A Ch'an̈ B'ab'el Libro Samuel 21:7 - Chuj San Sebastian Bible

⁷ A 'a yic jun c'u cha, 'ayc' jun win schecb' Saúl 'a stz'ey jun scajnub' Jehová cha, edomita winac, tzcuch Doeg, syajlil eb' yilmal scalnelu Saúl yaj winac.

Chuj San Mateo Bible

⁷ A d'a jun c'u chi', ayec' jun vin̈ schecab' vin̈aj Saúl d'a slac'anil scajnub' Dios, yujto ay tas ayoch d'a yib'an̈ vin̈. A jun vin̈ chi', edomita vin̈, Doeg sb'i vin̈, yajal yaj vin̈ d'a scal eb' stan̈vumal scalnel vin̈aj Saúl chi'.

A Ch'an̈ B'ab'el Libro Samuel 21:7 Iomraidhean Croise

Gn 26:20

Ax jun tzo'n̈ xo ewin 'ilm calnelu yic Gerar tz'ec' 'a jun 'a'lic cha, tzya'n eb' owl yet' ewin yilmal scalnelu Isaac cha, yujto tzyal ewinac to yic eb' jun a cha, yuj cha, xya'n Isaac sb'ic jun a chi Chacjb'ail, yujto schac sb'a ewin yuj a'.

1 Cr 27:29

A mach tz'iln no wacx 'a lum Sarón, atn Sitrai, 'aj Sarón cha. Ax mach tz'iln no wacx 'ay 'a lum pan̈n 'a'lic, atn Safat, yunnal Adlai.

1 Cr 27:31

Ax mach tz'iln no calnelu, atn Jaziz, win agareno. A smasnil jun tzo'n̈ eb' tic, atn eb' tz'iln smasnil tas 'ay 'a win rey David.

2 Cr 26:10

Sb'on pax jun tzo'n̈ cuartel chi 'a lum cusltac lu'um. Caw niwn jun tzo'n̈ c'ob'a sjoyo, yujto caw niwn scajb'en noc' 'ay 'a lum pan̈n 'a'lic, yet' pax 'a yich eb' lum witz. An̈jtona', caw 'ay eb' smunljum tzmunlj 'a 'awj uva, yet' 'a jun tzo'n̈ xo 'awb'ente 'ay 'a lum jolm witz. Caw wal pitz'n 'och 'a sc'ojl smunlji.

Ez 33:31

'Ixta tzyutj eb' in chon̈b' chi yi'n cot sb'a, tzlaj 'em wocn eb' yab'xni 'a tas tzala. Palta matz b'eylb'ej eb' tas tzal cha, ton̈j tzlaj stz'ac eb' laj yala', ax snab'en eb', a wal maysch'olnil tznib'j 'och eb'.

Lv 22:10

May wal junc 'anma to may yuj sb'a yet' win ya'mal 'och sti eb' 'anma chi tztac' sc'uxn tas to wic yaji. Eb' ton̈j cajn 'ec' 'a 'a, mto eb' ton̈j 'ayc' munljoc 'a 'a, matz tac' pax sc'uxn eb' tas to wic yaj cha.

Lv 22:13

Palta toto chamnc xo yichmil 'ix, mto spojjnac sb'a 'ix yet' yichmil cha, may pax yune 'ix yic tzc'ochx can 'ix 'a yatut smam, 'icha xon 'a yic cob'sto 'ix, to 'ixta', tztac' cab' sc'uxn 'ix tas tzc'ux smam cha. Palta ax eb' comn 'anma', matz tac' sc'uxn eb' tas tzc'ux winac.

Lv 24:5

'Ijx cab' cot 'ixm harina caw wach', sec a 'a jun harina cha, ata tzb'o lajchwe'oc 'ixm niwc pan, chan̈e libra 'ixm harina tz'och 'a jun jun.

Lv 24:8

A jun tzo'n̈ pan cha, yowlal a 'ixm c'a't tz'ajx 'och 'a wojltac 'a junjn sc'ul 'iljelal. A jun tic, in trato tz'ajcn eyet' 'a smasnil tiempo.

Am 8:5

Ax tic tzeyal 'ixtic: Comnoc tzjapx q'uin̈ yic tzpa'x 'uj sec 'oj sta'x qui chon̈n qui trigo. Comnoc tzjapx sc'ul 'iljelal muc'uc sec 'oj stac' qui chon̈n sat cawb'en 'a chan̈ stojol, ax qui c'anlb'an quechtab' to man̈ tz'acnoc.

Mt 15:8

A eb' 'anma tic, tzcob' yal eb' to 'ay wel'ch 'a sat eb', palta ax snab'en eb' caw najt yajl 'ayin.

A Ch'an̈ B'ab'el Libro Samuel 11:5

Wanto wal cha, 'ix c'och Saúl, spet 'a smunljel, pechb'il jun tzo'n̈ mam wacx yu'uj. Yajn̈j wal cha, 'ix sc'anb'n 'ixtic: —¿Tas tz'i'n eb' 'anma tic yuj chi tz'oc' eb'? xchi. 'Ix yaln eb' 'anma smasnil tas xwul yal eb' winc 'aj Jabes chi 'a eb'.

A Ch'an̈ B'ab'el Libro Samuel 14:47

A yic yochcn Saúl reyl 'a chon̈b' Israel, syamn 'och yac' owl yet' smasnil eb' 'ajc'ojl oyn 'och 'a stz'ey, atn eb' 'aj Moab, eb' yin̈tl Amón, eb' yic Edom, yet' eb' sreyl Soba, yet' pax eb' filisteo. Tzann̈j 'ajtil tz'at yac' owal, an̈j tz'a'n ganar.

A Ch'an̈ B'ab'el Libro Samuel 21:8

'Ix yaln David 'ixtc 'a Ahimelec cha: —¿'Ay am junc lanza mto junc espada 'ayc' 'ayach? Yujto caw ji'lti in checx cot yuj win rey, yuj cha, man̈x 'ic wij cot wespada yet' jun tzo'n̈ xo in yamc'ab' yic owal, xchi David.

A Ch'an̈ B'ab'el Libro Samuel 22:10

Ax Ahimelec cha, 'ix sc'anb'j 'a Jehová yuj David, 'ix ya'n tas tzc'uxu, 'ix ya'n pax q'uen yespada can win Goliat 'a David cha, xchi.

A Ch'an̈ B'ab'el Libro Samuel 22:22

'Ix yaln David 'ixtc 'a Abiatar: —A jun cha toxn to wojtac, yujto a yic cha, 'ix wila chajtlto 'ayc' win Doeg ta', yuj cha, wojtac to a win xaln 'a Saúl. A ticnec wojtac chajtlto an 'ay in mul, yuj cha, 'ix cham smasnil eb' ecan cha.

A Ch'an̈ B'ab'el Libro Samuel 22:9

Ax win Doeg win edomita, lin̈n 'ec' 'a stz'ey eb' sat yajl yaj 'a eb' soldado Saúl, 'ix ta'w win 'ixtic: —An tic, xwil win yunnal Isaí cha, a yic x'ec' win 'a Nob. Ata xc'och win 'a Ahimelec yunnal Ahitob.