A Ch'an̈ B'ab'el Libro Samuel 16:12 - Chuj San Sebastian Bible

¹² Yuj cha, x'at ya'nc Isaí 'at 'awtxoc cot junx win cha. A win cha chacchin yilxi, caw wach' yilx yol sat, caw wach'n̈j yilx 'och sniwnal. Ax yic xjaw winac, xyaln Jehová 'a Samuel 'ixtic: —Atn win tic; 'ac' q'ue aceite 'a sjolm winac, xchi.

Chuj San Mateo Bible

¹² Ix schecanb'at yic'umal junxo vin̈ yuninal vin̈aj Isaí chi'. Axo ix javi vin̈, ix yilanoch vin̈aj Samuel chi', chacpulinac yilji vin̈, te vivo yilji yol sat vin̈, te vach' snivanil vin̈. A val d'a jun rato chi' ix yalan Jehová d'a vin̈aj Samuel chi': —Aton vin̈ tic, ac'q'ue aceite d'a sjolom vin̈, xchi.

A Ch'an̈ B'ab'el Libro Samuel 16:12 Iomraidhean Croise

Gn 39:6

X'ochcn José yilmalc smasnil, man̈x 'a junc tas tzna win Potifar, cojxn tas tzna'a to si'lj tas tzc'uxu. Caw wal wach' yilx 'och José, wach'n̈j 'a smasnil.

A Ch'an̈ Schab'l Libro Samuel 23:1

Atn jun tzo'n̈ slajb' spaxti rey David tic: A David yunnal Isaí, caw 'ix 'ijx chan̈ yuj Dios jun Cojxn Niwn Yel'chi, atn jun rey sic'b'il 'el yuj sDiosal eb' yin̈tl Jacob, caw wach' sb'itn 'a scal eb' yit israelal. A tzaln 'ixtic:

A Ch'an̈ Schab'l Libro Samuel 7:8

Tzaln pax 'a jun in checb' David cha, chajtlto an Jehová in tzta'n̈j wuj smasnil, an tzwal jun tic 'ixtc 'a 'a: An ach wij 'el 'a spatc no calnelu, yic tzach wa'n 'och syajlilc in chon̈b' Israel.

A Ch'an̈ B'ab'el Libro Yic Yab'ixal Eb' Rey 1:34

Ach xo Sadoc yet' ach Natán 'ac' q'ue aceite 'a sjolm ni Salomón. Tzeyutz'j no sch'ac calnelu, yic tze ch'oxn 'eli to a ni tz'ochcn reyl 'a yib'n̈ eb' quit israelal. Tz'el eyaw tzeyaln 'ixtic: ¡Viva win rey Salomón! xe chi.

Salmos 2:2

A eb' rey yet' eb' syajlil junjn chon̈ab', 'oj cot yowl eb', jun lajnxoj 'oj yutc eb' yaln 'a spatc Jehová, yet' pax 'a jun Rey sic'b'il 'el yu'uj.

Salmos 2:6

Tox 'ix wa'cn 'och yopiso jun rey 'a tzaln Sión, atn jun tzaln to wicn̈ej yaji, xchi.

Salmos 78:70

Si'n 'elt jun schecab' atn win David, win 'ilm calnelu.

Ex 2:2

Xlajw cha, 'ix 'alj jun swinc 'unn 'ix. A yic xyiln 'och 'ix to caw wach' yilx jun tz'ulc 'unn cha, yuj cha, 'ix sc'ub'n 'el 'ix jun 'unn chi 'a 'oxe 'ujal.

Cantares 5:10

A ni quelm chamc'ojlb'il wuj cha, sac yilx na, chac b'och'nac pax janc yilx na, cojn ni 'ixta yilx 'a scal lajn̈e'oc mil eb' winac.

Lm 4:7

A eb' 'aych yajlil 'a yol in chon̈b' tic, 'a 'a pecti', caw wach' yilx sniwnal eb' 'icha q'uen rubí, mto 'icha yilx q'uen zafiro.

Zacarías 4:14

'Ix yaln 'ayn 'ixtic: Atn chab' tic tzch'oxn cot chawn̈ eb' sic'b'il 'el yuj Yespíritu Jehová yic tzya'n servil eb' Dios, atn Yajl yaj 'a smasnil yolyib'n̈q'uinal, xchi jun ángel cha.

A Tas Sc'ulejnac Eb' Schecab' Jesús Hechos 4:27

Wal yel, a win Herodes, win Poncio Pilato, eb' man̈ israeloc, yet' pax eb' quit israelal on̈, 'ix syam sb'a eb' 'a yol chon̈b' tic. 'Ix sc'umj sb'a eb' 'a spatc Onnal, atn jun sic'b'il 'el o'oj. Palta ach a'jnac can yopiso.

A Tas Sc'ulejnac Eb' Schecab' Jesús Hechos 7:20

Atn 'a yic jun tiempoal cha, 'ix 'alj Moisés. Caw wach' 'a sat Dios. 'Oxen̈ej 'uj 'ix q'uib'tzax yuj smam snun 'a yol yatut.

A Ch'an̈ Carta D'a Eb' Hebreo 11:23

A eb' smam snun Moisés, caw ya'jnac 'och eb' Dios 'a sc'ojol. Yuj cha, ax yic yalj Moisés, sc'ub'n 'el eb' 'oxe 'ujal, yujto yil eb' to caw wach' yilxi. Ma'ix xiw eb' 'a jun sley win rey tzalni, to tzmilx cham eb' 'unn tzat 'alji.

A Ch'an̈ B'ab'el Libro Samuel 16:18

'Ix yaln jun 'a scal eb' schecb' chi 'ixtic: —'Ay wal jun win wojtac. Caw jeln win syucn te arpa cha, yunnal win Isaí winac. Ata cajn 'a Belén. Caw jeln winac, yojc ya'n owal. Caw wach' pax yilx 'ochi, jeln spaxtini, 'aychn̈ej Jehová yet'oc, xchi.

A Ch'an̈ B'ab'el Libro Samuel 17:42

A yic xyiln win filisteo chi David, to chacchin yilxi, caw wach' pax yilx 'ochi, palta caw may jac yel'ch 'a winac yujto quelm 'unnto.

A Ch'an̈ B'ab'el Libro Samuel 17:55

A yic xyiln Saúl s'at David yac' owl yet' win Goliat, 'ix sc'anb'n 'ixtc 'a Abner, win scapitan̈il eb' soldado cha: —Abner, ¿mach smam jun win quelm winc tic? xchi.

A Ch'an̈ B'ab'el Libro Samuel 9:17

A yic xyiln sb'a Samuel 'a Saúl, 'ix yaln Jehová 'a 'ixtic: Yaj win winc xwal 'ayach. Atn win tic 'oj yac' yajlil 'a yib'n̈ in chon̈ab', xchi.