A Ch'an̈ B'ab'el Libro Samuel 2:30 - Chuj San Sebastian Bible

³⁰ Yuj cha, an Jehová e Diosal in ax israel ex tic, an waljnac 'ixtic: Ach tic yet' eb' en̈tl b'aq'uin̈, ax tzin eyac' servil, xin chi. Ax ticnec tzwaln can paxi, to man̈x 'ixta'oc 'oj 'ajoc. A eb' 'ay wel'ch 'a sat, 'ay pax yel'ch eb' 'a in sat. Ax eb' may wel'ch 'a sat, may pax yel'ch eb' 'a in sat. An Jehová in, an tzwala.

Chuj San Mateo Bible

³⁰ Vach'chom a in Jehová sDiosal in Israel ix vala' to a ex yed' eb' in̈tilal d'a b'aq'uin̈ tzin eyac'n̈ej servil d'a in cajnub', axo ticnaic a in svala' to man̈xo ichocta ol ajoc, yujto a mach ay velc'och d'a sat, a eb' chi' ay yelc'och d'a in sat. Axo eb' tzin paticaneli, malaj yelc'och eb' d'a in sat, a in Jehová in sval jun tic.

A Ch'an̈ B'ab'el Libro Samuel 2:30 Iomraidhean Croise

A Ch'an̈ B'ab'el Libro Yic Yab'ixal Eb' Rey 11:11

Yuj cha, xyaln Jehová 'ixtc 'a 'a: Yujto 'ixtc tas tza b'o'o, ma'ix a yiclj in trato, yet' in checnb'il waljnac 'ayach, a ticnec, 'oj wi'c opiso, ax 'a junc eb' a checb' tic 'oj wac'a'.

A Ch'an̈ B'ab'el Libro Yic Yab'ixal Eb' Rey 2:27

'Ixtnta 'ix 'aj yel Abiatar 'a yopiso ya'n 'och sti eb' 'anma 'a Dios yuj Salomón. 'Ix 'el'ch tas alb'il can yuj Jehová 'a Silo 'a yib'n̈ eb' yin̈tl Elí.

1 Cr 17:18

¿Tas to tztac' waln 'aych yuj jun 'opiso tzac' 'ayn an a checb' in tic? Ach tic, caw ojtac to a checb' in.

2 Cr 15:2

'Ix 'elt wul scha win Asa, 'ix yaln 'a 'ixtic: 'Ab' tas 'oj wal 'aych mamin Asa, yet' e masnil ex wit chon̈b' 'aj Judá, yet' ex yin̈tl Benjamín. A Jehová 'aych ton wal quet'ec, toto a wal yet' 'ayn̈ec 'ochi. Toto tzcalc qui b'a 'a 'a, 'oj yab' tas tzcalec. Palta toto 'oj cactquec cani, 'oj on̈ yactc can paxi.

2 Cr 26:18

A eb' cha, xc'och eb' 'a yojltac win rey cha, xyaln eb' 'a win 'ixtic: Ach rey Ozías man̈oc ach 'ay opiso a'n tz'a incienso 'a Jehová, palta an̈ ya'maln̈ 'och sti eb' 'anma 'a Dios on̈, atn an̈ yin̈tl on̈ Aarón tic, an̈ sic'b'iln̈ 'och ca'n tz'a xajmb'al on̈. 'Eln̈ 'a scajnub' Jehová tic, yujto caw x'och 'a tenmtacl 'a 'a. Man̈x 'oj ach yi' cha'an̈, xchi eb' 'a 'a.

Salmos 18:20

'Ix ac' spac wico', yujto wach' in b'eyb'al.

Salmos 18:26

Wach' tzotj a b'a 'a eb' wach' tzyutj sb'a 'ayach, palta tza ch'ox a jelnal 'a yib'n̈ eb' jeln yixtn 'anma'.

Salmos 50:23

A eb' tz'a'n yuj diosal 'ayin, 'ay wel'ch 'a sat eb'. A eb' tzb'eylb'an in b'eyb'al, 'oj in colcn 'el eb', xchi Dios.

