A Ch'an̈ B'ab'el Libro Samuel 19:10 - Chuj San Sebastian Bible

¹⁰ 'Ix sjuln 'och 'a David, sec tzcancn ch'apn David 'a yich sdespacho chi snani. Palta scol sb'a win 'a q'ue'en, ax 'a sat yich sdespacho chi 'ix 'ochcn pajn q'uen lanza cha. Yuj cha, 'ix 'at David chi 'elc 'a yatut 'a jun 'ac'wl cha.

Chuj San Mateo Bible

¹⁰ Ix yic'anchaan̈ q'uen slanza vin̈ rey chi', ix sjulanoch q'uen vin̈ d'a vin̈aj David yic tz'ochcan ch'apan vin̈ d'a sat pat chi' yuj q'uen yalani, palta ix scol sb'a vin̈aj David chi', yuj chi' ix b'atcan ch'apan q'uen lanza chi' d'a sat pat chi'. Ix el lemnaj vin̈aj David d'a jun ac'val chi', ix b'at vin̈ d'a spat.

A Ch'an̈ B'ab'el Libro Samuel 19:10 Iomraidhean Croise

Salmos 124:7

Ma'on̈ ya'c ganar eb' qui canc 'a sya'al. On̈ colchjec 'el 'a yol sc'ab' eb', 'icha tzyac' junc no ch'ic tz'el 'a junc ya'al, 'ixta 'on̈ 'ajec.

Salmos 18:17

In a colcn 'el 'a yol sc'ab' eb' 'ajc'ojl yajch 'ayin, atn eb' matz in nib'ni, yel xo wal 'ay yip eb' 'a wib'an̈.

Salmos 34:19

A eb' 'anma wach' sb'eyb'al, wach'xam til wal yailal tzjaw 'a yib'n̈ eb', palta ax Jehová a tzcoln 'el eb' 'a yol sc'ab' smasnil jun tzo'n̈ cha.

Salmos 37:32

A eb' tzb'on maysch'olnil, q'uelnn̈ej 'och eb' 'a eb' wach' sb'eyb'al, 'aychn̈ej 'a snab'en eb' smiln eb'.

Pr 1:16

yujto yelc'ojlal tzyac' eb' yip sb'on maysch'olnil; tzyac' eb' yip smilw cham 'anma'.

Pr 21:30

Wach'xam 'ay mach jelan, 'ay snab'en, toxn̈ej niwn tas yojtac, palta matz tac' stenn 'och wan snib'b'en Jehová.

Is 54:17

Palta ach xo tic, may xon junc mach tztac' sb'on junc yamc'ab' tztac' ach satn 'eli. A eb' tzach cob' 'a'n queja, sictac xoj 'oj 'ajcn eb' o'oj. Atn jun tic tzwac' in ti wa'n 'a eb' in checab', an Jehová in, an 'oj in col-l eb', xchi Dios.

Os 6:4

Xyaln Jehová 'ixtic: ¿Tas wal 'oj ex wutc ex 'aj Efraín? ¿Tas wal 'oj ex wutc ex 'aj Judá? A e chamc'ojlal 'ayin, lajn wal 'icha 'asn 'a yic sq'uin̈b'ial, lajn 'icha chicb'chan̈ tz'em 'a yic 'ayt sacb'i, ax 'a yic tzsacb'i, yajn̈ej tzsatx cha'an̈.

Mt 10:23

A yic tzya'n eb' stul 'ayx 'a junc chon̈b' 'aj 'ayx 'eq'ui, tzex 'at 'elc 'a junc xo chon̈ab'. Wal yel tzwal 'ayex, a yic mantzac ex lajw 'ec' 'a smasnil jun tzo'n̈ schon̈b' eb' quit israelal, ax in japx an 'Ochnc in 'Anmal tic.

Lc 4:30

Palta ax Jesús, ton̈j x'elcn 'a scal eb', x'atx cani.

Jn 10:39

Yuj cha, 'ix cob' ya'lnoc eb' syamn jun 'ejm xo, palta 'ix scoln pax sb'a 'a eb'.

A Ch'an̈ Carta D'a Eb' Hebreo 11:34

'Ay eb' 'a'jnac tup jun tzo'n̈ c'ac' caw ow. 'Ay pax eb' colchjnac 'eli, yic 'ijn scham eb' yuj q'uen espada. A jun tzo'n̈ eb' may yip, caw 'ajxnac yip eb'. 'Ajxnac pax sjelnal eb' ya'n owal. Yuj cha, a ewin soldado ya'jnac owl yet' eb' cha, caw cannc ewin 'a yaln̈ yuj eb'.

A Ch'an̈ B'ab'el Libro Samuel 18:10

Ax 'a junx c'u, 'ix 'ochx jun espíritu man̈ wach'c 'a win rey yuj Dios, yuj cha, 'ix cot 'a sjolm win 'a yol sdespacho. 'Ix syamn 'och David syucx te arpa 'icha xon tzyac' 'a junjn 'ejem. Ax Saúl yamb'il slanza yu'uj,

A Ch'an̈ B'ab'el Libro Samuel 18:11

'ix sjuln 'och 'a David. A wal 'a snab'en to tzjulcn 'och ch'apn win 'a yich sdespacho cha, palta ax x'aji, scol sb'a David cha'ejm 'a 'a.

A Ch'an̈ B'ab'el Libro Samuel 19:6

A yic xyab'n Saúl yuj tas wach' xyal Jonatán 'a 'a, 'ix yaln 'ixtic: —Tzwac' in ti 'a Jehová, to ma'oj wac' milxoc David, xchi.

A Ch'an̈ B'ab'el Libro Samuel 20:33

Yuj cha, 'ix sjuln 'och Saúl slanza 'a Jonatán, yic tzya'n lajwc snani. 'Ixta xyutj Jonatán chi yojcan 'eli, chajtlto 'aych 'a snab'en smam chi ya'n milxoc David cha.