A Ch'an̈ B'ab'el Libro Samuel 20:41 - Chuj San Sebastian Bible

⁴¹ Cojnn̈ej x'atcn win quelm cha, 'ix 'elt David chi 'a yen̈l q'uen q'uen cha. 'A yic x'elt cha, 'ix 'em n̈ojnjoc 'a yojltac Jonatán 'ox'ejem, masnto x'emch snan̈l sat 'a sat lu'um. Xlajw cha, stz'ub'lan 'elt eb' sti', 'ix 'oc' eb' schawn̈il, ax David caw 'ix 'oc' si'mb'il.

Chuj San Mateo Bible

⁴¹ Ixn̈ej b'atcan vin̈ quelem chi', ix elcancot vin̈aj David d'a spatic q'uen q'ueen. Ixn̈ej elta vin̈ chi', oxel ix em n̈ojan vin̈ d'a yichan̈ vin̈aj Jonatán chi'. Ix lajvi chi' ix stz'ub'lanelta sti' eb' vin̈, ix oc' eb' vin̈ schavan̈il, ix sic'sic'an val vin̈aj David chi' yoq'ui.

A Ch'an̈ B'ab'el Libro Samuel 20:41 Iomraidhean Croise

Gn 29:11

Yajn̈j wal cha, xya'n win stzatzl sc'ojl 'ix stz'ub'n 'elt win sti 'ix, xlajw cha, syamn 'och win yoq'ui.

Gn 29:13

Ax yic xyab'n Labán speclal Jacob, to yune yanb' winac, carela xcot win wul scha'. X'och la'n win 'a Jacob, stz'ub'n 'elt win sti', xyi'n 'at 'a yatut. Xlajw cha, syamn 'och Jacob yaln 'a Labán, tas x'aj s'at 'a yol b'e yet' 'a yatut.

Gn 33:4

Ax Esaú xc'och 'a yojltac muc'uc, x'och la'n̈joc 'a sjaj stz'ub'n 'elt eb' sti jun jun, x'oc' chan̈ eb' schawn̈il.

Gn 42:6

Ax José yajl yajch 'a Egipto cha, a tz'a'n 'elt 'ixm trigo 'a eb' manwjum tzlaj c'ochi. A yic xc'och eb' yu'tac 'a yojltac, x'em n̈ojn eb', masnto squil 'ejm eb' snan̈l sat 'a sat lu'um.

Gn 43:28

X'em n̈ojn ewinac, xyaln ewin 'ixtic: —A win qui mam chi 'on̈, 'ayt 'eq'ui, caw wach' sc'ojl winac, xchi eb'.

Gn 45:15

'Ix stz'ub'n 'elt José sti jun tzo'n̈ xo eb' yu'tac cha, 'ix 'oc' pax 'a yic la'n 'och 'a eb'. Xlajw cha, ste'wtzan sb'a ewin yu'tac chi spaxtin yet'oc.

A Ch'an̈ Schab'l Libro Samuel 1:2

Ax 'a schab'jial 'ix c'och jun winc 'a David cha, ata xcot win 'a 'aj 'e'nc scamplamento Saúl. Caw jatquixtac spichul, 'ay q'ue lum 'a scal xil sjolom yic tzch'oxn 'eli chajtlto 'ay scusc'ojlal. Ax yic xc'ochi, 'ix 'em n̈ojnjoc 'a yojltac David.

A Ch'an̈ Schab'l Libro Samuel 1:26

Caw wal 'ayn 'och 'a cusc'ojlal oj wu'tac Jonatán. Caw niwn a wach'c'ojlal a'jnac 'ayin. A wal a chamc'ojlal a ch'oxjnac 'ayin, 'ec'b'al xo 'a yib'n̈ schamc'ojlal eb' 'ix 'ix.

A Ch'an̈ Schab'l Libro Samuel 14:4

'Ix jaw 'ix 'aj Tecoa chi 'a yojltac win rey cha, 'ix 'em n̈ojn 'ix 'a yojltac winac, yic tzch'oxn 'ix yemmquilal, 'ix yaln 'ix 'ixtic: —Colwjan̈ wet' mamin rey, xchi 'ix.

