A Ch'an̈ B'ab'el Libro Samuel 24:4 - Chuj San Sebastian Bible

⁴ Ax ewin ajun yet' David cha, 'ix yaln eb' 'ixtic: —A ticnec x'el'ch wal tas 'ix yal Jehová, to 'oj ya'ch jun 'ajc'ojl yajch 'aych 'a yol a c'ab'. B'o tas tza nib'j 'a 'a, xchi eb'. Xlajw cha, 'ix q'ue wan David, c'ojnc'ojnil xcoti, xwul spolnc 'el sti sjucn pichl Saúl.

Chuj San Mateo Bible

⁴ Yuj chi' ix yal eb' vin̈ ajun yed' vin̈aj David chi': —A ticnaic ix elc'och tas ix yal Jehová to syac'och vin̈ ajc'ool d'a yol a c'ab'. A ach tza na'a tas tzutej, xchi eb' vin̈ d'a vin̈. Ix q'ue vaan vin̈, te c'ojanc'olal ix cot vin̈, ix spolanel jab' sti' sjucan pichul vin̈aj Saúl chi' vin̈.

A Ch'an̈ B'ab'el Libro Samuel 24:4 Iomraidhean Croise

A Ch'an̈ Schab'l Libro Samuel 4:8

yic tz'at ya'nc eb' 'a David, yujto ata 'ayc' 'a Hebrón. Ax yic xc'och eb', 'ix yaln eb' 'a win rey chi 'ixtic: —Mamin rey, tic xquij cot sjolm win Is-boset 'ayach, win yunnal Saúl, atn jun 'ajc'ojl yajch 'ayach, jun snib'jnac ach smil chamoc. Palta ax ticnec, x'el 'a sc'ojl Jehová ya'n 'ayach, yic tza pacn a b'a 'a Saúl yet' 'a eb' yin̈til, xchi eb' 'a David.

Job 31:31

A eb' cajn wet' 'a watut, yojc eb' to a smasnil eb' ula 'anma tzlaj 'ec' 'ayin, tzwa'n̈j wa eb'.

Salmos 142:1

Mamin Jehová, caw wal 'ip waln in b'a 'ayach, tzwac' 'ip in c'ann 'ayach to tz'o'ch a c'ojl 'ayin.

Salmos 57:1

Ach in Diosal, 'o'ch cab' a c'ojl 'ayin. A 'aych tzin col in b'a masnto tz'ec' jun yailal tic 'a wib'an̈. Tzin nib'j tzin col in b'a 'aych 'icha tzyutj scoln sb'a no yune caxtiln̈ 'a yaln̈ sc'axl snun.

Ex 21:13

Palta toto man̈ sc'anc sc'ojl tzmilwj cha, lemb'il to stiempoal xo scham pax junc 'anma cha. Toto 'ixta', an Dios in tic, an 'oj wala', 'ajtil 'oj 'at sc'ub'c 'el sb'a junc tzmilwj cha.

A Ch'an̈ B'ab'el Libro Samuel 22:1

Xlajw cha, 'ix 'atx David chi ta', 'ix 'at sc'ub'nc 'el sb'a 'a yol jun n̈aq'uen 'ay 'a yol yic Adulam. Ax yic xyab'n eb' yu'tac yet' eb' yicanto sb'a yet'oc, chajtlto ata 'ayc' ta', 'ix c'och eb' yet'oc.

A Ch'an̈ B'ab'el Libro Samuel 23:17

'Ix yaln Jonatán 'ixtic: —Man̈ ach xiwoc, yujto ma'oj elchj yuj in mam. Ach tic 'oj och xon qui reyloc an̈ Israel on̈c tic, an xo 'oj woch schab'l yajlil. An̈jtona yojc xo in mam, xchi Jonatán.

A Ch'an̈ B'ab'el Libro Samuel 23:7

Xlajw cha, 'ix alx pax yab' Saúl, to a David ata 'ayc' 'a chon̈b' Keila, yuj cha, 'ix yaln 'ixtic: A ticnec tox 'ix yac' Dios David 'a yol in c'ab', yujto x'at smaccn 'och sb'a 'a yol jun chon̈b' to caw wal wach' yaj smac, xchi.

A Ch'an̈ B'ab'el Libro Samuel 24:10

¡'Ilto, na a b'a! A Jehová ach 'a'n 'och 'a yol in c'ab' 'a yojl q'uen n̈aq'ue'en. 'Ix yal eb' winc ajun wet'oc, to ata tzach in mil chamoc, palta ma'ix yal in c'ojol. 'Ix wac' niwnc'ojlal 'a eb'an̈. 'Ix in na coti to rey ach, yujto a Jehová si'jnacch 'och reyal.

A Ch'an̈ B'ab'el Libro Samuel 24:18

A ticnec 'ix a ch'oxli, to wach' a nab'en 'ayin. In ya'ch wal Jehová 'a yol a c'ab', palta ma'in 'a mil chamoc.

A Ch'an̈ B'ab'el Libro Samuel 26:23

A cab' Jehová tz'a'n spac 'a junjn mach yuj swach'l snab'en, yujto wach' tzyutj sb'a. Wach'xam 'a jun c'u tic, ach ya'ch Jehová 'a yol in c'ab', palta ma'ix yal in c'ojl ach in mil chamoc, yujto a ach si'n 'och 'a opiso.