A Ch'an̈ B'ab'el Libro Samuel 27:8 - Chuj San Sebastian Bible

⁸ A eb' 'aj Gezur, eb' 'aj Guezer, yet' eb' amalecita caw niwn xo tiempo sc'och cajn eb' 'a jun lugar 'a stojlal Shur masnto 'a Egipto. Ax David yet' eb' soldado ajun yet'oc, jab'jw scal 'ix 'at ya'nc win owl 'a jun tzo'n̈ chon̈b' cha.

Chuj San Mateo Bible

⁸ A eb' aj Gesur, eb' aj Gezer yed' eb' amalecita, nivanxo tiempo sc'och cajan eb' d'a jun lum luum d'a scal Shur yed' Egipto. A vin̈aj David chi' yed' eb' ajun yed'oc cotac scal ix b'at eb' yac' oval d'a juntzan̈ chon̈ab' chi'.

A Ch'an̈ B'ab'el Libro Samuel 27:8 Iomraidhean Croise

A Ch'an̈ Schab'l Libro Samuel 14:23

Xlajw cha, 'ix 'at Joab 'a chon̈b' Gezur, 'ix 'at yi'nc paxt win Joab chi win Absalón yic tzjapx win 'a Jerusalén.

A Ch'an̈ Schab'l Libro Samuel 14:32

'Ix ta'w Absalón 'ixtc 'a Joab: —Ach 'at wa' cotoc, sec tz'at a c'anb'c 'a win rey tas yuj in 'at paxtc 'a chon̈b' Gezur. Q'uinloc ma'ay, yel xo am wach' ata 'ayn 'ec' ta'. A ticnec tzin nib'j wil in b'a yet' win rey, toto 'ay mach 'aj 'ay in mul, tztac' cab' in chami, xchi winac.

A Ch'an̈ Schab'l Libro Samuel 15:8

Yujto wa'jnac in ti 'a 'a, yic 'ayn 'ec' 'a chon̈b' Gezur 'a yol yic Siria. Ata waljnac 'a 'ixtic: Toto tzyal a c'ojl ach Jehová to tzin meltzj pax 'a Jerusalén, 'oj woch 'emmquilal 'aych 'a Hebrón, xin chi, xchi Absalón cha.

A Ch'an̈ Schab'l Libro Samuel 3:22

At wal s'at Abner cha, 'ix japx Joab yet' eb' soldado David ajun yet'oc, yujto xitc' eb' 'a'j owal. Caw wal niwn tas yet' eb', atn jun tzo'n̈ sto'cn 'ec' eb' 'a eb' 'ajc'ojl cha. Ax Abner man̈x 'ayc 'ec' yet' David 'a Hebrón, yujto tox xyal sb'a 'a David, 'ix 'atcn 'a tzaljc'ojlal.

A Ch'an̈ Schab'l Libro Samuel 3:3

win schab'il, atn Quileab win yune 'ix Abigail, 'ix yistl can win xi'lb'a Nabal 'aj Carmel; win yoxil, atn Absalón win yune 'ix Maaca, 'ix yisl Talmai win sreyl Gezur;

1 Cr 2:23

Palta ax eb' 'aj Gesur yet' eb' 'aj Aram, a eb' x'i'n can 'ec' scamplamento Jair, yet' pax chon̈b' Quenat, yet' smasnil yaldeail, a 'a smasnil 'ay 60 chon̈ab', yin̈tln̈ej Maquir eb', atn smam Galaad.

Ex 15:22

Xlajw cha, xyi'n 'elt Moisés eb' israel chi 'a sti a Chac Mar, 'ix cot eb' 'a lum cusltac lum yic Shur. 'Oxe c'u xb'ey eb', may xon 'aj 'ix 'ilchj jac a a yuj eb'.

Ex 17:8

A yic 'ayc' eb' israel 'a lum Refidim, 'ix c'och eb' amalecita yac' owl yet' eb'.

Nm 13:29

A 'a lum Neguev, ata cajn eb' amalecita. Ax 'a lum jolmctac witz, ata cajn eb' hitita, eb' jebuseo yet' eb' amorreo. Ax 'a sc'axpil 'ec' a mar yet' 'a sti a Jordán, ata cajn eb' cananeo, xchi eb'.

Nm 14:45

A eb' amalecita yet' eb' cananeo cajn 'a jun tzo'n̈ lugar cha, 'ix 'elt eb' yac' owl yet' eb'. Ax 'ix 'aji, ma'ix techj yuj eb' israel cha, 'ix pechx eb', masnto xjapx can eb' 'a lum Horma.

Josué 12:5

A smacb'en 'aj tzyac' yajlil, tz'eln̈j yich 'a lum jolm witz Hermón, tz'ec' 'a Salca, 'a smasnil yol yic Basán, tzc'och 'a smon̈jonal yic Gesur yet' yic Maaca, masnto 'a junx lum spacl yic Galaad, lum yic can win Sihón sreyl Hesbón.

Josué 13:13

Ax eb' gesureo, yet' eb' maacateo, ma'ix pechx 'el eb' yuj eb' israel, palta 'ix cann̈j cajn eb' 'a scal eb'.

Josué 13:2

'Ayt can smasnil lum yic eb' filisteo yet' smasnil lum yic eb' guesureo,

Josué 16:10

Palta a eb' yin̈tl Efraín, ma'ix pechx 'el eb' cananeo cajn 'a Gezer yuj eb', 'ix 'ajx pural eb' ya'n stojlb'al. Yuj cha, 'ix cann̈j eb' cananeo chi 'a scal eb'.

Jueces 1:29

An̈jtona eb' yin̈tl Efraín, ma'ix stac' spechx 'el eb' cananeo cajn 'a Guezer yuj eb', yuj cha, 'ix can cajn pax eb' cananeo chi 'a scal eb'.

A Ch'an̈ B'ab'el Libro Samuel 29:6

'Ix yawtn cot win Aquis win David, 'ix yaln win 'a 'ixtic: —Tzyil Jehová to caw wal wach' a nab'en. Caw 'ix chaj in c'ojl a b'eyb'al, yic tzach 'ec' wet' 'a owal. May jac a paltail x'ilchj wu'uj, yic ach jaw 'ayin masnto ticnec. Ax eb' wit yajlil matz chaj sc'ojl eb' tzach 'at quet' 'a owl on̈,

A Ch'an̈ B'ab'el Libro Samuel 30:1

Ax 'a schab'jial, 'ix c'och David 'a Siclag yet' eb' winc ajun yet'oc. Ax xiln eb' tox 'ix 'ec' eb' amalecita yelc' 'at smasnil tastc 'a yol yic Neguev yet' 'a Siclag cha. 'Ix yi'n 'at eb' smasnil tas, sn̈usn can eb' jun chon̈b' cha.