A Ch'an̈ B'ab'el Libro Samuel 2:7 - Chuj San Sebastian Bible

⁷ Mamin Jehová tzac' meb'a'il, tza'n pax ricoal. 'Ay mach tzej 'ejmi, 'ay pax mach tzej cha'an̈.

Chuj San Mateo Bible

⁷ A Jehová tz'ac'an meb'ail, syac'anpax b'eyumal, tzon̈ yiq'uemi, tzon̈ yic'anpaxchaan̈.

A Ch'an̈ B'ab'el Libro Samuel 2:7 Iomraidhean Croise

A Ch'an̈ Schab'il Libro Yic Yab'ixal Eb' Rey 9:6

Yuj cha, 'ix q'ue wan Jehú 'ix 'och 'a yol n̈a. Xlajw cha, ax jun schecb' Dios cha, 'ix secn q'ue jun aceite chi 'a sjolm winac, 'ix yaln 'a win 'ixtic: —'Ixtc 'ix yutj Jehová yalni, atn qui Diosalec: An tzach in si'cn 'eli, yic tzach 'och reyl 'a chon̈b' Israel, atn in chon̈ab'.

1 Cr 29:12

A 'aych tzcot smasnil ricoal yet' yic tzon̈ 'ijx cha'an̈, ach tzac' mandar 'a yib'n̈ smasnil. A 'a yol a c'ab' 'ay te'nal yet' jelnal, ach tztac' alni to niwn quel'chi, tza'n qui jelnal 'a smasnil.

2 Cr 32:27

A Ezequías caw wal rico si'mb'il, caw niwn yel'ch x'aji. Til wal q'uen plata, q'uen oro, q'uen q'uen caw wach yilxi, perjuma, smacl sat jul-lab', yet' jun tzo'n̈ xo tas to chan̈ stojl molb'il yu'uj.

2 Cr 32:29

Sb'on chan̈ jun tzo'n̈ aldea. Man̈x yalnb'ilc no calnelu yet' no wacx 'a 'a, yujto caw niwn sricoal xyac' Dios.

Job 1:21

'Ix yaln win 'ixtic: —May xon jac tas wet'i yic in 'alj 'el 'a yolyib'n̈q'uinl tic, may pax jac tas 'oj wic' yic 'oj in meltzj paxi. A Jehová a x'a'n smasnil tas 'ayin, a pax x'i'n 'ec' jun 'ejm xo; alx cab' wach' paxti 'a 'a, xchi Job.

Job 40:12

A eb' tzcob' yi' chan̈ sb'a yet' eb' maysch'olnil sb'eyb'al tzlaj 'ilchjoc o'oj, tza te'cn 'ejm eb'.

Job 5:11

A tz'i'n chan̈ eb' 'anma 'emmquilal yeq'ui, a pax tz'a'n sniwnal sc'ojl eb' 'aych 'a syailal.

Salmos 102:10

Yuj wal yowl a c'ojl 'a wib'an̈, yet' a c'a'lc'ojlal, yuj cha, in a tzicncha'an̈, in e'n 'el 'a ojltac.

Salmos 75:7

palta a Dios atn Juez. 'Ay eb' tzyij 'ejmi, 'ay pax eb' tzyij cha'an̈.

Salmos 75:8

Yujto a Jehová caw wal 'ay yowl sc'ojol, lajn 'icha junc vaso b'ut'n yet' yal uva to jawnacx sti'. A wal yic 'oj ya'n cot yowl sc'ojl chi 'a yib'n̈ smasnil eb' maysch'olnil sb'eyb'al 'a sat lum lum tic, c'uxn 'oj jawc 'a yib'n̈ eb' smasnil.

Pr 22:2

A eb' rico yet' eb' meb'a', lajnn̈ej yel'ch eb', a Jehová xb'on eb'.

Is 2:12

A Jehová tztac' yuj smasnil, 'oj jawc jun c'u to nab'il xo yu'uj, yic tzya'n cot yowl sc'ojl 'a yib'n̈ eb' b'an̈quintac, eb' tenmtac, eb' cob' tzyij chan̈ sb'a;

Jeremías 49:15

Ex 'aj Edom, yel xo wal may yel'ch 'oj ex wutc can 'a yib'n̈ smasnil chon̈ab'. Man̈x 'a yel'ch 'oj eyaj 'a sat smasnil 'anma'.

Ez 17:24

Ax smasnil te niwc te', 'oj yojcoc 'el eb' te', to an ton Jehová in. An tzwac' ch'acxoc 'el te niwquil te cha, ax te tzapn ste'il, a te tzwac' q'uib'oc. An tzwac' tacjoc eb' te', an pax tzwac' yaxb'oc te wan stacji. An tzwal jun tzo'n̈ tic, to 'oj wac' 'el'choc, xchi Dios.

Santiago 4:10

Tzeyij 'ejm e b'a 'a sat Cajlil. Toto 'ixta', a 'oj eyi'n cha'an̈.