A Ch'an̈ B'ab'el Libro Samuel 11:11 - Chuj San Sebastian Bible

¹¹ Ax 'a junx c'u 'a yic 'ayt sacb'i, yic q'ui'to, 'ix syamn 'och Saúl spojn 'el eb' soldado, 'ox c'aj xyutj 'el eb'. 'Ayt wal sacb'i, xc'och eb' 'at smil cham eb' amonita cha, masnto 'a yic x'och chimc'ual. Ax eb' ma'ix chami, sactzicnac s'at eb' 'eloc, may 'ajtil yamn 'ix 'ajcn chawn̈oc eb'.

Chuj San Mateo Bible

¹¹ Axo d'a junxo c'u, q'uic'to val, ix spojanec' eb' soldado vin̈aj Saúl chi', ox poj ix yutej eb' vin̈. Ayto val sacb'i, ix c'och lemnaj eb' d'a yol scampamento eb' amonita chi', ix och ijan eb' smilancham eb' masanto d'a q'uec'ualil. Axo eb' maj chamoc, ix saclemcanb'at eb', malaj b'aj junn̈ej ix can chavan̈oc eb'.

A Ch'an̈ B'ab'el Libro Samuel 11:11 Iomraidhean Croise

Gn 22:14

Xlajw cha, xya'n can Abraham sb'ic jun lugar chi 'ixtic: A Jehová, a tz'a'n tasto yowlal tznib'xi, xchi. Yuj cha, an̈ja 'ixta yaln eb' 'anma ticnec: A 'a lum witz yic' Jehová, ata tzyac' tas yowlal tznib'xi, xchi eb'.

A Ch'an̈ Schab'l Libro Samuel 18:2

'Ix spojn 'el David eb' soldado cha, 'oxc'aj x'el eb': junc'aj eb' xcan yet' win Joab, junc'aj xo eb', a yet' win Abisai xcan eb', win yune 'ix Sarvia yu'tac Joab cha, ax junc'aj xo eb', a yet' win Itai x'atcn eb', win 'aj Gat. Xlajw cha, xyaln win rey chi 'a eb' 'ixtic: —'Oj in 'at pax eyet' 'a owl cha, xchi winac.

Salmos 46:1

A Dios a 'aych quen̈loquec, a pax 'aych quipquec, a tz'och pax quet'ec yic 'ay qui somc'ojlal.

Ex 14:24

A Jehová 'aych 'a scal jun c'ac' yet' 'a scal 'asun, ax yic wan sacb'i, 'ix yil 'emt Jehová eb' 'aj Egipto cha, xya'n somchjoc eb'.

Mt 7:2

Yujto 'icha wal tzeyutj e b'eyc'ojlan eb' eyit 'anma'il, 'ixta 'oj ex yutc Dios ex sb'eyc'ojlan jun xo. A wal eyechtab' tzeya'lb'ej, a 'oj 'a'lb'axc 'ayex, tzyal 'el'chi to 'icha wal tzeyutj e b'eyc'ojlwi, 'ixta 'oj eyaj e b'eyc'ojlax jun xo.

Santiago 2:13

Toto matz 'o'ch qui c'ojlec 'a eb' quit 'anma'il, ax Dios, ma'oj 'o'ch sc'ojl 'ayn̈ec jun xo, yic 'oj on̈ sb'oncyaji. Palta toto tz'o'ch qui c'ojlec 'a eb' quit 'anma'il, to 'ixta', 'oj 'o'ch pax sc'ojl Dios 'ayn̈ec yic 'oj on̈ sb'oncyaji.

Jueces 1:7

Yuj cha, xyaln Adoni-bezec 'ixtic: A 'a yic yaln̈taxi, in tzu'jnac 'el snun sc'ab' yet' snun yoc 70 eb' rey, x'och eb' sic' sc'ajl schib'l woch 'a yaln̈ in mexa. 'Icha wal wutjnac eb' rey cha, 'ixta wal xyutj Dios ya'n spac 'ayn ticnec, xchi. Xlajw cha, xyi'n 'at eb' 'a Jerusalén, axta xchami.

Jueces 4:16

Ax win Barac, spech win eb' soldado win Sísara yet' pax eb' 'et'jnac q'uen q'uen caruaje cha, masnto xc'och eb' 'a Haroset-goim. C'uxn xcham eb' soldado chi smasnil ta', man̈x 'a junc eb' xcani.

Jueces 7:16

Xlajw cha, 'ix spojn 'ec' eb' 'oxe ciente soldado cha. 'Oxc'aj xyutj 'el eb'. Xya'n junjn scacha junjn eb', junjn pax schen jun jun. Ax 'a yojl schen eb' chi xyac' 'ejm staj, xya'n 'och eb' sc'aq'uil.

Jueces 7:20

A 'oxc'aj eb' soldado cha, jun lajnn̈ej xyutj eb' yutz'n scacha chi smasnil. 'Ix sma'n poj eb' schen' cha. Ax sc'ab' eb' a surito a yamjnac staj eb', xya'n 'el eb' yaw 'ixtic: A yespada Jehová yet' pax yic Gedeón, a tzyac' owal, xchi eb'.

Jueces 9:43

A yic xyab'n cha, 'ix spojn snan̈l eb' soldado, 'oxc'aj xyutj 'el eb'. X'at sc'ub'nc 'el sb'a 'a scal te 'a sti 'el chon̈b' cha. Ax yic x'elt eb' 'anma chi 'a sti chon̈b' cha, 'ix 'elt yet' eb' soldado 'aj sc'ub'j 'el sb'a cha, xya'n owl yet' eb' 'anma cha.

A Ch'an̈ B'ab'el Libro Samuel 11:2

'Ix ta'w Nahas chi 'ixtic: —Tzin b'o jun in trato eyet'oc, cojn toto tzchaj e c'ojl wi'n 'elt junjnoc yol e sat 'a e wach' junjn ex, sec 'ixta 'oj 'aj yel e q'uixwel yet' eb' eyit israelal, xchi.

A Ch'an̈ B'ab'el Libro Samuel 14:47

A yic yochcn Saúl reyl 'a chon̈b' Israel, syamn 'och yac' owl yet' smasnil eb' 'ajc'ojl oyn 'och 'a stz'ey, atn eb' 'aj Moab, eb' yin̈tl Amón, eb' yic Edom, yet' eb' sreyl Soba, yet' pax eb' filisteo. Tzann̈j 'ajtil tz'at yac' owal, an̈j tz'a'n ganar.