A Ch'an̈ B'ab'el Libro Samuel 18:12 - Chuj San Sebastian Bible

¹² Yuj cha, caw tzxiw Saúl 'a David yujto caw tzcolwj Jehová yet'oc, palta man̈xtzac colwj yet' Saúl cha.

Chuj San Mateo Bible

¹² Ix xivq'ue vin̈aj Saúl d'a vin̈aj David chi', yujto a Jehová ayoch yed' vin̈aj David chi', axo pax yed' vin̈ jun, man̈xo ayoc ochlaj Jehová chi'.

A Ch'an̈ B'ab'el Libro Samuel 18:12 Iomraidhean Croise

A Ch'an̈ Schab'l Libro Samuel 5:10

A Jehová Dios tzta'n̈j yuj smasnil, a 'aych yet' David, yuj cha, yel xo wal tzq'ue'ch yet' sjelnal.

2 Cr 17:3

Ax Jehová x'och yet' Josafat, yujto 'ix sb'eylb'ej sb'eyb'al David 'a yic b'ab'el, atn smam 'icham. Man̈oc sb'eyb'al jun tzo'n̈ tz'a'n servil yechl Baal 'ix sb'eylb'ej,

Salmos 51:11

Man̈ in e'cn 'el 'a ojltac, man̈ e'l wal Espíritu to ecn̈ej yaj 'aych 'ayin.

Salmos 53:5

Wach'xam may tas tzxib'tn eb', palta caw 'oj 'ib'xoc chan̈ eb' yuj xiwlal. Yujto a Dios 'oj 'a'n sactzic sb'acl eb' 'ajc'ojl cha. 'Oj cancn eb' 'a q'uixwc'ojlal, ax spatquilx can 'el eb' yu'uj.

Os 9:12

Toto 'ayt 'aj 'oj cob' q'uib' eb' 'unn chi jun, palta an xo 'oj wi'cc sq'uinl eb' 'a eb'. Man̈x 'a xon junc 'oj wactc cani. 'Oltac wal jun tzo'n̈ eb' 'anma cha, yic 'oj wi'nc 'el in b'a 'a stz'ey eb'.

Mt 25:41

'Oj lajwc cha, ax waln 'a eb' 'ayc' 'a in surito: 'Eln̈ec ax tic 'a in tz'ey, yujto 'ay yowl sc'ojl Dios 'a eyib'an̈. 'Ixquec 'a jun c'ac' may b'a'n̈ tztupi, 'a jun lugar sb'ojnac Dios yico'oc win diablo, yet' eb' yángel winac.

Mr 6:20

yujto yojc xon win Herodes cha, to tojl snab'en Juan, caw yic xon Dios yaji. Yuj cha, xiw winac, 'ix ya'n win tan̈wxoc sec matz cham yuj 'ix Herodías cha. 'Ay 'aj tzyal Juan 'ab'x 'a win Herodes cha, wach'xam ma'ix nachj 'el wal yuj win si'mb'il, palta caw stzalj win yab'n 'a 'a.

Lc 8:37

Ax eb' 'anma smasnil 'a yol yic Gerasa cha, 'ix tew 'och eb' 'a Jesús, sec tz'el 'a yol slugar eb', yujto caw tzxiw eb' yu'uj, yuj cha, x'ochx 'a yol barco yic tzpaxi.

A Tas Sc'ulejnac Eb' Schecab' Jesús Hechos 24:25

'Ix yaln Pablo 'a winac, to yowlal tojl tzcutj qui b'eyb'al, tzqui tenn 'och wan qui b'a 'a maysch'olnil. 'Ix yaln paxi, chajtlto 'oj b'eyc'ojlaxc smasnil 'anma'. Yic 'ix yab'n win Félix jun tzo'n̈ tic, caw 'ix xiw winac, 'ix yaln win 'ixtc 'a 'a: —A ticnec, 'ixc pax 'a chi b'el, toto 'ay 'aj coln in, 'oj ach wawtc cot jun 'ejmoc xo, xchi winac.

A Tas Sc'ulejnac Eb' Schecab' Jesús Hechos 7:9

A eb' qui mam quichmec cha, 'ay jun yu'tac eb' José sb'i. Ax 'a jun 'el, sutmjnac eb' schichn 'och 'a 'a. Yuj cha, schon̈n can 'at eb' 'a chon̈b' Egipto. Palta ax Dios, 'ochnc yet' José cha.

