A Ch'an̈ B'ab'el Libro Samuel 11:1 - Chuj San Sebastian Bible

¹ Xlajw cha, 'ix cot Nahas win sreyl Amón yet' eb' soldado yic tzya'n owl 'a chon̈b' Jabes 'a yol yic Galaad. Palta xyaln smasnil eb' syajlil eb' cajn 'a Jabes chi 'ixtc 'a Nahas: —B'o junc a trato quet' on̈, tzlajw cha, tzon̈ 'och a checb'oc on̈, xchi eb'.

Chuj San Mateo Bible

¹ A d'a jun tiempoal chi', ix cot vin̈aj Nahas sreyal eb' Amón yed' soldado yac' oval d'a chon̈ab' Jabes d'a yol yic Galaad, ix oymaj eb' d'a spatic. Ix yalanb'at eb' aj Jabes chi' d'a vin̈aj Nahas chi': —Tato tzac' junoc a trato qued'oc, ol cac'och co b'a d'a yol a c'ab', xchi eb'.

A Ch'an̈ B'ab'el Libro Samuel 11:1 Iomraidhean Croise

Gn 26:28

Yuj cha, xta'w eb' 'ixtc 'a 'a: —Tox 'ix quil on̈ to 'aych Jehová et'oc, yuj cha, xqui nan on̈ to tzqui b'o junc qui trato et'oc. A jun trato 'oj qui b'o cha, atn tic:

A Ch'an̈ Schab'l Libro Samuel 10:1

A yic x'ec' jun tiempoal cha, 'ix cham win Nahas sreyl eb' amonita, ax jun yunnal tzcuch Hanún, a 'ix 'ochx can reyal.

A Ch'an̈ Schab'l Libro Samuel 10:2

'Ix yaln David 'ixtic: A ticnec 'oj in ch'ox in wach'c'ojlal 'a win Hanún 'icha yutjnac win smam win chi 'in schamc'ojlani, xchi. 'Ix schecn 'at David jaywn̈ eb' schecb' 'at yac' sniwnal sc'ojl Hanún chi yuj schamlil smam cha. Palta ax yic xc'och eb' schecb' David chi 'a schon̈b' eb' amonita,

A Ch'an̈ Schab'l Libro Samuel 17:27

Ax yic xc'och David 'a chon̈b' Mahanaim, 'ix 'elt jaywn̈ eb' winc wul scha': win Sobi yunnal Nahas 'aj Rabá yic eb' yin̈tl Amón; win Maquir yunnal Amiel 'aj Lodebar, yet' pax win Barzilai 'aj Rogelim 'a yol yic Galaad.

A Ch'an̈ Schab'l Libro Samuel 2:5

yuj cha, 'ix schecn 'at David chi jun tzo'n̈ eb' schecb' 'at yal 'a eb' 'ixtic: Ya' cab' Jehová syaxilal 'a eyib'an̈, yujto caw 'ix 'o'ch e c'ojl 'a Saúl, atn jun eyajlil, wach' eyutjnac e mucni.

A Ch'an̈ B'ab'el Libro Yic Yab'ixal Eb' Rey 20:34

Xlajw cha, xyaln Ben-adad chi 'ixtic: —A jun tzo'n̈ chon̈b' yijnac 'ec' in mam 'a yol sc'ab' a mam, ticnec tzwa'x can meltzjoc eb' 'ayach, tztac' pax s'at eb' a chon̈wjum 'a Damasco, 'icha ya'jnac in mam 'a Samaria, xchi. —An xo pax tic, tzach wa'l 'a libre yuj jun trato tic, xchi Acab. 'Ixta xyutj eb' sb'on jun strato cha, xlajw cha, 'ix pax Ben-adad.

1 Cr 10:11

A yic 'ix yab'n smasnil eb' 'aj Jabes 'a yol yic Galaad, tas 'ix yutj eb' filisteo Saúl cha.

1 Cr 10:12

Yuj cha, 'ix smol aln smasnil eb' winc to caw wal tec'an, 'ix 'at yi'noc eb' sniwnal Saúl yet' yic eb' yunnal, 'ix yi'n cot eb' 'a Jabes cha. Ata 'ix mucx sb'acl eb' 'a yich jun te ma'ach'. 'Ix 'och eb' 'a c'ajb'c'ojlal 'a uque c'u yuj cusc'ojlal.

