A Ch'an̈ B'ab'el Libro Samuel 13:2 - Chuj San Sebastian Bible

² 'ix si'n 'elt 'oxe mil eb' winac yic tz'och eb' soldadoil 'a scal eb' yit chon̈ab'. Chab' mil eb' xcancn yet' 'a Micmas 'a lum jolmctac witz yic Betel, ax jun mil eb' xcan 'a Gabaa 'a yol yic Benjamín. Ax win Jonatán win yunnal Saúl, a win tz'a'n mandar eb'. Ax jun tzo'n̈ xo eb' xcani, 'ix checx meltzjoc junjn eb' yuj Saúl 'a yatut.

Chuj San Mateo Bible

² ix sic'anel oxe' mil soldado vin̈ d'a scal eb' israel. Chab' mil ix can yed' vin̈ d'a Micmas d'a tzalquixtac d'a slac'anil Betel. Axo junxo mil eb' ix can yed' vin̈aj Jonatán yuninal vin̈ d'a Gabaa d'a yol yic eb' yin̈tilal Benjamín. Axo juntzan̈xo eb' ix cani, ix checji pax eb' yuj vin̈ d'a spat.

A Ch'an̈ B'ab'el Libro Samuel 13:2 Iomraidhean Croise

A Ch'an̈ Schab'l Libro Samuel 20:1

'Ay jun winc caw wal tu snab'en 'a eb' yin̈tl Benjamín, tzcuch Seba, yunnal Bicrí, c'uxn wal 'ayc' win 'a Gilgal cha. A win Seba tic 'ix yutz'j scacha. 'Ix q'ue somnjoc eb' chon̈ab', 'ix yaln win 'a eb' 'ixtic: An̈ec tic may calnec quic yet' David, atn jun yunnal Isaí, junjn on̈ an̈ israel on̈ec tic, tzon̈ paxc 'a catut, xchi 'a eb'.

A Ch'an̈ Schab'l Libro Samuel 21:6

A eb' ucwn̈ cha, 'oj qui mil eb' on̈, ax qui t'un̈n q'ue eb' 'a yojltac Jehová 'a Gabaa, 'a schon̈b' Saúl, atn jun sic'b'il 'el yuj Jehová, xchi eb'. 'Ix sta'wj win rey ya'n eb' winc cha.

Nehemías 11:31

Ax eb' yin̈tl Benjamín, 'ay eb' xcan cajn 'a Geba, 'a Micmas, 'a Aía, 'a Bet-el yet' 'a yaldeail eb', yet' pax 'a Anatot, 'a Nob, 'a Ananías, 'a Hazor, 'a Ramá, 'a Gitaim, 'a Hadid, 'a Seboím, 'a Nebalat, 'a Lod, 'a Ono, yet' 'a lum pan̈n yic Carisim. An̈jtona', 'ay pax eb' levita schaj smacl lum 'a yol yic Judá yet' 'a yol yic Benjamín.

Josué 22:6

A yic xlajw yaln can jun tzo'n̈ tic, xyaln can Josué wach' paxti 'a yib'n̈ eb', xyaln can pax sb'a eb' 'a 'a. Xlajw cha, xmeltzj eb' 'a 'aj 'aycn yet'l cha.

Jueces 19:12

'Ix yaln win levita chi 'a 'ixtic: —Ma'ay, matz on̈ wayc 'a jun chuc chon̈b'al tic, coyec masnto 'oj qui c'ochc 'a Gabaa.

A Ch'an̈ B'ab'el Libro Samuel 10:26

'Ixta pax Saúl, 'ix paxx can 'a yatut 'a Gabaa. Ax Dios 'ix 'a'n jawc 'a snab'en jun tzo'n̈ winc caw jeln ya'n owal, yuj cha, 'ix 'at eb' yet' Saúl 'a yatut.

A Ch'an̈ B'ab'el Libro Samuel 10:5

'Oj lajwc cha, ax e c'och 'a Gabaa 'aj tzyal sb'a eb' 'anma 'a Dios. Ata 'ay yet'l junc'aj eb' soldado filisteo ta'. Ax yic 'oj eyoch 'a yol chon̈b' cha, 'oj 'ilchjoc jun tzo'n̈ eb' schecb' Dios eyu'uj, xoj sb'itn eb', wan spax 'emt eb' 'a 'aj tz'och 'emmquilal 'a Dios. B'ab'l eb' tzyucn salterio, pandero, amay yet' arpa.

