A Ch'an̈ B'ab'el Libro Samuel 23:12 - Chuj San Sebastian Bible

¹² 'Ix sc'anb'n pax David 'ixtc 'a 'a: —¿'Oj in ya'ch am eb' 'aj Keila tic 'a yol sc'ab' Saúl yet' eb' ajun wet' tic? xchi. —'Oj ex ya'ch eb' 'a yol sc'ab', xchi.

Chuj San Mateo Bible

¹² Ix sc'anb'anxi vin̈aj David chi' d'a Jehová chi': —¿Ol am in yac'och eb' aj chon̈ab' Keila tic yed' eb' in soldado d'a yol sc'ab' vin̈? xchi vin̈. Ix yalanxi Jehová chi': —I', ol ex yac'och eb', xchi.

A Ch'an̈ B'ab'el Libro Samuel 23:12 Iomraidhean Croise

Salmos 118:8

Yel xo wach' tzca'c 'och Jehová yipc qui c'ojol, 'a yib'n̈ to a eb' 'anma 'aj tzca'c 'och qui c'ojol.

Salmos 143:8

'A junjn sq'uin̈b'ial tza'n wojcoc 'el a chamc'ojlal, yujto ach tzach wa'ch yipc in c'ojol. 'Ac' wojcoc 'eli tas wal smoj in b'oni, yujto a 'aych wan waln in b'a.

Salmos 31:8

Ma'in a'cn 'och 'a yol sc'ab' eb' 'ajc'ojl yajch 'ayin; palta ata in a'cn 'och lin̈n 'a 'aj may tas tzin 'i'ni.

Salmos 62:1

Cojn 'a Dios 'aj tz'ilchj junc'ojlal wu'uj, a 'a tzcot in colnb'il.

Is 29:15

'Oltac wal eb' tzc'ub'j 'el cob' sb'a 'a sat Jehová snani, tzc'ub'n 'el eb' tas tzna'a, c'ultacl tzb'o eb' maysch'olnil, tzyaln eb' 'ixtic: May mach tzon̈ 'ilni, may mach 'oj 'ojcanc 'eli, xchi cob' eb'.

Jeremías 11:18

A Jehová, a 'ix 'a'n nachjoc 'el wu'uj, chajtlto 'ay eb' 'ajc'ojl wan snani, tas tzyutj eb' sb'on tu 'a in patic. A xjacn in nab'en, sec tznachj 'el wu'uj.

A Ch'an̈ Carta D'a Eb' Hebreo 4:13

May junc mach tztac' sc'ub'n 'el sb'a 'a sat Dios. Caw checln̈ej smasnil tas 'a sat. 'Oj qui c'ochc 'a yojltac yic tzqui chanec spac tastc tzqui b'o junjn on̈ec.

Jueces 15:10

Ax eb' 'aj Judá 'ix sc'anb'n 'a eb' 'ixtic: —¿Tas yuj tzex jaw wul eyac' owl quet' on̈? xchi eb'. —Tzon̈ jaw wul qui yam win Sansón on̈, ax ca'n 'och syailal 'icha wal on̈ yutj on̈ yixtni, xchi eb' filisteo cha.

A Ch'an̈ B'ab'el Libro Samuel 23:11

¿'Ojm jawc Saúl wul in sayc' 'a tic, 'icha xwutj wab'ni? ¿'Ojm in ya'ch eb' 'aj Keila tic 'a yol sc'ab'? Tzin tew 'aych Jehová, ach in Diosal to tzal 'ayin tas tzwutj in b'a, xchi David. 'Ix yaln Jehová 'ixtic: —A Saúl wan scoti, xchi.

A Ch'an̈ B'ab'el Libro Samuel 23:20

Yuj cha, toto tzchaj a c'ojl tzach 'at ta', tztac' tzach 'ati, 'oj qui ch'ox 'aych on̈, xchi eb'. 'Ix yaln win Saúl 'ixtc 'a eb':

A Ch'an̈ B'ab'el Libro Samuel 23:7

Xlajw cha, 'ix alx pax yab' Saúl, to a David ata 'ayc' 'a chon̈b' Keila, yuj cha, 'ix yaln 'ixtic: A ticnec tox 'ix yac' Dios David 'a yol in c'ab', yujto x'at smaccn 'och sb'a 'a yol jun chon̈b' to caw wal wach' yaj smac, xchi.