A Ch'an̈ B'ab'el Libro Samuel 17:18 - Chuj San Sebastian Bible

¹⁸ Tze'n 'at pax lajn̈ec no queso tic 'a win scapitan̈il eb' soldado cha. Tzelni toto wach' sc'ojl eco o'tac cha. Tzlajw cha, tze'n cot junc tas tzch'oxni, toto yel wach' sc'ojl eco, xchi.

Chuj San Mateo Bible

¹⁸ Tzic'anb'at lajun̈eoc noc' queso d'a vin̈ yajalil eb' vin̈ uc'tac chi'. Tzilani tato vach' sc'ol eb' vin̈ uc'tac chi'. Tzic'ancot junoc tas sch'oxnab'iloc tato yel vach' sc'ol eb' vin̈, xchi vin̈.

A Ch'an̈ B'ab'el Libro Samuel 17:18 Iomraidhean Croise

Gn 37:13

'Ayx am sjayloc c'u s'at ewin yet' no calnelu cha, xyaln win Israel 'a José 'ixtic: —A ticnec, a eco o'tac, ata 'ayc' eco 'a Siquem 'ilj calnelu. Tzin nib'j to tz'at el eco, xchi win Israel chi 'a 'a. —Inye tzin 'ati, xchi José cha.

Gn 37:14

—Wach' tzach 'ati, 'at 'ilto tas yaj eco, yet' e no calnelu cha, toto wach' e no', tzlajw cha, tzach meltzj muc'uc yic tzwul alnc wab'i', xchi winac. Xchecn 'at Israel win José 'a lum span̈nil Hebrón. Ax yic xc'och José 'a yol yic Siquem,

A Ch'an̈ Schab'l Libro Samuel 17:29

No yal chab', no queso yic wacax, no mantca' yet' pax no calnelu, atn jun tzo'n̈ tic xyij 'at eb' sc'ux David yet' eb' 'anma ajun yet' cha, yujto sna eb', to caw 'ay swejl eb' 'anma cha, tztacj sti eb', xc'unb' pax eb' sb'ey 'a lum cusltac lum cha.

Ester 2:11

Junjn c'u tz'ec' Mardoqueo chi 'a sti 'el te n̈a 'a 'aj 'ayc' eb' 'ix yistzil win rey cha, yic tz'ec' yilnoc toto wach' sc'ojl 'ix Ester cha, yet' yuj tas tz'aj yajx servil 'ix.

Job 10:10

'Icha tz'aj sb'o no queso yic tzpajb' no lech, 'ixta xotj a b'on in niwnal tic.

Ex 18:7

Yajn̈j wal cha, 'ix 'elt Moisés 'a yol smantiado 'at scha sn̈i', 'ix 'em n̈ojn sc'och 'a yojltac sn̈i cha, stz'ub'n 'elt sti'. Ax yic xlajw sc'anb'lan eb' sc'ojol, 'ix 'och eb' 'a yol smantiado Moisés.

A Tas Sc'ulejnac Eb' Schecab' Jesús Hechos 15:36

Ax yic x'ec' jaye xo c'u, 'ix yaln Pablo 'a Bernabé 'ixtic: —Con̈, 'at quilx eb' creyente 'a junjn chon̈b' 'ajtc laj 'ec' caljnac 'el spaxti Cajlil, yic tz'at quila', toto an̈ja te'n eb', xchi Pablo.

Jueces 18:15

Xlajw cha, 'ix 'at eb' 'ilm lum chi 'a yatut jun quelm levita cha, atn 'a yatut Micaía. 'Ix c'och eb', xya'n eb' stzatzl sc'ojol.

A Ch'an̈ B'ab'el Libro Samuel 16:20

Yuj cha, xya'n 'at Isaí win yunnal chi 'a Saúl, atn win David. 'Ix ya'n 'at pax jun no b'uru yet'oc, scuchn no jun 'ictzal 'ixm pan, yet' jun tz'um 'aj 'ay 'ejm yal uva, yet' jun no yune chiwo.

A Ch'an̈ B'ab'el Libro Samuel 17:19

Ata 'ayc' Saúl yet' eb' yu'tac David, yet' pax smasnil eb' yit israelal 'a span̈nil Ela yac' owl yet' eb' filisteo.

A Ch'an̈ B'ab'el Libro Samuel 25:5

Yuj cha, 'ix schecn 'at lajn̈wan̈ eb' winc 'ayc' yet'oc yic tz'at 'ajxc stzatzl sc'ojl Nabal chi yu'uj, 'ix yaln 'ixtc 'a eb':

A Ch'an̈ B'ab'el Libro Samuel 30:21

A yic 'ix c'ochx David yet' eb' winc ajun yet' chi 'a 'aj 'ayc' eb' chab' ciente winc 'ix c'unb' cani, eb' xcan 'a sti ch'oln 'a Besor, 'ix 'elt eb', xwul schanoc eb' David, yet' ewin xit' yet'oc. Ax yic schan sb'a eb' yet' David 'ix ya'n stzatzl sc'ojl eb' 'a tzaljc'ojlal.