A Ch'an̈ B'ab'el Libro Samuel 13:1

Caw te'n xo sq'uinl Saúl yic x'och reyl 'a chon̈b' Israel, ax 'a yic 'ayx 'och 'a schab'l ab'il yoch reyal,

A Ch'an̈ B'ab'el Libro Samuel 13:11

Palta xyaln Samuel 'ixtc 'a 'a: —¿Tas wal xa b'o'o? xchi. —Yujto xwila wan laj s'at eb' soldado 'elc 'a in tz'ey, ach xo tic matz ach jaw 'icha yaj aln can sc'ual, ax eb' filisteo tox 'ix syam sb'a eb' 'a Micmas,

A Ch'an̈ B'ab'el Libro Samuel 13:15

Xlajw cha, 'ix 'elx Samuel 'a Gilgal, 'ix c'ochx can 'a Gabaa 'a yol yic Benjamín. Ax Saúl 'ix sb'isn eb' soldado ajun yet' cha, 'aym waque'oc ciente eb' 'a smasnil.

A Ch'an̈ B'ab'el Libro Samuel 13:16

Ajun pax jun yunnal yet'oc, atn win Jonatán, yet' pax eb' soldado cha, 'ix 'atcn eb' 'a Gabaa 'a yol yic Benjamín, palta ax eb' filisteo ata 'ay scamplamento eb' 'a Micmas.

A Ch'an̈ B'ab'el Libro Samuel 13:23

Ax eb' filisteo cha, xya'ch eb' smacmal jun b'e lot'n sat tz'ec' 'a sch'olnal Micmas.

A Ch'an̈ B'ab'el Libro Samuel 13:5

'Ix syamn pax sb'a eb' filisteo yic tzya'n eb' owl yet' eb'. 'Ay lajn̈schawinc mil scaruaje eb' yic owal, waque mil eb' winc 'ay q'ue 'a yib'n̈ chej, niwnto pax eb' tzb'ey 'a yoc. 'Icha wal yarenail sti a mar, 'ixta eb'. 'Ix cot eb' axta sb'o eb' scamplamento 'a Micmas 'a stojlal 'aj tzq'uel c'u 'a Bet-avén.

A Ch'an̈ B'ab'el Libro Samuel 14:31

A 'a yic jun c'u cha, ata xlajw 'el eb' filisteo yuj eb' soldado israel. 'Ix 'och tza'n eb' yuj eb' 'a Micmas, masnto xc'och eb' 'a Aialón. Palta a eb' chon̈b' cha, caw wal xc'unb' eb'.

A Ch'an̈ B'ab'el Libro Samuel 14:5

Jun q'uen 'ay 'a stojlal norte 'a yojltac 'at Micmas, ax junx q'uen 'a stojlal sur 'a yojltac 'at Gabaa.

A Ch'an̈ B'ab'el Libro Samuel 14:52

Ya' sb'a 'aych Saúl yajlil, caw 'ix yac' owl yet' eb' filisteo si'mb'il. Yuj cha, a yic tzyilni toto 'ay eb' winc caw wal jelan, caw 'ay yip, c'uxn 'ix 'och eb' soldadoil yu'uj.

A Ch'an̈ B'ab'el Libro Samuel 15:34

Xlajw cha, 'ix meltzj can Samuel 'a Ramá, ax Saúl 'ix pax q'ue 'a Gabaa.

A Ch'an̈ B'ab'el Libro Samuel 24:3

A yic 'ix c'och Saúl yet' eb' soldado 'a jun lugar cha, ata 'ay jun scol-l no calnelu 'a sti b'e, ata 'ay pax jun q'uen n̈aq'uen 'a sla'nil cha. 'Ix 'och Saúl chuljoc 'a yojl q'uen n̈aq'uen cha, man̈ yojcoc toto ata chotn 'ec' David 'a yich 'ochch q'uen yet' eb' winc ajun yet'oc.

A Ch'an̈ B'ab'el Libro Samuel 26:2

Xlajw cha, 'ix 'at Saúl yet' 'oxe mil eb' soldado caw jeln 'a scal eb' yit israelal, 'ix 'at eb' 'a lum cusltac lum yic Zif, yic tzsayn pax 'ec' eb' David.

A Ch'an̈ B'ab'el Libro Samuel 8:11

'Ix yaln 'ixtic: —'Ixtc wal 'oj ex yutc jun rey 'oj yac' yajlil 'a eyib'n̈ cha: 'Oj yec syam sb'a eb' eyunnal. 'Ay eb' 'oj ya'ch 'a yojl jun tzo'n̈ caruaje yic owal, 'ay eb' 'oj q'ue 'a yib'n̈ chej ax s'at eb' 'a owal, 'ay pax eb' 'oj ya'ch win stan̈maloc.