Salmos 73:20

Ach Wajlil, 'oj a patquilc can 'el eb' maysch'olnil tas tzb'o'o. 'Icha tz'aj sat sc'ojl junc mach 'a swayich yic tz'el swayan̈, 'ixta 'oj 'ajcn eb' o'oj.

Salmos 91:14

Yaljnac can Jehová 'ayn̈ec 'ixtic: An 'oj ex in colcn 'elt 'a yol sc'ab' smasnil tas 'ay smay, yujto tzin e chamc'ojlej, eyojquin pax si'mb'il.

Salmos 91:15

A yic 'oj eyawj 'ayin, 'oj in ta'w 'ayex; an wal caw 'ayn 'ec' eyet'oc. 'Oj ex in col 'elt 'a scal eyailal, caw niwn yel'ch 'oj ex wutoc.

Ex 28:43

Yowlal tzya'ch Aarón jun tzo'n̈ pichl chi yet' eb' yunnal yic tz'ochch eb' 'a yol in cajnub' 'aj tzin chaj in b'a eyet'oc. Yowlal 'aych yuj eb' yic tz'ochch eb' 'a stz'ey yet'l xajmb'al yic tzyiln eb' yopiso, sec wach' ma'oj 'och smul eb', ma'oj comn cham eb'. A jun tic, ley tz'ajcn 'a Aarón yet' 'a eb' yin̈tl b'aq'uin̈, xchi Dios 'a Moisés.

Ex 29:9

'Icha tzotj Aarón, 'ixta pax tzotj eb' yunnal cha. Wach' tzotj 'och sjal-l snan̈l spichl eb'. Tojl pax tzotj q'ue sc'oxl sjolm eb'. 'Ixta wal 'oj otc a'n can 'och eb' 'a yopiso. Ax jun yopiso eb' tic, to tzcan 'a smasnil tiempo.

Pr 12:8

Tzalx wach' paxti 'a eb' 'anma yuj sjelnal; ax eb' may snab'en, caw patcab'il 'el eb'.

Pr 4:8

Tzaljan̈ yet' jelnal sec 'oj ejx chan̈ yu'uj; nib'j 'ochi sec 'ay el'ch pax 'a sat eb' et 'anma'il.

Pr 8:17

A eb' tznib'j cuync jelnal, tz'ilchj yuj eb', ax eb' tznib'n jelnal cha, tz'ijx chan̈ eb' yu'uj.

Is 29:13

Atn yuj cha, xyaln Jehová 'ayn 'ixtic: A eb' 'anma tic, tzcob' yal eb' to tzin yac' servil eb', tzyaln cob' eb' to 'ay wel'ch 'a sat eb', palta ax snab'en eb' caw najt yajl 'ayin. Tzcob' yal sb'a eb' 'ayn yalni, palta cojn jun tzo'n̈ checnb'il tzlaj spitzchan̈ eb' 'anma', a chi tzyac' eb' cuyxoc.

Jeremías 49:15

Ex 'aj Edom, yel xo wal may yel'ch 'oj ex wutc can 'a yib'n̈ smasnil chon̈ab'. Man̈x 'a yel'ch 'oj eyaj 'a sat smasnil 'anma'.

Dn 4:34

'Ix yaln pax win rey chi 'ixtic: A yic xtz'acw stiempoal jun yailal 'aych 'a wib'an̈, in q'ue q'ueln 'a satcha'an̈, 'ix tojlb'i can pax in nab'en. Xlajw cha, xwaln wach' paxti 'a jun Dios caw niwn yel'chi, 'ix wi'n chan̈ sb'i Dios jun mach 'ayc' 'a jun 'ejmn̈ej. Yajl yaj 'a jun 'ejmn̈ej. 'Oj b'eyn̈j yopiso 'a yib'n̈ junjn macn̈il 'anma'.

Malaquías 1:6

A Jehová tztac' yuj smasnil, a tzaln 'ixtc 'a eb' ya'mal 'och sti eb' 'anma': A eb' 'unnab'il 'ay yel'ch smam snun eb' 'a sat, an̈jtona eb' checab', 'ay yel'ch spatron̈ eb' 'a sat. An xo pax an tic, Mamb'il waj 'ayex, Eyajl pax waji, palta 'in may wel'ch 'a e sat. Caw tzin e patquilj can 'eli. Tzeyaln to cob' 'ixtic: ¿Tas wal tzach cutj ach qui patquiln can 'eli? xe chi.

