A Ch'an̈ B'ab'el Libro Samuel 2:9 - Chuj San Sebastian Bible

⁹ Ach tza tan̈wj eb' eco', palta ax eb' maysch'olnil, ata tzcham eb' 'a scal q'uic'q'uinal. Matz tac' qui q'ue'ch yet' qui jelnal 'a mun yol quic on̈.

Chuj San Mateo Bible

⁹ A Jehová stan̈van eb' yico' b'ajtac tz'ec' eb', axo eb' anima te chuc, scan eb' d'a cal q'uic'alq'uinal. Malaj mach syal yac'an ganar d'a yol yico'.

A Ch'an̈ B'ab'el Libro Samuel 2:9 Iomraidhean Croise

Job 18:18

'Oj 'ijxoc 'el 'a scal sacq'uinal, ax sjulx can 'at 'a scal q'uic'q'uinal, 'oj 'ijxoc 'el 'a yolyib'n̈q'uinl tic.

Job 40:13

Tza muccn eb' 'a yol lu'um, tza macn can 'ejm eb' 'a yol lum 'a campusan 'a 'aj 'ay eb' chamnac.

Job 5:16

A pax 'aych yipc sc'ojl eb' may wal ste'nal, tzmacn sti eb' maysch'olnil snab'en, sec man̈x 'a tas tztac' yaln eb'.

Job 5:24

Ax eln cot pax a b'a to 'ayx tzaljc'ojlal pax 'a atut; 'oj a b'isn pax smasnil no a cajb'en noc', ax elni to tz'acn e no'.

Salmos 1:6

A Jehová a tztan̈wni eb' tojl sb'eyb'al, palta ax pax eb' tu sb'eyb'al, wan s'atcn eb' 'a syailal.

Salmos 105:37

Xlajw xoj cha, xyi'n 'elt eb' schon̈b' cha, til wal q'uen oro yet' q'uen plata xlaj yic' eb' israel cha. May xon pax eb' xyab'ilan 'a scal eb'.

Salmos 121:3

Ma'oj on̈ scha telwoquec; ma'oj cot pax swayn̈ on̈ stan̈wniec.

Salmos 121:5

A Jehová qui tan̈malec yaji, a 'a yen̈ul ata 'ayn̈ec 'eq'ui, yic tzon̈ scolnec.

Salmos 121:8

A Jehová a tzon̈ tan̈wni 'aj tzon̈ 'atec yet' pax yic tzon̈ japxec. Tzon̈ stan̈wniec 'a smasnil tiempo.

Salmos 145:20

Mamin Jehová, tza col smasnil eb' 'ay schamc'ojlal 'ayach, palta ax eb' maysch'olnil snab'en, ach tza satl eb'.

Salmos 31:17

A 'aych wan waln in b'a, man̈ a cha wac' in q'uixwloc. A cab' eb' maysch'olnil tzyac' sq'uixwloc; 'a'cn 'at eb' 'a 'aj caw cusltac yilxi, atn 'a yet'l eb' chamnac.

Salmos 37:28

A Jehová tzchamc'ojlej tas tojol, may 'aj tzyactj can eb' to yicn̈ej yaji, molb'iln̈ej eb' yu'uj. Ax pax eb' maysch'olnil, 'oj satxoc 'el eb' yu'uj, man̈x 'a yin̈tl eb' 'oj canoc.

Salmos 94:18

'Ay jun tiempoal xwal 'ixtic: Caw wal 'ijn tzin telw 'ejm tzwab'i, xin chi, palta yuj a chamc'ojlal Mamin, xin wul a colni.

Salmos 97:10

An̈ec tzqui chamc'ojlej Jehová, qui yajc can 'el maysch'olnil. A eb' yiclum tzyutj sb'a 'a 'a, 'oj tan̈wxoc eb' yu'uj, a 'oj colnc 'el eb' 'a yol sc'ab' eb' tu snab'en cha.

