A Ch'an̈ B'ab'el Libro Samuel 19:1 - Chuj San Sebastian Bible

¹ 'Ix yaln Saúl 'a jun yunnal atn Jonatán, yet' 'a smasnil eb' schecab', to tzmil cham eb' David. Palta a win Jonatán cha, caw chamc'ojlb'il David yuj win si'mb'il,

Chuj San Mateo Bible

¹ Ix yalan vin̈aj Saúl d'a vin̈aj Jonatán yed' d'a eb' ay yopisio to smilcham vin̈aj David eb'. Palta te xajan vin̈aj David chi' yuj vin̈aj Jonatán chi',

A Ch'an̈ B'ab'el Libro Samuel 19:1 Iomraidhean Croise

Gn 37:18

Najtto wal sc'och 'a eb', xyiln sb'a eb' 'a 'a, smol aln eb' tas tzyutj eb' smiln cham José cha.

A Ch'an̈ Schab'l Libro Samuel 4:8

yic tz'at ya'nc eb' 'a David, yujto ata 'ayc' 'a Hebrón. Ax yic xc'och eb', 'ix yaln eb' 'a win rey chi 'ixtic: —Mamin rey, tic xquij cot sjolm win Is-boset 'ayach, win yunnal Saúl, atn jun 'ajc'ojl yajch 'ayach, jun snib'jnac ach smil chamoc. Palta ax ticnec, x'el 'a sc'ojl Jehová ya'n 'ayach, yic tza pacn a b'a 'a Saúl yet' 'a eb' yin̈til, xchi eb' 'a David.

A Ch'an̈ B'ab'el Libro Samuel 18:1

A yic xlajw spaxtin David yet' Saúl, ax Jonatán win yunnal Saúl cha, schamc'ojlax David yuj win 'icha tzyutj sya'iln sb'a, junn̈j xyutj eb' snab'en.

A Ch'an̈ B'ab'el Libro Samuel 18:25

Yuj cha, xyaln Saúl 'ixtic: —'At alc 'a David, chajtlto matz tac' stojn win 'ix wisl tic 'a 'icha sb'eyb'al eb' 'anma'. Cojn jun tas tzin nib'j an reyn tic, to tzyij cot win junc ciente sjolm swincal eb' filisteo 'ayin, sec 'ixta tzwutj in pacn in b'a 'a eb' 'ajc'ojl yajch 'ayin, xchi cob'i'. 'Ixta xyutj yalni, sec tzcham David chi yuj eb' filisteo chi snani.

A Ch'an̈ B'ab'el Libro Samuel 18:3

Ax Jonatán yet' David 'ix ya'n eb' sti 'a jun jun, chajtlto tzchamc'ojlej sb'a eb' 'a jun 'ejmn̈ej.

A Ch'an̈ B'ab'el Libro Samuel 18:8

Caw wal xcot yowl Saúl 'a yic xyaln eb' 'ix jun tzo'n̈ cha, yuj cha, xyaln win 'ixtic: —Yel xo niwn yel'ch David yuj eb' 'ix 'a wib'an̈, yuj cha, tzyaln eb' 'ix chajtlto 'ec'b'al lajn̈e mil eb' 'ajc'ojl smil chamoc, an xo jab' wal 'ec'b'al jun mil 'ix in mil cham yal eb' 'ix. Jab' xoj wal 'oj ya'ch eb' jun winc tic reyal, xchi Saúl.

A Ch'an̈ B'ab'el Libro Samuel 18:9

A 'a yic jun c'u cha, syamn 'och Saúl schichn 'och 'a David.

A Ch'an̈ B'ab'el Libro Samuel 19:2

yuj cha, xyaln win yab' David 'ixtic: —A 'in mam, caw 'aych 'a snab'en ach ya'n milxoc. Yuj cha, caw tza tan̈wj a b'a masnto 'a sq'uin̈b'il q'uic'an. Tza c'ub'j 'el a b'a 'a junc lugar to c'ultac yaji.

A Ch'an̈ B'ab'el Libro Samuel 20:1

'Ix 'elx David 'a Naiot 'a yol yic Ramá, axta xc'och 'a 'aj 'ayc' Jonatán. 'Ix yaln 'a 'ixtic: —¿Tas wal tu 'ix in b'o'o? ¿Tas wal in paltail, mto tas wal in mul 'ix 'och 'a a mam, yuj wal cha, tzin sayn 'eq'ui, yic tzin ya'n milxoc? xchi David.

A Ch'an̈ B'ab'el Libro Samuel 20:19

Palta a chab'ej, tz'at a c'ub'c 'el a b'a 'a 'ajtil xit' a c'ub'c 'el a b'a 'a jun 'el, tzach c'och 'a stz'ey q'uen tzcuch Ezel.