A Ch'an̈ B'ab'el Libro Samuel 19:4 - Chuj San Sebastian Bible

⁴ 'Ix yaln Jonatán 'a Saúl yuj swach'loc David. Xyaln 'ixtic: —Mamin rey, man̈ 'och a mul 'a jun a checb' David, yujto may junc tas tu 'ix 'el sb'on 'ayach. Caw wach'n̈j tas tz'el sb'on 'ayach;

Chuj San Mateo Bible

⁴ Ix yalan vin̈aj Jonatán d'a vin̈ smam chi' yuj tastac vach' sc'ulej vin̈aj David chi' icha tic: —Mamin, man̈ vach'oc tato tzach och ajc'olal d'a vin̈aj David a checab', yujto malaj b'aj tz'och smul vin̈ d'ayach, yujto nivan tas vach' ix ic' d'a spatic vin̈.

A Ch'an̈ B'ab'el Libro Samuel 19:4 Iomraidhean Croise

Gn 42:22

Xyaln win Rubén 'a eb' yu'tac 'ixtic: —Waljnac 'ayex to matz 'och e mul 'a winac, palta ma'ix e chaj eyab' 'a tas xwala. A ticnec tic wal tzcot 'a quib'n̈ec yuj xchamlil winac, xchi winac.

Gn 9:6

A mach tzmiln cham yit 'anma'il, 'anma 'oj milnc chamoc, yujto ax 'anmax tic, 'icha in tic, 'ixta ex wutj ex in b'oni.

2 Cr 6:22

Q'uinloc 'ay junc mach tz'ajx 'och 'a yib'an̈ chajtlto x'och smul 'a junc yit 'anma'il, tzlajw cha, tzjaw 'a yojltac yet'l xajmb'al 'a jun atut tic tzwul ya'nc sti' to may smul,

Salmos 35:12

A eb' 'aj wach' xlaj wutc in b'a, 'ix meltzj 'och eb' 'ajc'ojlal 'ayin; yuj cha, caw tzyac' eb' cus in c'ojol.

Salmos 59:4

Caw may cob' in mul, palta tzsay eb' tas tzyutj ya'n owl wet'oc. 'Ilt in coti, colwjan̈ wet'oc.

Pr 17:13

Toto tu tzcutjec qui pactzan swach'c'ojlal junc mach, may wal b'a'n̈ 'oj 'el yailal 'a yol catutec.

Jeremías 18:20

¿Tom a yet' maysch'olnil tzpactzax wach'c'ojlal? A eb' cha, tox 'ix sna eb' tas 'oj yutc eb' in smiln chamoc. Na coti, chajtlto in 'och lin̈n 'a ojltac, yic in tew 'aych yuj eb', sec matz cot yowl a c'ojl 'a yib'n̈ eb'.

1 Co 8:12

Yuj cha, a eb' mant 'a ste'nal cha, toto eyu'uj, tzjuw 'el jun snab'en eb' tz'a'n cuenta, a 'a Cristo tz'och e mul.

1 Jn 3:15

Toto tzon̈ chichnec 'och 'a junc quit creyenteal, ax 'a sat Dios, milm on̈c cham 'anma'. Palta cojquec, may junc milm cham 'anma 'ay sq'uinl 'a jun 'ejmn̈ej.

A Ch'an̈ B'ab'el Libro Samuel 2:25

Toto 'ay junc mach tz'och smul 'a junc yit 'anma'il, tztac' to tzcolwj Dios yet'oc. Palta toto 'ay mach tz'och smul 'a Jehová, ¿mach wal 'oj stac' scolni? xchi Elí. May xon yel'ch tas xyal smam eb' chi 'a 'a, yujto a Jehová tox 'ix sna'a to 'oj cham eb'.

A Ch'an̈ B'ab'el Libro Samuel 20:32

—¿Tas yuj 'oj chamoc? ¿Tas smul x'ochi? xchi Jonatán cha.

A Ch'an̈ B'ab'el Libro Samuel 22:14

Yuj cha, xta'w Ahimelec 'a win rey chi 'ixtic: —¿Mach wal junc 'a scal eb' a checb' tic mamin rey to caw yiclum 'icha David? Yet' pax caw a n̈i winac, yajl pax yaj win 'a eb' soldado tzach tan̈wni, caw tz'ijx chan̈ sb'i win 'a yol a despacho.