A Ch'an̈ B'ab'el Libro Samuel 2:8 - Chuj San Sebastian Bible

⁸ Ach tzej chan̈ eb' meb'a', tze'n pax chan̈ eb' c'anm limosna, sec tz'och yopiso eb' yet' eb' niwc winac. Yujto Jehová ach, ach 'ay ec jun tzo'n̈ sb'achnub'al yich lum lum tic, ach 'ix a b'achcn q'ue jun yolyib'n̈q'uinl tic 'a yib'an̈.

Chuj San Mateo Bible

⁸ A Jehová tz'ic'anchaan̈ eb' meb'a' d'a sat luum, sic'anq'ue vaan eb' c'anum tumin d'a scal c'alem, yic tz'em c'ojan eb' d'a scal eb' nivac yajal, tz'och eb' d'a nivac opisio. A Jehová ix b'oanem yich jun yolyib'an̈q'uinal tic, axo d'a yib'an̈ ix sb'oem lum luum tic.

A Ch'an̈ B'ab'el Libro Samuel 2:8 Iomraidhean Croise

Gn 41:14

Yuj cha, xya'n win rey 'ijxoc 'elt José 'a yol preso cha. Wal 'a yajn̈ej x'elta, sjoxn 'el sb'a, sjeln 'el spichul. Xlajw cha, x'at 'a yojltac win rey cha.

Gn 41:40

Ach tzach wa'ch yajlilc 'a in despacho tic. Smasnil eb' in chon̈ab', 'oj syiclc eb' tas 'oj ala', cojxn̈ej in niwn wel'ch 'a eb'an̈, yujto rey in.

A Ch'an̈ Schab'l Libro Samuel 7:8

Tzaln pax 'a jun in checb' David cha, chajtlto an Jehová in tzta'n̈j wuj smasnil, an tzwal jun tic 'ixtc 'a 'a: An ach wij 'el 'a spatc no calnelu, yic tzach wa'n 'och syajlilc in chon̈b' Israel.

A Ch'an̈ B'ab'el Libro Yic Yab'ixal Eb' Rey 16:2

An ach in si' chan̈ 'a scal eb' 'anma may yel'chi, ach wa'n 'och yajlilc 'a in chon̈b' Israel. Palta ax x'aji, a sb'eyb'al win Jeroboam xa b'eylb'ej, 'ix a jucb'tzan eb' et israelal 'a scal maysch'olnil. Yuj a mul cha, xa tzuntzn cot yowl in c'ojol.

A Ch'an̈ Schab'il Libro Yic Yab'ixal Eb' Rey 9:6

Yuj cha, 'ix q'ue wan Jehú 'ix 'och 'a yol n̈a. Xlajw cha, ax jun schecb' Dios cha, 'ix secn q'ue jun aceite chi 'a sjolm winac, 'ix yaln 'a win 'ixtic: —'Ixtc 'ix yutj Jehová yalni, atn qui Diosalec: An tzach in si'cn 'eli, yic tzach 'och reyl 'a chon̈b' Israel, atn in chon̈ab'.

Job 1:21

'Ix yaln win 'ixtic: —May xon jac tas wet'i yic in 'alj 'el 'a yolyib'n̈q'uinl tic, may pax jac tas 'oj wic' yic 'oj in meltzj paxi. A Jehová a x'a'n smasnil tas 'ayin, a pax x'i'n 'ec' jun 'ejm xo; alx cab' wach' paxti 'a 'a, xchi Job.

Job 2:8

Yuj cha, 'ix 'at win Job, ax 'a 'aj b'uln 'ec' nan̈l q'uen stan̈il c'ac', ata x'at 'em wocn 'a yib'n̈ jun tan̈ cha, xyi'n cot jab' sc'axpil chen, sn̈ichb'tan̈n 'ec' 'a sniwnal cha.

Salmos 102:25

A 'a yictax yel yich, ach a b'ojnac lum lum tic, a b'on pax satcha'an̈.

Salmos 104:5

Ach xa b'ocn 'ejm te'n lum lum tic 'a yib'n̈ sb'achnub'al, yuj cha may b'a'n̈ tz'ib'x lum 'a yet'ul.

Salmos 107:41

A tz'i'n 'elt eb' meb'a 'a scal scusc'ojlal, tzya'n q'uib' sb'isl yunnal eb'. Til wal sja'l sq'uib' eb' 'unn chi 'icha sq'uib' no calnelu.

Salmos 24:2

Yujto a xb'on 'ejm sb'achnub'al yaln̈ lum lum tic 'a yojl eb' a mar, yet' 'a eb' a niwc a'.

Salmos 75:3

Wach'xam 'oj 'ib'xoc lum lum tic yet' smasnil tas cajn 'a sat, an 'oj wac' yip smasnil yipnub'al yich lu'um.

Salmos 75:4

Tzwal 'a eb' tzb'an̈ sb'a, yet' 'a eb' maysch'olnil tas tzb'o'o, to matz tac' sb'an̈n sb'a eb', matz tac' pax yi'n chan̈ sb'a eb'.

