A Ch'an̈ B'ab'el Libro Samuel 24:12 - Chuj San Sebastian Bible

¹² A cab' Jehová 'oj qui b'eyc'ojlan q'ui chawn̈il. A 'oj 'a'nc spac 'aych yuj tas tzin otej. An xo pax tic, may b'a'n̈ 'oj ach in mil chamoc.

Chuj San Mateo Bible

¹² A ticnaic, on̈ b'eyc'olajocab' co chavan̈il yuj Jehová Dios, mach tojol spensar, aocab' tz'ac'an spac d'ayach yuj tas tzin utej. A inxo tic jun, man̈ ol vac'och in c'ab' ach in milanchamoc.

A Ch'an̈ B'ab'el Libro Samuel 24:12 Iomraidhean Croise

Gn 16:5

Yuj cha, xyaln 'ix Sarai 'a win Abram 'ixtic: —¡O'oj, yuj cha, tzin syajn 'el 'ix 'ix xwac' 'aych tic! Tic wal pax an 'ix wac' 'ix 'ayach. Ocxom wal 'oj 'aljoc yune 'ix cha, caw niwn yel'ch 'ix 'a wib'n̈ tzyutj snani. Sb'eyc'ojloc on̈ cab' Jehová et'oc, ach am 'ay a mul, mto a 'in, xchi 'ix Sarai.

Gn 31:53

A cab' sDiosal a mam 'ichm Abraham, yet' sdiosal in mam 'ichm Nacor, a tzon̈ 'iln qui chawn̈il, xchi winac. Xlajw cha, xya'n win Jacob sti 'a sb'i sDiosal smam 'aj tz'och Isaac 'emmquilal.

A Ch'an̈ Schab'l Libro Samuel 22:48

Ach in Diosal tza pactzej 'a eb' tzin 'ixtni, tza'n can 'och jun tzo'n̈ chon̈b' 'a yol in c'ab'.

1 Cr 12:18

'Ix 'och Yespíritu Dios 'a Amasai syajlil eb' 30 cha, 'ix yaln 'ixtc: ¡Ach David yunnal Isaí, ec caj on̈, 'oj qui can et'oc! ¡Junc'ojlal cab' aji! ¡Junc'ojlal cab' aj yet' eb' xcolwj et'oc, yujto a qui Diosalec a xcolwjn̈ej pax et'oc! xchi. 'Ix schaj David eb', 'ix ya'n 'och eb' capitan̈il 'a scal eb' syajlil eb' soldado cha.

Job 5:8

Q'uinloc an 'ixta waj 'icha aj tic, yajn̈j am cha tzwaln in b'a 'a Dios.

Salmos 35:1

Mamin Jehová, meltzjan̈ 'och 'a eb' tzcomn meltzj 'och 'ayin; 'ac' owl yet' eb' tzyac' owl wet'oc.

Salmos 43:1

Ach in Diosal b'eyc'ojlej in, ala to may in mul, coln 'el 'a yol sc'ab' eb' 'anma 'a'm 'es yet' 'a eb' tu sb'eyb'al.

Salmos 94:1

Mamin Jehová ch'oxl a b'a to Dios ach, ach tzac' spac tas maysch'olnil.

Ro 12:19

Ex chamc'ojlb'il wu'uj, caw wal matz tac' qui pacnec qui b'a 'a junc mach. Yowlal tzqui tan̈wjec, sec mun a Dios 'oj 'a'nc syailal. Yujto yaljnac can Dios 'ixtc 'a Ch'an̈ U'un̈: An 'ay waln wic wa'n 'och syailal eb', an 'oj wac' spac 'a eb', 'icha smoj schan eb', xchi Cajlilec.

A Sb'ab'el Carta San Pedro 2:23

A 'a yic 'ix b'uchwj eb' 'a 'a, ma'ix b'uchwj pax 'a eb'. Ax yic 'ix 'ajx pax 'och 'a syailal, ma'ix yala, to 'oj yac' spac 'a eb'. Ton̈j xyac' 'ab'enal sb'a 'a Dios, atn jun Juez caw tojol.

Apoc 6:10

A eb' cha, caw 'ip xyal eb' 'ixtic: —Ach Cajlil, caw wach'n̈j ach. Caw tz'el'chn̈ej tas tzala. ¿B'a'n̈ wal 'oj a b'eyc'ojloc eb' 'anma 'a yolyib'n̈q'uinl yuj qui chaml on̈, ax a'n spac 'a eb'? xchi eb'.

Jueces 11:27

An tic, may tas tu xin b'o 'ayex. Palta ax tic, ax tu tas wan e b'oni, tzex jaw wul eyac' owl quet' on̈. Yuj cha, a cab' Jehová 'oj qui b'eyc'ojlan eyet'oc, xchi Jefté, xchi eb' 'a win rey cha.

A Ch'an̈ B'ab'el Libro Samuel 20:1

'Ix 'elx David 'a Naiot 'a yol yic Ramá, axta xc'och 'a 'aj 'ayc' Jonatán. 'Ix yaln 'a 'ixtic: —¿Tas wal tu 'ix in b'o'o? ¿Tas wal in paltail, mto tas wal in mul 'ix 'och 'a a mam, yuj wal cha, tzin sayn 'eq'ui, yic tzin ya'n milxoc? xchi David.

A Ch'an̈ B'ab'el Libro Samuel 24:15

Yuj cha, a cab' Jehová 'oj qui b'eyc'ojlan qui chawn̈il; a cab' tzin b'eyc'ojlani, tzin scoln 'el 'a yol a c'ab', xchi David.

A Ch'an̈ B'ab'el Libro Samuel 26:23

A cab' Jehová tz'a'n spac 'a junjn mach yuj swach'l snab'en, yujto wach' tzyutj sb'a. Wach'xam 'a jun c'u tic, ach ya'ch Jehová 'a yol in c'ab', palta ma'ix yal in c'ojl ach in mil chamoc, yujto a ach si'n 'och 'a opiso.