A Ch'an̈ B'ab'el Libro Samuel 29:3 - Chuj San Sebastian Bible

³ A eb' syajlil eb' soldado filisteo cha, 'ix sc'anb'j eb' 'ixtc 'a win Aquis cha: —¿Tas tzwul sb'o ewin hebreo tic 'a qui calc tic? xchi eb'. —Atn win David tic, schecb' Saúl sreyl Israel, palta 'ayx yab'lil 'ayc' wet' 'a tic. A yictax xjaw wet'oc, mant xon junc spaltail tzwila, xchi win 'a eb'.

Chuj San Mateo Bible

³ A eb' vin̈ yajalil eb' soldado filisteo chi', ix sc'anb'ej eb' d'a vin̈aj Aquis chi': —¿Tas yaj juntzan̈ eb' hebreo ayec' d'a co cal tic? xchi eb' vin̈. Ix tac'vi vin̈ d'a eb' vin̈: —Aton vin̈aj David tic schecab' vin̈aj Saúl, sreyal eb' israel. Palta ayxo yajec' vin̈ ved'oc. Atax yic sjavinac vin̈, malaj jab'oc spaltail vin̈ svila', xchi vin̈.

A Ch'an̈ B'ab'el Libro Samuel 29:3 Iomraidhean Croise

Gn 14:13

Palta 'ay jun win 'ix yac' ganar yel 'a scal owal, 'ix 'at yalnc 'a Abram win hebreo, chajtlto tox 'ix 'ijx 'at Lot 'icha presoal. Ata cajn win 'a lum 'aj 'ay te ma'ach', 'a yol yic win Mamre amorreo. A win Mamre cha, yu'tac sb'a win yet' Escol, yet' pax Aner. A ewin cha, a yet' Abram 'aych ewinac.

1 Cr 12:19

An̈jtona', 'ix ya'ch sb'a jun tzo'n̈ eb' yin̈tl Manasés yet' David, yic 'ijn cob' s'at eb' yet' eb' filisteo yic ya'n eb' owl yet' Saúl. Palta ma'ix colwj yet' eb', yujto a yic syamn sb'a eb' syajlil eb' filisteo cha, 'ix schecn meltzjc eb' David 'a Siclag. 'Ix yaln eb' 'ixtic: ¡'Ay smay tzon̈ smil cham winac, ax yet' Saúl chi tz'ochi, atn syajlil win cha! xchi eb'.

1 Cr 12:20

Ax yic wan sjaw David 'a Siclag, 'ix ya'n 'och sb'a jun tzo'n̈ eb' yin̈tl Manasés yet'oc, atn Adnas, Jozabad, Jediael, Micael, Jozabad, Elihú yet' Siletai. A eb' tic yajl yaj junjn eb' 'a yib'n̈ junjn mil eb' soldado 'a scal eb' yin̈tl Manasés.

Dn 6:5

Xlajw cha, 'ix yaln eb' 'ixtic: May junc tas tz'ilchj cujec 'a winac, yic tzca'nec 'och 'a yib'n̈ yuj scuynb'il yet' sDiosal, xchi eb'.

Jn 19:6

Ax ewin sat ya'mal 'och sti eb' israel 'a Dios, yet' eb' stan̈mal yatut Dios cha, yic 'ix yiln eb' yel-l 'a sti cha, 'ix q'ue b'uynjoc eb' yaln 'ixtic: —'Och cab' win 'a spenc culus, 'och cab' win 'a spenc culus, xchi eb'. Palta 'ix yaln pax win Pilato chi 'ixtc 'a eb': —'Ijec 'at winac, tzeya'n 'och win 'a spenc culs chi e ch'ocoj. Aln tic, may jac smul win tz'ilchj wu'uj, xchi win 'a eb'.

Ro 12:17

Toto 'ay mach maysch'olnil tzyutj sb'a 'ayn̈ec, caw wal matz tac' qui pacnec qui b'a 'a 'a. Caw wach' tzcutjec qui b'eyb'al 'a sat eb' 'anma smasnil.

A Sb'ab'el Carta San Pedro 3:16

'Ay eb' tzon̈ b'uchn yuj qui wach' b'eyb'al, yujto 'aych qui nab'enec 'a Cristo. Palta caw ca'c cuenta qui b'a yet' qui nab'en, sec wach' a yic tzon̈ sb'uchnec eb', mun 'oj q'uixwc 'el eb'.

A Ch'an̈ B'ab'el Libro Samuel 14:11

Ax yic xch'oxn sb'a eb' schawn̈il 'a 'aj 'ay yet'l eb' filisteo macwjum cha, yic xyiln sb'a eb' 'a eb', 'ix yaln eb' filisteo chi 'ixtic: 'Iltec, yaj eb' hebreo 'a cha, wan laj yeltoc eb' 'a yol sjul 'aj sc'ub'jnac 'el sb'a, xchi eb'.

A Ch'an̈ B'ab'el Libro Samuel 25:28

Tza'n niwnc'ojlal 'a wib'n̈ yuj in paltail. Wal yel a Jehová 'oj 'ochn̈j et' 'a opiso, yet' eb' en̈til, 'ilt nab'an, to yuj Jehová tza'n owl tic 'a smasnil tiempo, may cab' b'a'n̈ tu tas tza b'o'o.

A Ch'an̈ B'ab'el Libro Samuel 27:1

Palta a David 'ix sna 'ixtic: 'Ay am wal b'a'n̈ 'oj in smil cham Saúl, yuj cha, a tas 'oj wutc ticnec, to 'oj in 'atcn 'a scal eb' filisteo, sec wach' man̈xtzac in sayx 'ec' yu'uj, 'ixta 'oj waj in colchj 'a yol sc'ab', xchi.

A Ch'an̈ B'ab'el Libro Samuel 27:7

Jun ab'il yet' chan̈e xo 'uj 'ix 'ec' cajn David 'a scal eb' filisteo cha.

A Ch'an̈ B'ab'el Libro Samuel 29:6

'Ix yawtn cot win Aquis win David, 'ix yaln win 'a 'ixtic: —Tzyil Jehová to caw wal wach' a nab'en. Caw 'ix chaj in c'ojl a b'eyb'al, yic tzach 'ec' wet' 'a owal. May jac a paltail x'ilchj wu'uj, yic ach jaw 'ayin masnto ticnec. Ax eb' wit yajlil matz chaj sc'ojl eb' tzach 'at quet' 'a owl on̈,

A Ch'an̈ B'ab'el Libro Samuel 4:6

A yic xyab'n eb' filisteo chi jun tzo'n̈ 'aw yic tzaljc'ojlal cha, 'ix laj yalnc eb' 'a junjn 'ixtic: ¿Tas laj wal yuj 'ay jun tzo'n̈ 'aw chi 'a scamplamento ewin hebreo cha? xchi eb'. Ax xyab'n eb' to a te scaxail strato Jehová xc'och 'a camplamento cha,