A Ch'an̈ B'ab'el Libro Samuel 27:9 - Chuj San Sebastian Bible

⁹ A yic xya'n eb' owl cha, 'ix smiln cham eb' smasnil eb' winac yet' eb' 'ix 'ix, man̈x 'a junc eb' xcani. 'Ix yi'n pax 'at eb' no calnelu, no wacax, no b'uru, yet' no cameyo, yet' pax pichul. Xlajw cha, 'ix meltzj pax cot eb' 'a win Aquis.

Chuj San Mateo Bible

⁹ Smilcham eb' anima eb' ta', man̈xo junoc vinac ma ix scani. Syic'anpaxcot noc' vacax eb', noc' calnel, noc' b'uru, noc' camello yed' pax pichul. Slajvi chi' smeltzajxicot eb' b'aj ayec' vin̈aj Aquis.

A Ch'an̈ B'ab'el Libro Samuel 27:9 Iomraidhean Croise

Gn 16:7

Palta ax jun yángel Jehová schaj sb'a yet' 'ix Agar 'a cusltac lu'um, 'a sla'nil sti jun a a', 'a 'aj tz'atcn sb'el Shur.

Gn 25:18

A smasnil eb' yin̈tl cha, 'ix c'ochcn cajn eb' 'a snan̈l lum Havila yet' Shur, 'a yojltac cot Egipto, 'a 'aj tz'at sb'el Asiria. Ata 'ix 'aj cajn eb', toxn̈ej matz yal sc'ojl eb' yican eb' cha, palta 'ix c'och cajn eb' ta'.

Ex 15:22

Xlajw cha, xyi'n 'elt Moisés eb' israel chi 'a sti a Chac Mar, 'ix cot eb' 'a lum cusltac lum yic Shur. 'Oxe c'u xb'ey eb', may xon 'aj 'ix 'ilchj jac a a yuj eb'.

Josué 6:21

Xlajw cha, xlaj smilnoc can eb' soldado chi eb' 'anma cha, eb' winac, eb' 'ix 'ix, eb' quelem, eb' 'ichmtac 'anma', no wacax, no calnelu yet' no b'uru, c'uxn xlajw can 'el smasnil yuj eb'.

A Ch'an̈ B'ab'el Libro Samuel 15:3

Yuj cha, 'ixic, 'ij 'at eb' soldado et'oc, tz'at eya'n owl yet' eb' amalecita cha. Tze satl smasnil tas 'ay 'a eb'. Man̈ 'o'ch e c'ojl 'a eb'. Tze milcn cham eb' winac, eb' 'ix 'ix, eb' 'unin, eb' tz'ulc 'unn tzat 'alji, no wacax, no calnelu, no cameyo yet' pax no b'uru, xchi Samuel.

A Ch'an̈ B'ab'el Libro Samuel 15:7

'Ix c'och Saúl yet' eb' soldado yac' owl yet' eb' amalecita chi 'a Havila masnto 'a Shur, jun 'ay 'a stojlal 'aj tzq'uel c'u 'a Egipto, ata x'em eb' yu'uj.

A Ch'an̈ B'ab'el Libro Samuel 15:8

'Ix syamn cot eb' win Agag sreyl Amalec xyi'n can 'at eb'; ax smasnil eb' 'anma cajn 'a jun chon̈b' cha, 'ix tzu'x can cham eb'.