Malaquías 2:3

Eyuj wal ax tic, ax wa'nto yowl in c'ojl 'a eb' eyin̈til. A no noc' tzeyij cot xajmb'alil, 'oj in julch stza no 'a e sat. Junn̈j 'oj eyaj e julx 'el ax tic yet' stza no cha.

Nm 11:20

Palta to jun 'uj 'oj schi eb' chib'j cha, masnto 'oj xej eb' yuj no'. 'Oj jawc no 'a yol sn̈i eb', 'oj syajl eb' no', yujto may yel'ch in yutj eb', an Jehová in tic. 'Ayn 'ec' 'a e cal, til wal yoc' eb' xjaw eb' 'a wojltac, xyaln eb' 'ixtic: ¿Tas yuj on̈ ej 'elt 'a Egipto? xchi eb', xchi Dios 'a Moisés.

Nm 35:34

Yuj cha, man̈ eyixtc 'el sat lum lum 'aj 'oj e c'och cajn cha, yujto an Jehová in tic, 'oj waj cajn pax eyet' 'a lum lum cha, xchi Dios.

Jn 12:26

Toto 'ay mach tznib'j tzin 'a'n servil, yowlal tzb'eylb'ej in b'eyb'al tic. A eb' tzin 'a'n servil cha, 'oj 'aj eb' wet' 'a 'aj 'ayn 'eq'ui. Toto 'ay eb' tzin 'a'n servil, ax in Mam 'oj 'a'nc spac 'a eb', caw niwn yel'ch 'oj 'aj 'a sat.

Jn 5:23

'Ixta yutjnac in Mam ya'n wopiso an Yunnaln tic, sec wach' lajn wel'ch yet' in Mam chi 'a sat smasnil 'anma'. Toto 'ay eb' may wel'ch 'a sat, an̈jtona', may yel'ch pax in Mam 'a sat eb', yujto a checjnacn coti.

Jn 5:44

Toto an̈j 'a e sat junjn ex tze nib'j 'ay eyel'chi, toto matz e nib'j 'ay eyel'ch 'a sat Dios jun caw yel, ¿tom 'oj stac' eya'n 'och e c'ojl 'a 'a?

Jn 8:49

—Ma'ay, may junc demonio 'aych 'ayin. To wan in yiclni tas tzyal in Mam. Palta ax xo tic, ton̈j tzex b'uchwj 'ayin.

1 Co 4:5

Yuj cha, man̈x e b'eyc'ojloc junc xo mach ticnec. To tze tan̈wj sjaw Cajlilec, yujto a 'oj ch'oxnc 'el smasnil tas. 'Icha junc tas c'ub'b'il 'el 'a q'uic'q'uinal, ax tzc'och sacq'uinl 'a 'a, c'uxn tzcheclj 'eli, 'ixta 'oj 'aj scheclj smasnil tas ta'. A Cajlilec chi 'oj 'a'nc checljoc 'el tas 'ay 'a qui nab'enec qui masnil. At wal ta 'oj yal Dios qui wach'lec, a tzyala tas qui munljel junjn on̈ec.

A Sb'ab'el Carta San Pedro 1:7

'Iltec q'uen oro, yowlal tz'ajx prowal q'uen yet' c'ac', sec chequel toto wach', mto ma'ay. An̈jtona', an̈ec tic yowlal tzon̈ 'ajxec prowal, sec chequel toto yel tzca'c 'och Dios 'a qui c'ojol, mto ma'ay. Toto tzca'c techjoc jun tzo'n̈ prowal cha, yel xo niwn quel'chec 'a yib'n̈ q'uen oro cha, yujto a q'uen cha, 'e'lb'a yec' q'ue'en. Toto tzca'c techjoc, ax 'a yic 'oj jawc Jesucristo, 'oj on̈ yalc wach'il, ax ya'n qui wach'l 'icha yico'. Caw niwn quel'chec ta'.

Jueces 9:10

Ax eb' te te cha, xyaln pax te 'a te snun higo, to a te tz'och sreyloc eb' te'.