A Ch'an̈ B'ab'el Libro Samuel 12:15 - Chuj San Sebastian Bible

¹⁵ Palta toto ma'oj e cha eyab' tas 'oj yal Jehová, toto pit 'oj eyutc e b'a 'a schecnb'il, to 'ixta', 'oj ya' cot yailal 'a eyib'an̈, 'icha ya'jnac yet' eb' qui mam quichmec.

Chuj San Mateo Bible

¹⁵ Tato pit ol eyutej e b'a d'a tas syal Jehová jun, tato max e c'anab'ajej, ol yac'och yaelal d'a eyib'an̈ icha ix utaj eb' co mam quicham.

A Ch'an̈ B'ab'el Libro Samuel 12:15 Iomraidhean Croise

2 Cr 15:2

'Ix 'elt wul scha win Asa, 'ix yaln 'a 'ixtic: 'Ab' tas 'oj wal 'aych mamin Asa, yet' e masnil ex wit chon̈b' 'aj Judá, yet' ex yin̈tl Benjamín. A Jehová 'aych ton wal quet'ec, toto a wal yet' 'ayn̈ec 'ochi. Toto tzcalc qui b'a 'a 'a, 'oj yab' tas tzcalec. Palta toto 'oj cactquec cani, 'oj on̈ yactc can paxi.

Is 1:20

palta toto an̈ja tenmtac tzeyutj e b'a, 'oj e cham 'a scal 'owl 'oj wa' cot 'a eyib'an̈, xchi.

Is 3:11

'Oltac wal eb' 'anma tu snab'en, a maysch'olnil 'oj scha sb'a eb' yet'oc, a tas sb'ojnac eb', a chi 'oj 'ajxoc spacc 'a eb'.

Lm 1:18

A Jehová sb'o wal 'icha tas smoj sb'oni, yujto caw wal tenmtac xcutjec qui b'a 'a schecnb'il. E masnil ex chon̈ab', 'ab'c wal tas 'oj cal on̈, 'iltec wal nab'n yilx qui yailal on̈. A eb' qui quelmtac on̈, yet' eb' 'ix qui cob'stac on̈, tox 'ix 'ijx 'at eb' 'icha presoal.

Dt 31:27

Yujto wojtac, to ax tic caw wal pit ex, tenmtac ex. 'Aynto cob' 'ec' eyet'oc, palta 'in toxn to tenmtac tzeyutj e b'a 'a Jehová Dios, ¿ocxom wal yic 'oj in chami?

Josué 24:20

Toto tzeyactj can Jehová, tzeya'n servil jun tzo'n̈ comn dios, 'oj meltzjoc ya'n yowl sc'ojl 'ayex, ax e satx 'el yu'uj, wach'xam til wal tas wach' sb'o 'ayex, xchi 'a eb'.

Jueces 2:15

A yic tz'at eb' israel yac' owl yet' eb' 'ajc'ojl cha, ax Jehová 'aych pax 'ajc'ojlal 'a eb'. 'Ix lajw 'el eb' yuj eb' 'ajc'ojl cha, 'icha wal yaj yaln can Jehová 'a eb', yuj cha, caw x'och eb' 'a cusc'ojlal.

A Ch'an̈ B'ab'el Libro Samuel 12:9

Palta 'ix 'at satc'ojlal Jehová qui Diosalec yuj eb'. Yuj cha, jab'jb' scal tz'ajx 'och eb' 'a yol sc'ab' eb' 'ajc'ojol. 'Ay jun tiempoal x'ajx eb' 'a yol sc'ab' win Sísara win yajl yaj 'a eb' soldado 'a chon̈b' Hazor, an̈jtona x'ajx pax eb' 'a yol sc'ab' eb' filisteo yet' pax 'a yol sc'ab' win sreyl Moab. Junjn c'aj eb' tic xyac' eb' owl yet' eb' israel.

A Ch'an̈ B'ab'el Libro Samuel 5:9

A yic xlajw 'at ya'nc can eb', ax Jehová 'ix 'a'n 'och eb' 'anma chi 'a somc'ojlal. 'Ix laj mal 'elt jun tzo'n̈ yab'il chi 'a eb'. 'Ix 'elt 'a eb' nene 'unin yet' 'a eb' 'ichmtac 'anma'.