Salmos 75:7

palta a Dios atn Juez. 'Ay eb' tzyij 'ejmi, 'ay pax eb' tzyij cha'an̈.

Ec 4:14

Wach'xam meb'a win quelm cha yic x'elt 'a preso, palta x'och reyal. Ax xwilni to smasnil eb' 'anma tzalni to wach' a win quelm chi tz'ochcn reyl sjelc win 'ichm winc cha.

Is 22:23

Caw wach' 'oj wutc wa'n can 'och 'a yopiso, ax sb'inax 'a scal eb' yican smam, 'icha wal stzatzl tz'ajcn 'och junc lawx 'a junc tas, 'ixta 'oj wutc can 'a yopiso cha.

Dn 2:48

Xlajw cha, 'ix ya'n 'och win rey chi Daniel 'a jun 'opiso to yel xo niwn yel'chi. Caw niwn jun tzo'n̈ xo siylab' caw wach' 'ix yac' win 'a 'a. 'Ix ya'n 'och win gobernadoral 'a yol smacb'en Babilonia. 'Ix ya'n 'och pax win sat yajlil 'a yib'n̈ smasnil eb' tzyal jelnal sb'a cha.

Dn 4:17

An̈ ángel on̈ tzqui tan̈wj yolyib'n̈q'uinl tic on̈, an̈ tzcal on̈ to tzjaw jun yailal chi 'a yib'an̈, sec wach' tzyojquej 'el smasnil eb' 'anma', to a jun Dios yel xo niwn yel'chi, a tz'a'n yajlil 'a yib'n̈ smasnil nacion̈. A eb' tznib'j tzya'ch yajlil, tzya'ch yopiso eb'. A eb' 'anma yel xo may yel'chi, a eb' tzya'cn 'och yajlil 'a scal eb' 'anma', xchi jun ángel cha.

Dn 6:3

Yajn̈j wal cha, 'ix checlj 'el Daniel 'a scal jun tzo'n̈ xo eb' yit gobernadoral cha, yujto wach'n̈j tzyutj sb'a. Yuj cha, snib'n win rey chi ya'ch 'a sat yajlil 'a snacion̈.

A Ch'an̈ Carta D'a Eb' Hebreo 1:3

A tzch'oxn 'el swach'l Dios, yujto caw lajn swach'l yet'oc. Caw wal lajnn̈ej snab'en yet' Dios. Yujn̈ej spaxti Yunnal tic, wach'n̈j yec' smasnil tas, yujto a spaxti tic, caw niwn spoder. Ax yic xlajw yi'n can 'el qui mulec, 'ix 'at 'em wocn 'a swach' c'ab' Dios 'a satcha'an̈.

Santiago 2:5

Ex wu'tac, ex wanab', chamc'ojlb'ilx wu'uj. 'A'c 'och e chicn 'a junx tic. A eb' meb'a 'a yolyib'n̈q'uinl tic, atn eb' tzsi'x 'elt yuj Dios, sec wach' tzya'ch eb' sc'ojl 'a 'a. Yuj cha, 'icha to rico tz'aj eb' 'a sat, yujto a 'oj 'i'nc 'at eb' 'a yol sc'ab'. A ya'jnac sti', chajtlto 'ixta 'oj yutc eb' 'ay schamc'ojlal 'a 'a.

Apoc 1:6

A 'on̈ 'a'nec 'och reyal. A 'a'jnac copisoec ca'n 'och qui ti junjn on̈ 'a Dios, atn 'a Smam. Caw niwn cab' yel'chi, 'ay cab' spoder 'a smasnil tiempo. 'Ixta cab' tz'aji.

Apoc 22:5

A wal ta', man̈x 'a 'ac'wal. Ax eb' 'oj c'och ta', man̈x 'a yopiso junc cantil yuj eb'. Man̈x 'a yopiso yoc c'u yuj eb'. Yujto a Dios Cajlilec, a 'oj yac' sacq'uinlal 'a eb'. Ax eb' cha, 'oj 'och eb' yajlil 'a smasnil tiempo.

Apoc 3:21

A eb' 'oj 'a'nc ganar ya'n techjoc, 'oj wac' 'em wocn eb' 'a 'aj 'ay in despacho, 'icha wutjnac wa'n ganar wa'n techjoc, wem wocn yet' in Mam 'a 'aj 'ay sdespacho.

Apoc 5:10

Ach xa'ch eb' reyal. Ach a'jnac yopiso junjn eb', yic tzya'n 'och eb' sti 'a Dios. Ax yoch eb' yajlil 'a yolyib'n̈q'uinal, xchi eb'.

A Ch'an̈ B'ab'el Libro Samuel 15:17

—A 'a yic yaln̈taxi may el'ch tza na'a, palta ach 'och yajlil 'a yib'n̈ eb' quit chon̈ab'. A Jehová ach 'a'n 'och reyl 'a qui chon̈b' tic.