A Ch'an̈ B'ab'el Libro Samuel 26:12 - Chuj San Sebastian Bible

¹² 'Ix yi'n David q'uen lanza yet' jun tzu a a 'ayc' 'a sjolmtac, 'ix 'atx eb'. May xon junc mach x'ilni, may xon junc mach x'ab'ni; may pax mach x'el swayan̈. Chamnc eb' sway smasnil, yujto a Jehová 'ix 'a'n cot jun niwquil wayn̈ 'a yib'n̈ eb'.

Chuj San Mateo Bible

¹² Icha chi' ix aj yic'ancot q'uen lanza chi' vin̈aj David chi' yed' jun yed'tal a a' ayec' d'a sjolomtac vin̈aj Saúl chi', ix cot eb' vin̈. Malaj mach ix ilani, malaj mach ix ab'ani, malaj mach ix el svayan̈. Masanil eb' chamnac el svayi yujto a Jehová ix ac'ancot jun nivan vayan̈ d'a yib'an̈ eb'.

A Ch'an̈ B'ab'el Libro Samuel 26:12 Iomraidhean Croise

Gn 15:12

Ax yic xq'uic'b'i, caw xcham Abram swayi, 'ix jaw xiwlal 'a 'a, yujto caw q'uic'q'uinal.

Gn 2:21

Xlajw cha, xya'n cot Jehová Dios jun niwquil wayn̈ 'a yib'n̈ winac yic chamnc win swayi. 'Ix yi'n 'elt Dios jun sb'acl scostl winac, xlajw cha, 'ix smacn can pax 'aj xyij 'elt cha.

Ester 6:1

A wal 'a yic jun 'ac'wl cha, caw ma'ix cot xon swayn̈ win rey. Yuj cha, 'ix yaln winac, to tz'ijx cot ch'an̈ un̈ 'aj tz'ib'b'il smasnil tas 'e'nc xo 'a yib'n̈ jun nacion̈ cha, 'ix 'awtx ch'an̈ 'a yojltac winac.

Is 29:10

Yujto a Jehová, a 'ix a'n cot jun 'icha niwquil wayn̈ 'a eyib'an̈. Ax eb' schecb' Dios, a eb' tz'ilni tas tzjaw 'a eyib'an̈, palta 'ix smac Dios sat eb' schecb' cha, 'icha junc mach tzmacx sat yet' junc nip.

A Ch'an̈ B'ab'el Libro Samuel 24:4

Ax ewin ajun yet' David cha, 'ix yaln eb' 'ixtic: —A ticnec x'el'ch wal tas 'ix yal Jehová, to 'oj ya'ch jun 'ajc'ojl yajch 'aych 'a yol a c'ab'. B'o tas tza nib'j 'a 'a, xchi eb'. Xlajw cha, 'ix q'ue wan David, c'ojnc'ojnil xcoti, xwul spolnc 'el sti sjucn pichl Saúl.

A Ch'an̈ B'ab'el Libro Samuel 26:13

Xlajw cha, 'ix c'axw 'ec' David 'a sc'axpil 'ec' jun ch'olan, 'ix q'ue'ch 'a sjolm jun lum witz. Caw wal najt x'aj scal eb'.

A Ch'an̈ B'ab'el Libro Samuel 26:7

'A jun 'ac'wl cha, 'ix 'at David yet' Abisai 'a jun camplamento cha. Ax Saúl caw chamnc swayi, ax 'a sjolmtac ata pajb'il can 'ejm slanza 'a sat lu'um. Ax win Abner yet' smasnil eb' soldado wayn̈c eb' 'a stzey.