmtac yoc' 'ix yic xpax 'ix 'a yol b'e.

A Ch'an̈ Schab'l Libro Samuel 15:32

A yic xq'ue'ch David chi 'a lum jolm tzaln olivo cha, yic tz'och 'emmquilal 'a Dios, ata 'ix jaw jun swach'c'ojl 'a 'a, atn win tzcuch Husai yic eb' yin̈tl can arquita. Caw tzilquixtac yaj spichl yu'uj, jopb'il q'ue lum pococ 'a sjolom.

Nehemías 9:1

A 'a yic 24 yoch yucl 'uj cha, 'ix syamn sb'a eb' israel yic tz'och eb' 'a c'ajb'c'ojlal, xya'n 'och eb' spichl n̈achtac sat yuj scusc'ojlal, sjopnq'ue eb' lum 'a sjolom.

Job 2:12

'Ayt wal sjaw eb', xyiln cot eb' win Job 'a najat, teb'il xyilch eb' win yuj syailal cha, yuj cha, syamn 'och eb' yoc' yuj winac. Caw tzcus eb', xlaj stzilnjat eb' spichul, sjob'n chan̈ eb' pococ 'a cha'an̈, ax 'a sjolm eb' xlaj 'emx lu'um.

Jeremías 26:6

Toto an̈ja ma'oj eyicloc, to 'ixta', 'ixtc 'oj wutc can watut 'icha wutjnac jun in cajnub' 'a Silo. 'Oj wa' cot catb' 'a yib'n̈ jun chon̈b' tic 'a scal smasnil nacion̈ 'ay yolyib'n̈q'uinl tic, xchi Dios, xa chi 'a eb', xchi 'ayin.

Ez 24:26

A 'a jun c'ul cha, ata 'ay junc mach 'oj cot 'eloc, ax wul yalnc ab' jun 'ab'x cha.

Ez 27:30

Ax syamn 'och eb' yoc' o'oj, 'oj 'ab'xoc yoc' eb' 'a najat, caw ji'jmtac 'oj 'oc' eb', ax ya'n q'ue eb' pococ 'a sjolom, 'oj b'alb'noc 'ec' eb' 'a scal stan̈il c'ac'.

Josué 7:6

Yuj cha, 'ix stziln 'el Josué spichl yet' eb' yichm wincal chon̈ab', xlaj sjopn q'ue eb' pococ 'a sjolom yic tzch'oxn 'el eb' scusc'ojlal cha. Xlajw cha, 'ix 'em cumn eb' 'a yojltac 'elt scaxail strato Jehová masnto x'emch quiln sat eb' 'a lu'um, 'ixtan̈ej yaj eb' masnto 'ix 'em c'u.