A Ch'an̈ B'ab'el Libro Samuel 12:11 - Chuj San Sebastian Bible

¹¹ Yuj cha, xya'n cob' Jehová jaywn̈ eb' coljnac 'el eb' qui mam quichmec 'a yol sc'ab' eb' 'ajc'ojl cha. 'Ix jaw win Jerobaal, junx tiempoal 'ix jaw win Barac, junx tiempoal win Jefté, xlajw cha, in jaw an tic sec tzon̈ canc 'a junc'ojlal.

Chuj San Mateo Bible

¹¹ Yuj chi' ix ac'jicot vin̈aj Jerobaal, vin̈aj Barac, vin̈aj Jefté yed' in tic yuj Jehová, yic tzex colji d'a yol sc'ab' eb' eyajc'ool, yuj chi' syal eyaj d'a junc'olal.

A Ch'an̈ B'ab'el Libro Samuel 12:11 Iomraidhean Croise

A Ch'an̈ Schab'il Libro Yic Yab'ixal Eb' Rey 13:5

'Ix ya'n Jehová jun mach 'ix colwj 'a eb'. 'Ixtnta 'ix 'aj yel eb' 'a yol sc'ab' eb' 'aj Siria. Tzaljc'ojlal xoj yaj eb' 'a yatut, 'icha yaj eb' 'a yaln̈taxi.

1 Cr 7:17

Ax yunnal Ulam, atn Bedán. Atn jun tzo'n̈ eb' yin̈tl Galaad tic, yunnal Maquir, yixchicn Manasés eb'.

Jueces 4:6

'Ay jun c'ual, 'ix yac' 'ix 'awtxoc cot jun winc tzcuch Barac, yunnal Abinoam. Ata cajn 'a Cedes, 'a yol yic Neftalí. Xyaln 'ix 'a win 'ixtic: —A Jehová qui Diosalec a tzaln jun tzo'n̈ tic 'ixtc 'ayach: 'Ixic, tza'n syam sb'a lajn̈ec mil eb' soldado tzcot 'a yin̈tl Neftalí yet' 'a eb' yin̈tl Zabulón. Tze'n 'at eb' 'a jolm witz Tabor.

Jueces 6:14

'Ix 'och q'ueln Jehová 'a 'a, 'ix yaln 'ixtic: —An tzach in checb'ti. C'anlb'ej jun ep 'ac'b'il wu'uj, yic tza coln 'elt eb' et israelal 'a yol sc'ab' eb' madianita, xchi.

Jueces 6:31

'Ix ta'w Joás 'a smasnil eb' 'anma oyn 'och 'a stz'ey cha, xyaln 'ixtic: —¿Tom tzeya'ch e b'a e coln Baal? ¿Tom tze nib'j eyac' owl yu'uj? Toto 'ixta', tzann̈j mach tzcoln Baal cham cab'i', ya' sb'a mantzac sacb' 'eli. Toto yel Dios jun Baal cha, scol cab' sb'a sch'ocj 'a jun mach 'ix ma'n 'ejm jun yet'l xajmb'al cha, xchi Joás.

Jueces 6:32

A wal 'a yic jun c'u cha, 'ix ya'n eb' 'anma chi scuchcn Gedeón, Jerubaal. Yujto a Gedeón 'ix ma'n 'ejm jun yet'l xajmb'al yic Baal cha, yuj cha, 'ix yaln eb' 'ixtic: Scol cab' sb'a Baal chi 'a jun cha, xchi eb'.

Jueces 7:1

A Gedeón, tzcuch pax Jerubaal, caw wal 'ix seb' q'ue wan yet' eb' winc ajun yet' cha, axta xc'och eb' sb'o scamplamento 'a sti jun a spac'b'a tzcuch Harod. Ax pax eb' madianita, ata 'ay scamplamento eb' 'a stojlal norte, 'a span̈nil yich lum witz tzcuch More.

Jueces 8:29

Xlajw cha, xpax win Gedeón 'a yatut, atn win yunnal Joás.

Jueces 8:35

May jac spac wach' xyac' eb' 'a eb' yunnal Gedeón cha, yuj swach'c'ojlal xyac' 'a eb'.

A Ch'an̈ B'ab'el Libro Samuel 3:20

Smasnil eb' 'ay 'a yol smacb'en israel, eb' 'ay 'a Dan masnto tzc'och 'a Beerseba, schaj eb' yab'i', to a Samuel caw yel schecb' Jehová.

A Ch'an̈ B'ab'el Libro Samuel 7:13

'Ixta x'aj eb' filisteo chi yajx ganar yuj eb' israel. Yic 'ayt 'ec' Samuel, ax Jehová 'aychn̈ej xib'tn eb' filisteo cha, yuj cha, man̈x 'a 'aj 'ix jaw eb' yac' owl 'a slum eb' israel cha.