A Ch'an̈ B'ab'el Libro Samuel 26:21 - Chuj San Sebastian Bible

²¹ —David 'icha to wunnal ach, a ticnec tzwojquej 'eli to an 'ix 'och in mul; 'icha xoj junc 'anma may snab'en, 'ixta xwutj in b'a. Caw wal niwn 'aj xwac' sat in c'ojol. Palta meltzjan̈, man̈x 'a junc maysch'olnil 'oj in b'o 'ayach, yujto a 'a jun c'u tic, 'ix a ch'oxli to caw 'ay wel'ch 'ayach, xchi Saúl.

Chuj San Mateo Bible

²¹ Ichato chi' ix yalan vin̈aj Saúl chi': —Ach David, svojtaquejel ticnaic ma to a in ix och in mul. Icha junoc malaj spensar, icha chi' svutej in b'a, te chuc tzin c'ulej d'ayach. Yuj chi', meltzajan̈. Man̈xo ol vac'laj chucal d'ayach, yujto a d'a jun c'u tic ix a ch'oxeli to ay velc'och d'a yol a sat, xchi vin̈.

A Ch'an̈ B'ab'el Libro Samuel 26:21 Iomraidhean Croise

A Ch'an̈ Schab'il Libro Yic Yab'ixal Eb' Rey 1:13

Xlajw cha, 'ix schecn pax 'at win rey chi junx scapitan̈ yet' junx 50 soldado 'a yox'ejmal. Palta ax jun yoxl capitan̈ cha, 'ix q'ue'ch 'a 'aj 'ayc' Elías cha, 'ix 'em cumn 'a yojltac, 'ix tew 'och 'a 'a, 'ix yaln 'ixtic: —Ach schecb' Dios, tzin tew 'ayach, niwn cab' yel'ch in q'uinl 'a a sat yet' eb' 50 soldado a'mal servil tic.

A Ch'an̈ Schab'il Libro Yic Yab'ixal Eb' Rey 1:14

'In to a chawn̈ eb' capitan̈ yet' eb' soldado 'ix b'ab'l wulc' 'ayach, 'in 'ix tz'a eb' yuj c'ac' xcot 'a satcha'an̈. Tzin tew 'aych ticnec, 'o'ch cab' a c'ojl 'ayin, xchi.

Salmos 116:15

A yic tzcham junc mach to yic xo Dios yaji, caw wal 'ay yel'ch 'a 'a, yujto man̈ comnoc tzchaj cham eb' yic cha.

Salmos 49:8

Ma'oj techjoc smann q'uen tumn qui q'uinlec, sec pitzn on̈c 'a jun 'ejmn̈ej, yic matz on̈ chamec, yujto caw chan̈ stojl qui q'uinlec cha.

Salmos 72:14

'Oj colxc 'el eb' 'a yol sc'ab' eb' milm cham 'anma', yet' 'a eb' tu snab'en, yujto a eb' meb'a cha, caw niwn yel'ch eb' 'a sat.

Ex 9:27

Yuj cha, xya'n win rey chi 'awtxoc cot Moisés yet' Aarón, xyaln win 'ixtc 'a eb': —'Ix nachj 'el wuj ticnec, chajtlto an 'ay in mul yet' eb' wit chon̈b' tic, al Jehová caw wal tojl yet' tas tzb'o'o.

Nm 22:34

Xlajw cha, 'ix ta'w Balaam 'a jun yángel Jehová chi 'ixtic: —'Ix 'och wal ton in mul. Man̈ wojcoc toto ach tza mac yol in b'e tic, yuj cha, toto matz yal a c'ojl tzin 'ati, tztac' in meltzji, xchi.

Mt 27:4

Yuj cha, xyaln 'ixtc 'a ewinac: —Caw x'och in mul, yujto xwa'ch jun winc chi 'a yol sc'ab' chamel, palta may jac smul, xchi 'a ewinac. Palta xyaln ewin 'ixtic: —An̈ xo tic on̈ jun, ¿tom 'ay caln quic 'a a mul chi 'on̈? Mun 'oj a na', tas tzotj a b'a yuj jun ec cha, xchi ewinac.

A Ch'an̈ B'ab'el Libro Samuel 13:13

Yuj cha, xyaln Samuel 'a Saúl 'ixtic: —¡Yuj a man̈ nab'enal 'ix a b'on jun tic! Ma'ix a yiclj tas xyal Jehová qui Diosalec 'ayach. Al to ma'ay, ach ya'cn 'och Jehová reyl 'a scal eb' quit israelal tic 'a jun 'ejmn̈ej.

A Ch'an̈ B'ab'el Libro Samuel 15:24

—Yel toni 'ix 'och in mul, ma'ix in yiclj tas xyal Jehová, atn tas xyal 'ayin yujto in xiw 'a eb' soldado ajun wet' tic, 'ix in yiclni tas xyal eb'.

A Ch'an̈ B'ab'el Libro Samuel 15:30

—Caw x'och in mul, palta tzin tew 'ayach, to 'ay cab' wel'ch 'a a sat 'a yojltac eb' 'ichmtac winac yet' 'a yojltac cab' smasnil eb' quit chon̈ab'. Meltzjan̈ wet'oc, yic tz'at ca'nc 'emmquilal 'a yojltac Jehová qui Diosal, xchi Saúl.

A Ch'an̈ B'ab'el Libro Samuel 18:30

Ax eb' syajlil eb' filisteo, caw tz'eltn̈ej eb' yac' owl yet' eb' israel, palta 'a junjn 'ejem tzyac' ganar David owl yet' eb' soldado ajun yet'oc. Caw jeln 'a yib'n̈ jun tzo'n̈ xo eb' scapitan̈ win Saúl cha, yuj cha caw b'inab'il.

A Ch'an̈ B'ab'el Libro Samuel 24:17

'Ix yaln 'ixtc 'a David: —Ach tic caw wal tojl a nab'en 'a wib'an̈, caw 'ay a niwnc'ojlal, yuj cha, ma'in a mil chamoc, caw wach' xotj 'a pactzan in tu nab'enal 'ayach.

A Ch'an̈ B'ab'el Libro Samuel 26:22

—Yaj q'uen a lanza 'a tic mamin rey. Cot cab' junc eb' a soldado chi wul yic' q'uen 'a tic.

A Ch'an̈ B'ab'el Libro Samuel 26:24

'Icha ton x'aj ticnec, caw wal niwn el'ch 'ayin, 'ixtnta pax tzin nib'ej, comnoc 'ay wel'ch 'a sat Jehová, a cab' tzin coln 'el 'a smasnil yailal tzjaw 'a wib'an̈, xchi David cha.

A Ch'an̈ B'ab'el Libro Samuel 27:4

A yic xyab'n Saúl speclal to a David tox 'ix 'at 'elc 'a Gat, yuj cha, 'ix yactn win spechn b'eyc'oc.