A Ch'an̈ B'ab'el Libro Samuel 2:3 - Chuj San Sebastian Bible

³ Yuj cha tztac' tzwal 'ixtc 'a eb' tzyij chan̈ sb'a: Man̈ e b'an̈ e b'a, yujto a Jehová yojc smasnil, a Dios tzon̈ b'eyc'ojlanec yuj tas tzqui b'o'ec, 'oj in chic 'a eb'.

Chuj San Mateo Bible

³ Man̈xa mach syal yic'anchaan̈ sb'a, malaj mach syal ac'umtac syutej sb'a syalani, yujto a Jehová yojtac smasanil. A tzon̈ ch'olb'itan junjun on̈ d'a tastac sco c'ulej.

A Ch'an̈ B'ab'el Libro Samuel 2:3 Iomraidhean Croise

A Ch'an̈ B'ab'el Libro Yic Yab'ixal Eb' Rey 8:39

'Aych 'ec' 'a satchan̈ 'aj cajn ach 'ec' cha, ax ab'n tas 'oj yal eb' 'ayach. Ach xo 'oj 'ac' lajwc smul eb', ax a coln pax eb', ax a'n spac 'a jun jun, a tzyal tas tz'el sb'oni, yujto cojn ach ojc tas 'ay 'a qui pixn junjn on̈.

Job 31:6

Comnoc tzin sbeyc'ojlej Dios 'a stojlal, yic tzyilni to tz'acn in wach'il.

Salmos 147:5

Caw niwn yel'ch Cajlilec, caw wal 'ay spoder, may slajb' sjelnal snab'en.

Salmos 17:10

Yujto matz 'o'ch sc'ojl eb' 'a yit 'anma'il, niwc winc tzyutj paxtinc sb'a eb'.

Salmos 31:18

Sictac cab' tz'aj eb' 'a'm 'es, yujto tzyal eb' b'uchwal paxti', tzpatquiln can 'el smasnil eb' 'anma wach' snab'en.

Salmos 44:21

toto 'ixta', ¿toc am ma'on̈ el coti? ¿toc 'ay junc tas c'ultac yaj to man̈ ojcoc?

Salmos 75:5

Matz b'inax cab' eb' yuj tas tz'el sb'oni, man̈ cab' sb'an̈ sb'a eb' spaxtini, xa chi.

Salmos 94:4

Smasnil eb' maysch'olnil tzyutj sb'a cha, tzlaj sb'an̈ sb'a eb', tzyi'n chan̈ sb'a eb' yuj tas tzlaj sb'o'.

Pr 16:2

Toto tzcalec to wach'n̈j tas tzqui b'o'ec, palta a Jehová a tzb'eyc'ojlan smasnil tas nab'il cujec cha.

Pr 24:12

Wach'xam tzcalec to man̈ cojcoc toto wan s'at eb' 'a chaml cha, palta a Dios tzb'eyc'ojlan tas nab'il cujec. A tzon̈ tan̈wniec, yojtac tas cajec. A 'oj 'a'nc spac 'ayn̈ junjn on̈c yuj tas tzqui b'o'ec.

Pr 8:13

Toto 'ay yel'ch Jehová 'a qui satec, yowlal tzquijec 'el qui b'a 'a scal maysch'olnil. Toto jeln on̈ec, man̈ qui b'an̈c qui b'a, man̈ qui'c chan̈ qui b'a, man̈ qui b'oc tas tu', man̈ ca'c pax 'es.

Is 26:7

A sb'eyb'al eb' wach' snab'en, caw tojl toni; Mamin, ach xo tza wach' tojlb'tzej sb'eyb'al eb', 'icha pan̈n 'a'lic 'ixta tzotj can sb'e eb' cha.

Is 37:23

¿Mach jun 'aj tu 'ix ala, 'ix a xib'tn paxi? ¿Mach jun 'aj niwquil 'ix otj yol a jaj, xa jun a sat 'a 'a? Atn 'ayn an Dios in to Cojxn in.

Jeremías 17:10

An Jehová in, an tzin b'eyc'ojlej snab'en eb' 'anma'. Wojtac tas 'ayc' 'a snab'en junjn mach. An tzwac' spac yic jun jun, 'icha tas smoj schani, a tzyala tas tz'el sb'oni, xchi Dios.

Ez 35:13

Xcob' e' chan̈ a b'a, 'ix aln jun tzo'n̈ a paxti caw ya yalx 'ayin, til wal tas 'ix ala, palta c'uxn 'ix wab'i.

Dn 4:37

A ticnec jun, an Nabucodonosor in tic, tzwij chan̈ sb'i jun sReyl satcha'an̈, tzwaln pax wach' paxti 'a 'a. Yujto caw wach'n̈j tas tzb'o'o, caw tojln̈ej smasnil, a tz'i'n 'ejm eb' cob' tzyij chan̈ sb'a 'a yol yico', xchi win rey cha.

Dn 5:27

TEKEL: Tox ach 'echtax 'a yol 'echtab', man̈x ach 'aloc.

Malaquías 3:13

Tzyaln pax Jehová 'ixtic: Ax tic, caw wal tu tzeyal 'ayin, palta tze c'anb'n to pax wal 'ayn 'ixtic: ¿Tas tu 'ix cal 'aych on̈? xe chi.

A Ch'an̈ Carta D'a Eb' Hebreo 4:12

A spaxti Dios pitzn yaji, caw 'ay spoder. 'Icha junc espada caw jay ye 'a schab'il, 'ixta yaj spaxti tic. Yuj cha, 'icha to tztecx 'och 'a qui pixnec, yet' 'a qui nab'enec, 'icha junc espada tztecx 'och 'ayn̈ec. Yujto a tzch'oxn 'eli tas tzqui na junjn on̈ec, yet' tas tzlaj qui nib'jec.

Josué 22:22

—Tzyil Jehová Dios, jun tztac' yuj smasnil, chajtlto a jun yet'l xajmb'al xqui b'o tic on̈, man̈ yujoc qui meltzj 'och 'ajc'ojlal 'a 'a, xqui b'on on̈, man̈ yujoc pax qui patquiln can 'eli. Caw wal yojtac tas yaj jun tic, comnoc tzeyojquej 'el jun tic e masnil. Palta toto yuj qui b'on tas tu' xqui b'on on̈, man̈ on̈ eyac' cab' niwnc'ojlal on̈.

Apoc 2:23

An̈jtona', 'oj in mil cham pax eb' yune 'ix. 'Ixta 'oj 'aj yojcan 'el eb' 'a junjn iglesia, chajtlto an tic, wojc xon jantcn̈ej tas 'ay 'a e nab'en, yet' tas tz'ec' 'a e c'ojol. An tic, 'oj wac' spac 'ayx junjn ex, a tzyala tas tze b'o'o.

Jueces 9:38

'Ix yaln win Zebul 'a 'ixtic: —¿'Aj 'ay tas 'ix cob' ala? 'In to xala to a Abimelec may xon jac yel'chi, ax tz'aji a tzqui comn 'a'j servil, xa chi. Ax ticnec, chi tzjaw eb' soldado xa b'uch cha, 'eln̈ chinec, 'ac' owl yet' eb', xchi.

A Ch'an̈ B'ab'el Libro Samuel 16:7

Palta xyaln Jehová 'ixtc 'a Samuel: Man̈ ach 'och q'ueln 'a win tic yuj tas yilx 'ochi, man̈ elch ste'il, yujto matz in nib'j winac. Ax 'anmax tic, a wal yilx 'och junc mach, a chi tzeyilchi, palta an tic a snab'en eb' tzwilchi, xchi.