A Ch'an̈ B'ab'el Libro Samuel 26:8 - Chuj San Sebastian Bible

⁸ Xlajw cha, 'ix yaln win Abisai 'ixtc 'a David: —A ticnec tox 'ix ya'ch Dios jun 'ajc'ojl tic 'a yol a c'ab'. 'Ac' in permiso yic tzin miln chamoc. A slanza tic tzin tec 'ejm 'a sc'ojol, masnto tzc'axw 'ejm 'a yol lu'um. Junn̈j tzwac' 'a 'a, ax schami, xchi Abisai.

Chuj San Mateo Bible

⁸ Ix yalan vin̈aj Abisai chi' d'a vin̈aj David chi': —A val ticnaic toxo ix yac'och jun vin̈ ajc'ool tic Dios d'a yol a c'ab'. Ac' in permiso tzin milcham vin̈. A q'uen slanza vin̈ tic tzin tipem d'a sc'ool masanto tz'emc'och q'uen d'a yol luum, junn̈ej svac' d'a vin̈, scham vin̈ d'a juneln̈ej, xchi vin̈.

A Ch'an̈ B'ab'el Libro Samuel 26:8 Iomraidhean Croise

A Ch'an̈ Schab'l Libro Samuel 16:9

Yuj cha, 'ix yaln win Abisai yune 'ix Sarvia 'ixtc 'a win rey cha: —Mamin rey, ¿tas yuj a jun 'icha chamnc tz'i tic tzach b'ajni? 'Ac' in permiso yic tz'at in tzu'nc 'el sjolom, xchi winac.

Salmos 31:8

Ma'in a'cn 'och 'a yol sc'ab' eb' 'ajc'ojl yajch 'ayin; palta ata in a'cn 'och lin̈n 'a 'aj may tas tzin 'i'ni.

Jeremías 40:15

Yuj cha, xyaln Johanán 'ixtc 'a c'ultacl 'a Gedalías cha: —Chaj in 'ati, yic tz'at in milnc cham Ismael, may mach 'oj 'ojcanc 'eli, mach tzmilni. ¿Tas yuj 'oj ach qui cha milxoc cham yu'uj? Toto 'oj a cham yu'uj, to 'ixta', 'oj sactzic can pax eb' 'ayx 'ec' et' tic, ax satx can 'ejm eb' xcan cob' 'a Judá tic jun 'ejm xo, xchi.

Nahúm 1:9

Ex 'aj Nínive, ¿tas wan e nan 'a spatquil Jehová? 'Oj ex satl 'a jun 'ejmn̈ej. Man̈x 'a xon b'an̈ to 'oj e te'wtzoc e b'a 'a yojltac.

Ro 11:32

A 'a sat Dios, man̈ on̈ yiclumoc qui masnil an̈ 'anman̈ec tic. 'Ixta 'on̈ yutjec, sec wach' jun lajnn̈ej tzyutj yo'ch sc'ojl 'ayn̈ec qui masnil.

Dt 32:30

¿Tas yuj cojn yuj junc eb' 'ajc'ojol on̈ 'atc 'elc junc mil on̈ec? ¿Tas pax yuj cojn chawn̈ eb' xon̈ pechn 'at lajn̈e mil on̈ec? May tas tztac' yuj eb', toto man̈oc Jehová qui Colmal on̈ 'a'nec 'a yol sc'ab' eb'.

Josué 21:44

A Jehová, xyac' 'el'choc smasnil tas 'aj ya'jnac can sti', xya'n can junc'ojlal 'a sat smasnil lum lum cha. Man̈x 'ic stac' ste'wtzan sb'a eb' 'ajc'ojl 'a eb' israel, yujto a Jehová, a x'a'n eb' 'anma chi 'a yol sc'ab' eb'.

Jueces 1:4

'Ix c'och eb' yin̈tl Judá yac' owl yet' eb' cananeo yet' pax eb' ferezeo; ax Jehová 'ix 'a'n eb' chuc chon̈b'al chi 'a yol sc'ab' eb'. Yuj cha, a 'a Bezec ata xcham lajn̈e mil eb' 'anma chi yuj eb', ajun pax win Adoni-bezec yet' eb' x'a'n cob' owl cha.

A Ch'an̈ B'ab'el Libro Samuel 23:14

'Ix can cajn David 'a jun tzo'n̈ n̈aq'uen 'a lum jolm witz 'a lum cusltac lum yic Zif. 'Ix sayx 'ec' yuj Saúl 'a junjn c'u, palta ma'ix 'ajx 'a yol sc'ab' yuj Dios.

A Ch'an̈ B'ab'el Libro Samuel 24:4

Ax ewin ajun yet' David cha, 'ix yaln eb' 'ixtic: —A ticnec x'el'ch wal tas 'ix yal Jehová, to 'oj ya'ch jun 'ajc'ojl yajch 'aych 'a yol a c'ab'. B'o tas tza nib'j 'a 'a, xchi eb'. Xlajw cha, 'ix q'ue wan David, c'ojnc'ojnil xcoti, xwul spolnc 'el sti sjucn pichl Saúl.

A Ch'an̈ B'ab'el Libro Samuel 24:5

Palta caw 'ix cus sc'ojl yuj tas 'ix sb'o cha,

A Ch'an̈ B'ab'el Libro Samuel 26:23

A cab' Jehová tz'a'n spac 'a junjn mach yuj swach'l snab'en, yujto wach' tzyutj sb'a. Wach'xam 'a jun c'u tic, ach ya'ch Jehová 'a yol in c'ab', palta ma'ix yal in c'ojl ach in mil chamoc, yujto a ach si'n 'och 'a opiso.

A Ch'an̈ B'ab'el Libro Samuel 26:7

'A jun 'ac'wl cha, 'ix 'at David yet' Abisai 'a jun camplamento cha. Ax Saúl caw chamnc swayi, ax 'a sjolmtac ata pajb'il can 'ejm slanza 'a sat lu'um. Ax win Abner yet' smasnil eb' soldado wayn̈c eb' 'a stzey.

A Ch'an̈ B'ab'el Libro Samuel 26:9

—Man̈ a mil chamoc, yujto tzann̈j mach tzmiln cham win rey to sic'b'il 'el yuj Jehová, tzjaw yailal 'a yib'an̈.