A Ch'an̈ Schab'l Libro Samuel 19:39

Smasnil eb' ajun yet'oc, 'ix 'e't eb' 'a yojl a Jordán cha. A yic tox 'ix 'e't win rey, 'ix stz'ub'n can 'elt win sti win Barzilai, 'ix yaln can sb'a win 'a 'a. Xlajw cha, 'ix meltzj win Barzilai 'a yatut.

A Ch'an̈ Schab'l Libro Samuel 9:6

A yic 'ix jaw win Mefi-boset yunnal can win Jonatán, yixchicn can Saúl 'a yojltac David, 'ix 'em n̈ojnjoc 'a yojltac win rey cha, yic tzch'oxn 'el syiclumal. 'Ix yaln David 'a win 'ixtic: —¿Ach tic Mefi-boset a b'i? xchi. —An ton 'ixta in b'i mamin rey, xchi winac.

A Ch'an̈ B'ab'el Libro Yic Yab'ixal Eb' Rey 1:16

'Ix 'em n̈ojn 'ix Betsabé sc'och 'a yojltac winac, yuj sch'oxn 'eli, to niwn yel'ch winac. 'Ix scanb'n win rey 'a 'ix 'ixtic: —¿Tas aji? xchi win 'a 'ix.

A Ch'an̈ B'ab'el Libro Yic Yab'ixal Eb' Rey 1:23

'Ix alx yab' win rey, chajtlto 'ix c'och winac, yuj cha, 'ix 'elt 'ix Betsabé. Ax yic 'ix 'ochch win Natán, 'ix 'em n̈ojn 'a yojltac win rey cha, masnto 'ix squil 'ejm snan̈l sat 'a sat lu'um.

A Ch'an̈ B'ab'el Libro Yic Yab'ixal Eb' Rey 1:31

'Ix yab'nn̈ej 'ix Betsabé to 'ixta', 'ix 'em n̈ojn 'ix 'a yojltac win rey, masnto squil 'ejm 'ix snan̈l sat 'a sat lu'um, xyaln 'ix 'ixtic: —¡Mamin wajlil rey David, comnoc 'aych 'ec' 'a smasnil tiempo! xchi 'ix.

A Tas Sc'ulejnac Eb' Schecab' Jesús Hechos 20:37

Xlajw sleslwi eb', 'ix syamn 'och eb' yoc' smasnil. Junjnal xlaj sla'cot eb' Pablo cha. 'Ix stz'ub'n can 'elt eb' sti'.

A Ch'an̈ B'ab'el Libro Samuel 10:1

Xlajw cha, xyi'n cot Samuel jun yet'l aceite, 'ix secn q'ue aceite chi 'a sjolm Saúl, 'ix stz'ub'n 'elt sti', xyaln 'a 'ixtic: A Jehová a tzach 'a'n 'och syajlilc qui chon̈ab'.

A Ch'an̈ B'ab'el Libro Samuel 18:3

Ax Jonatán yet' David 'ix ya'n eb' sti 'a jun jun, chajtlto tzchamc'ojlej sb'a eb' 'a jun 'ejmn̈ej.

A Ch'an̈ B'ab'el Libro Samuel 20:40

Xlajw cha, xya'n win Jonatán chi jun tzo'n̈ syamc'ab' yic owl 'a win quelm cha, xyaln 'a 'a chajtlto tzyij 'at 'a yol chon̈ab'.

A Ch'an̈ B'ab'el Libro Samuel 24:9

'Ix yaln David chi 'ixtic: —Mamin rey, ¿tas yuj tza chaj ab' 'a eb' 'anma tzalni to maysch'olnil tas tzwij cot 'a eb'an̈?

A Ch'an̈ B'ab'el Libro Samuel 25:23

Palta ax yic schan sb'a 'ix Abigail yet' David cha, 'ix 'emt 'ix 'a yib'n̈ no b'uru, 'ix 'em n̈ojn 'ix, masnto squil 'ejm 'ix snan̈l sat 'a sat lu'um, yuj sch'oxn 'eli, to niwn yel'ch David chi 'a 'ix.