Pr 16:9

An̈ 'anman̈ec tic, si'mb'il tzqui nac tas tzqui b'o'o, ax Jehová a tztac' yalni tas tzon̈ 'ajc 'el'chi.

Pr 2:8

Tztan̈wx eb' wach' sb'eyb'al yu'uj, atn eb' yiclum tzyutj sb'a 'a 'a.

Pr 3:26

Yujto a Jehová tza'ch yipc a c'ojol, ma'oj ach scha 'ejm yuj junc ya'al.

Ec 9:11

'Ay junx tas xwil 'a yolyib'n̈q'uinl tic: Man̈ smasnilc tiempo an̈j eb' jeln sb'ey tz'a'n ganar, man̈ smasnilc pax eb' jeln ya'n owl tz'a'n ganar; man̈ smasnilc eb' jelan, wach' yec' tiempo yu'uj. Man̈ smasnilc eb' 'ay snab'en tz'och ricoal, man̈ smasnilc eb' cuywnac tz'och 'a niwc 'opiso; palta a tzyala tas tzchachj yuj junjn mach.

Is 27:3

An Jehová in tic an tzin tan̈wj te', jab'jb' scal tzwa'n 'och yalil, tan̈b'il wuj 'a 'ac'wal yet' 'a c'ual, sec may tas tz'i'n te'.

Is 47:5

Ach 'icha cob's 'ix, 'emn̈ wocn 'a scal q'uic'q'uinal, yujto man̈x 'oj a b'inax reinail 'a yib'n̈ jun tzo'n̈ xo nacion̈.

Jeremías 8:14

Ax yaln eb' 'aj Judá 'ixtic: ¿Tas to yuj tzon̈ canc 'a tic? Qui yamc qui b'a qui masnil, coyc 'a jun tzo'n̈ chon̈b' wach' yajch smuroal. Ata 'oj qui chamec, yujto 'ixta x'el 'a sc'ojl Jehová qui Diosalec, to tzon̈ satc 'eli, tox 'ix yac' cu'c a a 'ay't veneno 'a scal, yujto 'ix 'och qui mulc 'a 'a.

Jeremías 9:23

'Ix yaln pax Jehová 'ixtic: A eb' jelan, man̈ cab' yac' eb' tzaljoc sc'ojl yet' sjelnal. An̈jtona eb' 'ay yip, man̈ cab' yac' eb' tzaljoc sc'ojl yet' yip, an̈jtona eb' rico, man̈ cab' yac' eb' tzaljoc sc'ojl yet' sricoal cha.

Nahúm 1:8

A pax eb' tu tzyutj sb'a 'a 'a, caw tzlajw 'el eb' yu'uj, tz'ijx 'at eb' 'icha tz'aj yijx 'at junc tas yuj a 'elmal a'. 'Oj ya'cn 'at q'uic'q'uinl 'a yib'n̈ eb' 'ajc'ojl cha.

Sofonías 1:15

A jun c'u cha, yic ton wal yowl sc'ojl Dios, yic yailal yet' cusc'ojlal. A yic cha, 'oj ma'xoc can 'ejm lan̈chjoc chon̈ab', cusltac xoj 'oj 'ajcni. 'Oj 'och q'uic'q'uinal, 'oj 'och q'ui'l 'asun, caw q'uic'q'uinl 'oj 'ajcni.

Zacarías 4:6

'Ix yaln pax jun ángel chi 'ayn jun 'ejm xo: A Jehová tztac' yuj smasnil a tzaln jun tzo'n̈ paxti tic 'ixtc 'a win Zorobabel: Man̈ yujoc eb' soldado, man̈ yujoc pax yip junc mach, ax sta'n o'oj, palta yuj Wespíritu.

Nm 6:24

Ya' cab' Jehová syaxil 'a eyib'an̈, ax ex stan̈wni paxi.

Mt 8:12

Ax eb' quit israelal smoj xon sc'och ta', 'ay eb' 'oj julx can 'at 'a q'uic'q'uinal. Ata 'oj 'och 'oq'uel. 'Oj juch'ch'oc ye eb' yab'n syail, xchi 'a eb'.

