A Ch'an̈ B'ab'el Libro Samuel 21:2 - Chuj San Sebastian Bible

² —To 'ay jun tas tzwul yac' win rey in b'o', palta xyal win 'ayin, chajtlto may junc mach tztac' yojcan 'eli. Ax pax jun tzo'n̈ in checb' ajun wet'oc, tox xwal 'a eb' 'ajtil 'oj in cha in b'a yet' eb'.

Chuj San Mateo Bible

² Ix tac'vi vin̈aj David chi': —Atoni, yujto ay tas ix schec vin̈ rey ul in c'ulej, palta snib'ej vin̈ to malaj mach tz'ojtacaneli, axo pax eb' vin̈ ajun ved' jun, ix val d'a eb' vin̈ b'ajtil ol vil-lajxi in b'a yed' eb' vin̈.

A Ch'an̈ B'ab'el Libro Samuel 21:2 Iomraidhean Croise

Gn 27:20

Xlajw cha, sc'anb'n win Isaac 'a 'ixtic: —¿Tas wal xotj no a yamn mu'c ach wunnal? xchi. —A Jehová qui Diosal a x'och wet'oc, yuj cha, yajn̈ej x'ilchj no wu'uj, xchi Jacob cha.

Gn 27:24

Sc'anb'n pax wal jun 'ejm xo 'a Jacob 'ixtic: —¿Yel am wali ach wunnal Esaú ach? xchi. —N', an ton Esaú in, xchi.

A Ch'an̈ B'ab'el Libro Yic Yab'ixal Eb' Rey 13:18

'Ix yaln pax jun 'ichm winc chi 'ixtc 'a winac, yic tzya'n 'es: —An̈jtona 'in, schecb' in Dios 'icha ach tic. A jun yángel Jehová 'ix aln 'ayn 'ixtic: 'At 'ij meltzjoc winac. Wa cab' win 'a atut, yu' cab' win a a 'a atut cha, xchi 'ayin, xchi winac.

Salmos 119:29

'Ij in 'el 'a jun b'eyb'al yic 'a'j 'es, yuj a wach'c'ojlal tzin a cuyn 'a a cuynb'il.

Salmos 141:3

Mamin, 'a'ch wal stan̈mal in ti', sec matz wal tas man̈ tojloc.

Is 10:32

Ax ticnec, xc'och sc'ul syamn sb'a eb' 'a'm owl chi 'a lum Nob, yic tzch'oxn eb' 'ilxoc to 'aych 'a snab'en eb' satn 'el Sión, atn lum stzalnil Jerusalén.

Gl 2:12

Yujto a yic sc'och ta muc'uc, swa yet' eb' creyente man̈ israeloc. Palta ax yic sc'och jun tzo'n̈ eb' schecb' Santiago 'a Antioquía cha, yi'n 'el sb'a, man̈x 'ic wa yet' eb'. Yujto tzxiw 'a jun tzo'n̈ eb' an̈ja 'aych snab'en 'a ley yic Moisés.

A Scarta San Pablo D'a Eb' Aj Colosas 3:9

Man̈ eyac' 'es 'a junc xo mach. Man̈ e b'o jun tzo'n̈ xwal tic, yujto a wal qui nab'enec 'a yic yalan̈, yet' qui b'eyb'alec, tox xcactjec cani.

A Ch'an̈ B'ab'el Libro Samuel 19:17

Yuj cha, xyaln Saúl 'ixtc 'a 'ix Mical cha: —¿Tas yuj 'ixtc in otj in extni, 'ix a chan 'at jun 'ajc'ojl 'ayn chi 'eloc? xchi. —Yujto 'ix yal win 'ixtc 'ayin: 'Oj ach in mil chamoc, toto matz in a chaj 'at 'eloc, xchi winac, xchi 'ix.

A Ch'an̈ B'ab'el Libro Samuel 21:3

A ticnec, ¿'aym jac tas wach' tzqui c'ux 'ayach? 'Ac' o'e'oc in pan, mto 'ay junc xo tas 'ayc' 'ayach, 'ac' jac wico', xchi David cha.

A Ch'an̈ B'ab'el Libro Samuel 22:22

'Ix yaln David 'ixtc 'a Abiatar: —A jun cha toxn to wojtac, yujto a yic cha, 'ix wila chajtlto 'ayc' win Doeg ta', yuj cha, wojtac to a win xaln 'a Saúl. A ticnec wojtac chajtlto an 'ay in mul, yuj cha, 'ix cham smasnil eb' ecan cha.

A Ch'an̈ B'ab'el Libro Samuel 22:9

Ax win Doeg win edomita, lin̈n 'ec' 'a stz'ey eb' sat yajl yaj 'a eb' soldado Saúl, 'ix ta'w win 'ixtic: —An tic, xwil win yunnal Isaí cha, a yic x'ec' win 'a Nob. Ata xc'och win 'a Ahimelec yunnal Ahitob.