Jueces 1:19

A Jehová, a 'ayc' yet' eb' yin̈tl Judá, yuj cha, sta'n yi'n 'ec' eb' lum jolmctac witz, palta ma'ix stac' spechx 'el eb' cajn 'a lum pan̈n chi yuj eb', yujto a eb' cha, 'ay sq'uen caruaje eb' yic owal.

Jueces 16:20

'Ix 'el yaw 'ix 'ixtic: —Sansón, tic tzjaw eb' filisteo ach wul smil chamoc, xchi 'ix. Yajn̈j cha, 'ix 'el swayn̈ Sansón. A yalni to 'oj stac' to scoln sb'a, 'icha 'a junjn 'ejem. Palta man̈ yojcoc toto tox 'ix 'actx can yuj Jehová.

A Ch'an̈ B'ab'el Libro Samuel 16:18

'Ix yaln jun 'a scal eb' schecb' chi 'ixtic: —'Ay wal jun win wojtac. Caw jeln win syucn te arpa cha, yunnal win Isaí winac. Ata cajn 'a Belén. Caw jeln winac, yojc ya'n owal. Caw wach' pax yilx 'ochi, jeln spaxtini, 'aychn̈ej Jehová yet'oc, xchi.

A Ch'an̈ B'ab'el Libro Samuel 16:4

'Ix syiclni Samuel sb'on tas xyal Jehová. Ax yic xc'och 'a Belén, 'ix 'elt eb' yichmtac wincal chon̈b' chi scha sc'och yet' xiwc'ojlal, 'ix yaln eb' 'ixtic: —¿Tas tzwul a b'o'? ¿Tzaljc'ojlal mto cusc'ojlal? xchi eb' 'a 'a:

A Ch'an̈ B'ab'el Libro Samuel 18:15

Yuj cha, caw tzwach' xiw win rey chi 'a 'a.

A Ch'an̈ B'ab'el Libro Samuel 18:20

Palta ax junx 'ix yisl win Saúl cha, tzcuch 'ix Mical, caw tzchamc'ojlax David yuj 'ix. Ax yic 'ix alx 'a Saúl yuj jun cha, caw wal stzalj yab'ni.

A Ch'an̈ B'ab'el Libro Samuel 18:29

Yuj cha, caw xwach' xiw Saúl chi 'a 'a, xwach' 'och 'ajc'ojlal jun 'ejmn̈ej 'a David.

A Ch'an̈ B'ab'el Libro Samuel 20:13

Palta toto a 'in mam cha, tu tas tzna 'a eb'an̈, a cab' Jehová tz'a'n 'och junc niwquil yailal 'a wib'an̈ toto matz wal ab'i', yic tza coln a b'a. A cab' Jehová tz'och et'oc 'icha wal x'aj yoch yet' in mam.

A Ch'an̈ B'ab'el Libro Samuel 22:13

—¿Tas yuj ach 'och yet' win yunnal Isaí yic tzach 'och 'ajc'ojlal 'ayin? Ach 'ix ac' 'ixm pan swa winac, xa'n pax jun q'uen espada 'a 'a, 'ix a c'anb'n 'a Dios yu'uj, sec tz'och 'ajc'ojlal 'ayin, yic tzin smacn 'aj tzin 'eq'ui, 'icha wan yutn tic, xchi.

A Ch'an̈ B'ab'el Libro Samuel 28:15

'Ix yaln Samuel 'a Saúl chi 'ixtic: —¿Tas yuj tzin extej, tzin awtn coti? xchi. —Xiwc'ojlal waji, yujto tzyac' eb' filisteo owl wet'oc, 'ix yij 'el sb'a Dios 'a in tz'ey. Man̈xtoc xta'w 'a tas tzwala, man̈xtzac ta'w 'a eb' schecab', yic tzin c'anb'n 'a eb', yet' pax 'a waychil. Yuj cha, tzach wawtni, yic tzaln 'ayin, tas yowlal 'oj in b'o', xchi Saúl 'a Samuel.

A Ch'an̈ B'ab'el Libro Samuel 3:19

'Ix q'uib' Samuel, ax Jehová caw xcolwjn̈ej yet'oc, yuj cha, may wal junc spaxti chi ma'ix yac' 'el'choc.