A Ch'an̈ B'ab'el Libro Samuel 24:8 - Chuj San Sebastian Bible

⁸ An̈jtona', 'ix 'elt David 'a yojl q'uen n̈aq'uen cha, 'ix 'at 'a spatquil Saúl, 'ix 'awj 'at 'ixtc 'a 'a: —Mamin rey, xchi 'a Saúl. A yic 'ix meltzj 'at q'ueln Saúl 'a spatic, 'ix 'em n̈ojn David 'a sat lu'um, yuj sch'oxn 'eli to niwn yel'ch Saúl 'a sat.

Chuj San Mateo Bible

⁸ Ix lajvi chi', ix elta vin̈aj David chi' d'a spatic vin̈, ix avajb'at vin̈: —Mamin rey, xchib'at vin̈. Axo ix meltzajb'at q'uelan vin̈aj Saúl chi' d'a spatic, ix em n̈ojnaj vin̈aj David chi', ix yalan vin̈:

A Ch'an̈ B'ab'el Libro Samuel 24:8 Iomraidhean Croise

Gn 17:3

Yuj cha, x'em n̈ojn Abram 'a sat lu'um, ya' sb'a tzpaxtin Dios 'a 'a, 'ix syamn 'och Dios yaln 'ixtic:

A Ch'an̈ B'ab'el Libro Yic Yab'ixal Eb' Rey 1:31

'Ix yab'nn̈ej 'ix Betsabé to 'ixta', 'ix 'em n̈ojn 'ix 'a yojltac win rey, masnto squil 'ejm 'ix snan̈l sat 'a sat lu'um, xyaln 'ix 'ixtic: —¡Mamin wajlil rey David, comnoc 'aych 'ec' 'a smasnil tiempo! xchi 'ix.

Ex 20:12

'Ay cab' yel'ch e mam e nun 'a e sat, sec wach' 'oj najtxb'oc e q'uinl 'a sat lum lum tzwac' 'ayex.

Ro 13:7

Tzann̈j eb' yajl tzc'ann tumn yuj ley, yowlal tzca'c 'a eb'. Wach'xam qui boleto, mto junc qui licencia, yowlal tzqui manc 'a eb' 'icha tzyal ley. A eb' yajl cha, toto smoj tzon̈ xiwc 'a eb', xiw coyc 'a eb'. Toto smoj 'ay yel'ch eb', 'ay cab' yel'ch eb' 'a qui satec.

A Sb'ab'el Carta San Pedro 2:17

'Ay cab' yel'ch junjn mach 'a qui satec. Tzqui chamc'ojlanc pax eb' quit creyenteal. Xiw coyc 'a Dios. Niwn cab' yel'ch pax win rey 'a qui satec.

A Ch'an̈ B'ab'el Libro Samuel 20:41

Cojnn̈ej x'atcn win quelm cha, 'ix 'elt David chi 'a yen̈l q'uen q'uen cha. 'A yic x'elt cha, 'ix 'em n̈ojnjoc 'a yojltac Jonatán 'ox'ejem, masnto x'emch snan̈l sat 'a sat lu'um. Xlajw cha, stz'ub'lan 'elt eb' sti', 'ix 'oc' eb' schawn̈il, ax David caw 'ix 'oc' si'mb'il.

A Ch'an̈ B'ab'el Libro Samuel 24:7

'Ixtnta xyutj David stenn 'och wan eb' winc ajun yet' cha, ma'ix yac' spermiso eb' smiln cham Saúl. 'Ix 'el paxt win 'a yojl q'uen n̈aq'uen cha, 'ix 'atxi.

A Ch'an̈ B'ab'el Libro Samuel 24:9

'Ix yaln David chi 'ixtic: —Mamin rey, ¿tas yuj tza chaj ab' 'a eb' 'anma tzalni to maysch'olnil tas tzwij cot 'a eb'an̈?

A Ch'an̈ B'ab'el Libro Samuel 26:17

A yic 'ix yab'n Saúl sjaj David, 'ix 'awj 'a win 'ixtic: —¿Tom ach David ach, ach tic 'icha wunnal aji? ¿tom ach tzach paxtin 'ayin? xchi Saúl. —N', an ton ach wajlil.

A Ch'an̈ B'ab'el Libro Samuel 28:14

—¿Tas yilx jun? xchi winac. —'Ay jun winc caw wal 'ichm xo, 'aych jun sjucn pichl yu'uj, xchi 'ix. Atta 'ix nachj 'el yuj Saúl, chajtlto a Samuel 'ix ch'ox sb'a. Yuj cha, 'ix 'em n̈ojnjoc, squiln 'ejm snan̈l sat 'a sat lu'um.