Job 41:4

¿Tzam stac' a'n trato yet' no', yic tz'och no a mosooc 'a smasnil tiempo?

Ex 23:32

Man̈ e b'o junc e trato yet' eb', man̈ ex 'och 'emmquilal pax 'a sdiosal eb' cha.

Is 36:16

Man̈ e cha eyab' 'a Ezequías cha. Yujto a win wajlil, tzyac' win wal 'ayex to tzex 'och 'a junc'ojlal yet'oc, tzeya'n servil. Toto 'ixta', junjn ex, 'oj e lo sat eyawb'ente', ax eyu'n eyal joyb'il eyu'uj.

Jeremías 40:11

An̈jtona 'ay pax eb' israel xcancn to 'a chon̈b' Moab, 'a Amón, 'a Edom, yet' 'a jun tzo'n̈ xo nacion̈. 'Ix yab' eb' to 'ayt eb' israel xcancn 'a chon̈b' Judá chi yuj win sreyl Babilonia. 'Ix yab'n pax eb' to a Gedalías yunnal Ahicam yixchicn Safán, a 'ix 'ajx can 'och gobernadoral 'a yib'n̈ eb' yuj winac.

Jeremías 40:14

'Ix yaln eb' 'a 'ixtic: —¿'Ix ab' ama, to a win Baalis sreyl Amón 'ix tojn Ismael, win yunnal Netanías yic tzwul ach smilnc chamoc? xchi eb' 'a 'a. Palta ax Gedalías ma'ix schaj yab'i'.

Ez 17:13

'Ix yi'n cot win jun yican win rey cha, 'ix ya'n win yopiso winac, sb'on win strato yet' winac, xya'n pural win ya'n win sti', sec yiclum tzyutj sb'a win 'a win sreyl Babilonia cha. 'Ixta xyutj win yi'n cot eb' niwc winc 'a 'icha presoal,

Dt 23:3

A eb' amonita yet' eb' moabita yet' yin̈tl junjn c'aj eb', may b'a'n̈ xon 'ay yaln eb' yic 'a scal eb' schon̈b' Jehová,

Jueces 10:7

Yuj cha, 'ix cot yowl sc'ojl Dios 'a yib'n̈ eb'. A 'a jun ab'il cha ata 'ix 'ajx 'och eb' israel chi 'a yol sc'ab' eb' filisteo yet' 'a eb' 'aj Amón. Caw wal 'ix 'ixtx eb' israel yuj eb' 'ajc'ojl cha. Wajxclajn̈e ab'il 'ix can eb' 'a yol sc'ab' eb'. 'Ix yac' eb' sgana yixtn eb' cajn 'a lum Galaad, yet' eb' cajn 'a sc'axpil 'ec' sti a Jordán 'a slum can eb' amorreo.

Jueces 11:4

'Ix 'ec' wal jab' tiempo, ax x'aji, 'ix c'och eb' amonita yac' owl yet' eb' israel cha.

Jueces 21:8

¿'Aym jun c'ajoc eb' quit israelal ma'ix xit' quet'ec 'a qui yamnil x'och 'a yojltac Jehová 'a Mizpa? xchi eb'. Snan cot eb' to a eb' cajn 'a Jabes 'a yol yic Galaad, may xon junc eb' xit' 'a yamnil cha.

A Ch'an̈ B'ab'el Libro Samuel 12:12

A yic xeyilni to tzjaw win Nahas sreyl eb' amonita yac' owl eyet'oc, xe c'ann jun rey 'ayin, yic tz'och yajlil 'a qui calec. Tic pax to a Jehová qui Diosalec, a qui reylec yaji.

A Ch'an̈ B'ab'el Libro Samuel 14:47

A yic yochcn Saúl reyl 'a chon̈b' Israel, syamn 'och yac' owl yet' smasnil eb' 'ajc'ojl oyn 'och 'a stz'ey, atn eb' 'aj Moab, eb' yin̈tl Amón, eb' yic Edom, yet' eb' sreyl Soba, yet' pax eb' filisteo. Tzann̈j 'ajtil tz'at yac' owal, an̈j tz'a'n ganar.