Ro 3:19

Cojquec, jantcn̈ej tas tz'ib'b'il can 'a ley, a tzaln 'a eb' 'aych 'a yol sc'ab', sec wach' may junc mach 'oj stac' scoln sb'a. Yuj cha, smasnil 'anma 'a yolyib'n̈q'uinl tic, 'oj b'eyc'ojlaxc eb' yuj Dios.

Dt 33:3

A Jehová caw 'ay schamc'ojlal 'a eb' schon̈ab', a eb' yicxo yaji, 'ayc' eb' 'a yol sc'ab'. A eb' cha, tz'och eb' 'emmquilal 'a 'a, tzyiclni pax eb' schecnb'il.

A Sb'ab'el Carta San Pedro 1:5

Yujto tzca'c 'och qui c'ojl 'a Dios, yuj cha, wan on̈ stan̈wniec yet' spoder, masnto 'oj qui wach' chac qui colnb'il. A qui colnb'ilec, lista xo yaji, sec wach' 'oj checljoc 'el 'a jun slajb' tiempoal.

A Schab'il Carta San Pedro 2:17

A eb' 'a'm 'es 'a qui calc tic, 'icha junc spac'b'a tupnc xo, 'ixta eb'. An̈jtona', 'icha junc 'asn ton̈j tzb'eyc' yuj 'ic', 'ixta pax eb'. Yowlal 'oj 'atcn eb' 'a 'aj caw q'uic'q'uinal. Ata 'oj can eb' 'a jun 'ejmn̈ej.

San Judas 1:1

An tic Judas in, ya'mal in servil Jesucristo. Wu'tac in b'a yet' Jacobo. Tic tzin tz'ib'j 'at jun in carta tic 'ayx ax 'awtb'ilx xo 'el yuj qui Mam Dios. Chamc'ojlb'ilx xo yu'uj. Tan̈b'ilx xo yuj Jesucristo.

San Judas 1:13

'Icha wal tzyac' yib'n̈ a mar, caw ow sq'ue wan chel-loc, 'ixta 'eb', yujto toxn matz tac' stenx 'och wan eb' 'a maysch'olnil. 'Icha swom a a tzcan 'a sti', til wal tastc maysch'olnil 'aych 'a scal, 'ixta eb' yuj jun tzo'n̈ q'uixwelal chi tzb'o cha. Q'uinloc 'ay junc c'anal tzsat 'a sb'e, 'ixta eb'. Yowlal 'oj c'och eb' 'a scal jun niwquil q'uic'q'uinal. Ata 'oj can eb' 'a jun 'ejmn̈ej.

San Judas 1:3

Ex chamc'ojlb'il wu'uj, caw xin nib'j xwa't junc in carta 'ayex, yic tzwaln 'at 'ayx yuj qui colnb'ilec. Palta ax ticnec, 'ay jun caw yowlal 'oj walb't 'ayex. Tzin tew 'at 'ayex, caw tzeyac' eyip, sec may tz'aj sjuw jun tzo'n̈ cuynb'il 'aj tzca'c 'och qui c'ojol. Yujto an̈ec yic on̈c xo Dios tic, a 'ayn̈ec ya'jnac can jun tzo'n̈ cuynb'il tic 'a jun 'ejmn̈ej.

A Ch'an̈ B'ab'el Libro Samuel 25:26

A ticnec ach wajlil, a Jehová ach tenn 'och wa'an, yic to tzwul a mil cham eb' 'anma', yuj a'n spac stu nab'enal eb' 'ayach. 'El cab' 'a sc'ojl Jehová, to a eb' 'ajc'ojl yajch 'ayach, yet' eb' tznib'n tzach 'ixtni, 'ixta cab' pax tz'aj scotcn 'a yib'n̈ eb', 'icha tz'aj scot 'a yib'n̈ Nabal tic.