A Ch'an̈ B'ab'el Libro Samuel 10:6 - Chuj San Sebastian Bible

⁶ 'Oj lajwc cha, ax yoch Yespíritu Jehová 'ayach, ax a yamn 'och aln 'el spaxti Dios yet' eb'. Caw 'oj jelmjoc a nab'en.

Chuj San Mateo Bible

⁶ Axo d'a jun rato chi', ol och Yespíritu Jehová d'ayach, icha eb' vin̈ chi' ol ach ajoc, ol q'uexmaj a pensar.

A Ch'an̈ B'ab'el Libro Samuel 10:6 Iomraidhean Croise

Nm 11:17

Ax 'a yic 'oj weml b'i'an, ax in paxtin et'oc, ax wi'n 'el jac espíritu 'aych 'ayach, ax wa'n 'och 'a eb' yichm wincal chon̈b' tic. A eb' 'oj colwjoc et'oc, yic tzyiln eb' jun tzo'n̈ 'anma tic, sec man̈ a ch'ocjoc tzel eb'.

Nm 11:25

Xlajw cha, 'ix 'eml Jehová 'a scal jun 'asun, 'ix syamn 'och spaxtin yet' Moisés cha. A yic cha, 'ix yi'n 'el jac espíritu 'aych 'a Moisés, ax 'a eb' 70 yichm wincal israel cha, axta 'ix ya'cn 'ochi. Yuj cha, 'ix syamn 'och eb' spaxtin 'icha junc schecb' Dios. Palta cojn wal jun 'ejm 'ix paxtin eb' 'ixta', man̈x 'ic yal eb' jun 'ejm xo.

Nm 11:26

'Ay chawn̈ eb' winc 'aych sb'isloc eb' 70 cha, jun win tzcuch Eldad, ax junx win tzcuch Medad. A eb' chawn̈ cha, ma'ix c'och eb' 'a 'aj 'ay scajnub' Dios, 'ix can eb' 'a camplamento, palta locn eb' 'ix chan jun espíritu cha. 'Ix syamn 'och eb' spaxtin 'icha junc schecb' Dios 'a camplamento cha.

Nm 11:29

'Ix ta'w Moisés, xyaln 'ixtic: —¿Tom tza nib'j cojn in niwn wel'ch 'a scal eb' 'anma tic? Comnoc wal tz'el 'a sc'ojl Jehová, tzyac' Yespíritu 'a smasnil eb' schon̈b' tic, sec wach' tz'ochcn eb' schecb'oc, xchi.

Mt 7:22

At 'a yic 'oj jawc jun c'u cha, til wal eb' 'oj laj alnc 'ayn 'ixtic: Mamin, Mamin, caw x'ec' cal-l ab'xil on̈, yuj a poder quijnac 'el jun tzo'n̈ demonio 'a eb' 'anma 'on̈. An̈jtona', yuj a poder til wal milagro qui ch'oxjnac on̈, 'oj schic eb' 'ayin.

Jueces 14:6

Ax Yespíritu Jehová 'ix jaw 'a yib'n̈ Sansón, 'ix caw 'och yip. May xon jac tas yet' 'a sc'ab', cojn yet' yip chi 'ix yac' milnc cham no león cha. 'Ix stoc' jecchjoc win no 'icha wal sto'x jecchjoc junc no yune chiwo, 'ixta 'ix yutej. May xon jac tas xyal 'a smam snun yuj tas sb'o cha.

Jueces 15:14

A yic 'ix c'och eb' 'a Lehi, 'ix 'elt eb' filisteo scha sc'ochi. Caw wal tz'el yaw eb' yuj tzaljc'ojlal. Yajn̈ej 'ix jaw Yespíritu Jehová 'a Sansón yic tzya'n yip. Ax ch'an̈ lasu pixjnac sc'ab', 'ix sn̈i'chtan 'at ch'an̈ 'icha sc'unal tz'anc nip, 'ix 'em lan̈njoc ch'an̈.

Jueces 3:10

Ax Yespíritu Jehová x'och 'a Otoniel, sjucb'tzan eb' yit israelal cha, xya'n owal. A Jehová a x'och yet' eb', x'ajx eb' 'ajc'ojl chi 'a yol sc'ab'. 'Ix lajw 'el eb' yu'uj.

A Ch'an̈ B'ab'el Libro Samuel 10:10

A yic xc'och yet' jun schecb' chi 'a Gabaa, 'ix 'elt jun tzo'n̈ schecb' Dios wul scha sc'ochi. Yajn̈j wal cha, 'ix 'och Yespíritu Dios yet' spoder 'a 'a, yuj cha, 'ix syamn 'och yaln 'el spaxti Dios yet' eb'.

A Ch'an̈ B'ab'el Libro Samuel 10:9

Cojn xlajw yaln can sb'a Saúl 'a Samuel, 'ix paxi, ax Dios 'ix jeln snab'en cha. A wal yic jun c'u cha, 'ix 'el'ch smasnil tas 'ix yal Samuel 'a 'a.

A Ch'an̈ B'ab'el Libro Samuel 11:6

A yic xyab'n Saúl jun tzo'n̈ paxti cha, caw x'och Yespíritu Dios yet' spoder 'a 'a; yuj cha, caw xcot yowl Saúl chi si'mb'il.

A Ch'an̈ B'ab'el Libro Samuel 16:13

Xlajw cha, xyi'n cot Samuel no ch'ac 'aj 'ay 'ejm aceite. Q'ueln 'och eb' 'u'tacab'il cha, xya'n q'ue Samuel aceite 'a sjolm win David cha. A 'a yic jun c'u cha, 'ix 'ochcn Yespíritu Jehová 'a win yet' spoder. Xlajw swa eb', 'ix meltzj pax can Samuel 'a Ramá.

A Ch'an̈ B'ab'el Libro Samuel 19:20

'ix schecn 'at eb' soldado cha, yic tz'at yi'nc eb' David. Ax yic xc'och eb', 'ix yiln eb' jun tzo'n̈ eb' schecb' Dios, wan yaln 'el eb' spaxti Dios cha, ax Samuel a tzjucb'tzan eb'. Yajn̈j wal cha, 'ix 'och Yespíritu Dios 'a eb' soldado cha, syamn 'och eb' yal-l spaxti Dios.