A Ch'an̈ B'ab'el Libro Samuel 13:4 - Chuj San Sebastian Bible

⁴ Smasnil eb' israel 'ix yab' eb', chajtlto 'ix satx 'el jun c'aj eb' soldado filisteo yuj win Saúl. Yuj cha caw 'ix cot yowl eb' filisteo 'a eb' israel. Ax eb' israel cha, 'ix syamn sb'a eb' yet' win Saúl 'a Gilgal.

Chuj San Mateo Bible

⁴ Masanil eb' israel ix ab'ani to toxo ix satel jun scampamento eb' filisteo yuj vin̈aj Saúl chi', ix yab'anpax eb' to aycot yoval eb' filisteo chi' d'a eb'. Yuj chi', d'a elan̈chamel ix smolb'ej sb'a eb' soldado israel yed' vin̈aj Saúl chi' d'a Gilgal.

A Ch'an̈ B'ab'el Libro Samuel 13:4 Iomraidhean Croise

Gn 34:30

Yuj cha, xyaln win Jacob 'a Simeón yet' 'a Leví 'ixtic: —Caw wal tzeyac' in chac in b'a yet' smasnil eb' 'anma cajn 'a sla'nil jun lugar tic, atn eb' cananeo yet' eb' ferezeo. 'Oj syam sb'a am eb', ax ya'n eb' owl quet'ec, tecn 'oj on̈ smilc eb' qui masnil yet' cunnalec tic, yujto jaywn̈n̈ej wal qui b'islec, xchi winac.

Gn 46:34

tzeyalni, chajtlto 'ilm ex calnelu, 'ilm ex pax wacax. Cojn no calnelu tic tzqui caj 'icha eb' qui mam quichm on̈, xe chi 'a winac, sec wach' 'oj e can 'a lum Gosén tic, yujto a ewin 'aj Egipto tic, 'ay yowlal yuj eb', toto junn̈j tz'aj eb' yet' eb' cajm calnelu, xchi José cha.

A Ch'an̈ Schab'l Libro Samuel 10:6

Ax eb' amonita, 'ix nachj 'el yuj eb' to tu tas sb'o eb' 'a sat David, yuj cha, 'ix 'at stojnc eb' junc'l mil eb' soldado sirio xcot 'a chon̈b' Bet-rehob, yet' 'a chon̈b' Soba, yet' jun mil eb' soldado xyac' win sreyl Maaca, yet' lajchwe mil pax eb' xcot 'a chon̈b' Is-tob.

Ex 5:21

'Ix yaln eb' 'a eb' 'ixtic: —'Ojxam yil Jehová tas 'oj ex yutoc, yujto ax ab' 'ay e mul, yuj cha, a win rey yet' eb' 'aych yajlil yet'oc, caw wal tzon̈ yixtj eb' ticnec on̈; 'icha to ax xeyac' q'uen espada 'a eb', yic tzon̈ smiln cham eb' on̈, xchi eb'.

Zacarías 11:8

A 'a yol jun 'uj, xin chec meltzjc 'oxwn̈ eb' 'ilm calnelu, 'ix lajw c'och in niwnc'ojlal 'a eb', 'ixta pax eb', caw wal man̈xtzac in snib'j eb'.

Josué 5:9

Yuj cha, xyaln Jehová 'a Josué 'ixtic: A yuj jun circuncisión tic, 'ix wij can 'el sb'uchwal paxti eb' 'aj Egipto 'a eyib'an̈, xchi. Ax jun lugar cha, 'ix scuchn can Gilgal.

A Ch'an̈ B'ab'el Libro Samuel 10:8

Tzlajw cha, tzach b'ab'l c'och 'ayn 'a Gilgal, tza'n xoj 'oj in c'och o'oj, ax wa'n tz'a no xajmb'al ta', yet' pax no xajmb'al yic junc'ojlal. Tzin a tan̈wj ta uque'oc c'u masnto 'oj in c'och 'ayach, ax waln 'ayach tas 'oj a b'o', xchi Samuel.

A Ch'an̈ B'ab'el Libro Samuel 27:12

'Ix ya'ch win Aquis David yipc sc'ojol, 'ix snan win 'ixtic: A eb' yit israelal, tox x'och eb' 'ajc'ojlal 'a 'a, yuj cha, caw 'oj cann̈j in yac' servil, xchi winac.