A Ch'an̈ B'ab'el Libro Samuel 10:1 - Chuj San Sebastian Bible

¹ Xlajw cha, xyi'n cot Samuel jun yet'l aceite, 'ix secn q'ue aceite chi 'a sjolm Saúl, 'ix stz'ub'n 'elt sti', xyaln 'a 'ixtic: A Jehová a tzach 'a'n 'och syajlilc qui chon̈ab'.

Chuj San Mateo Bible

¹ Ix lajvi chi', ix yic'ancot jun yed'tal aceite vin̈aj Samuel chi', ix stob'anq'ue aceite chi' vin̈ d'a sjolom vin̈aj Saúl chi', ix stz'ub'anelta sti' vin̈, ix yalan vin̈: —A Jehová tzach sic'anel ticnaic yic tzach och yajalil d'a yib'an̈ schon̈ab'.

A Ch'an̈ B'ab'el Libro Samuel 10:1 Iomraidhean Croise

A Ch'an̈ Schab'l Libro Samuel 1:14

—¿Tas yuj 'ix a te'wtzej a b'a a miln cham win rey sic'b'il 'och yuj Jehová? xchi David.

A Ch'an̈ Schab'l Libro Samuel 19:39

Smasnil eb' ajun yet'oc, 'ix 'e't eb' 'a yojl a Jordán cha. A yic tox 'ix 'e't win rey, 'ix stz'ub'n can 'elt win sti win Barzilai, 'ix yaln can sb'a win 'a 'a. Xlajw cha, 'ix meltzj win Barzilai 'a yatut.

A Ch'an̈ Schab'l Libro Samuel 20:19

A jun qui chon̈b' tic on̈, caw wach'n̈j tas tzb'o 'ayn̈ an̈ israel on̈ tic, palta ach xo tic, wan a'n ep a ma'n 'ejm lan̈chjoc jun chon̈b' tic, to caw wal niwn pax yel'chi. ¿Tas yuj tza nib'j tzac' lajwc tastc to yic Jehová yaji? xchi 'ix.

A Ch'an̈ Schab'l Libro Samuel 5:2

Wach'xam a Saúl 'ochnc qui reyloc, palta ach wal a'jnac ep on̈ a jucb'tzan 'a yic on̈ 'e'c 'a owal; a pax Jehová aljnac 'ayach, chajtlto ach 'oj on̈ e'c b'eyoc, ax a'n pax yajlil 'a quib'n̈ an̈ israel on̈ tic, xchi eb'.

A Ch'an̈ B'ab'el Libro Yic Yab'ixal Eb' Rey 1:34

Ach xo Sadoc yet' ach Natán 'ac' q'ue aceite 'a sjolm ni Salomón. Tzeyutz'j no sch'ac calnelu, yic tze ch'oxn 'eli to a ni tz'ochcn reyl 'a yib'n̈ eb' quit israelal. Tz'el eyaw tzeyaln 'ixtic: ¡Viva win rey Salomón! xe chi.

A Ch'an̈ B'ab'el Libro Yic Yab'ixal Eb' Rey 19:18

Palta tzwal ab'i' to 'ayt uque mil eb' israel chi 'aycn wu'uj, atn eb' ma'ix 'em xon cumn 'a yojltac Baal, eb' ma'ix tz'ub'n 'elt sti', xchi Dios.

A Ch'an̈ Schab'il Libro Yic Yab'ixal Eb' Rey 20:5

Meltzjan̈, 'at al 'a Ezequías syajlil in chon̈ab', to an Jehová in, e Diosal in yet' e mam 'ichm David, an tzwal 'ixtic: Tox 'ix wab' a lesal, 'ix wil yelt yal a sat oq'ui, yuj cha, 'oj wac' b'oxc a c'ojol, ax chab'ej tzach 'at 'a watut an Jehová 'in tic.

A Ch'an̈ Schab'il Libro Yic Yab'ixal Eb' Rey 9:1

A Eliseo win schecb' Dios, 'ix yawtj cot win jun win quelm 'a scal eb' schecb' Dios, 'ix yaln 'a 'ixtic: —'Ac' lista a b'a, ax a 'ati. 'Ij 'at jun aceite tic yet' yet'ul. Tzlajw cha, tzach 'at 'a chon̈b' Ramot 'a yol yic Galaad.

A Ch'an̈ Schab'il Libro Yic Yab'ixal Eb' Rey 9:12

—Ma'ay, man̈ cojcoc on̈, al 'ayn̈ on̈ tas chi xwul yala', xchi eb'. —'Ixtc ab' 'ix yutj Jehová yalni: An tzach in si'cn 'eli yic tzach 'och sreyloc chon̈b' Israel, xchi ab'i', xchi Jehú 'a eb'.

Salmos 135:4

A si'jnacn̈ 'el an̈ yin̈tl on̈c Jacob tic, sec tzon̈ 'ochc yico'oc.

Salmos 2:12

'Emn̈ec n̈ojn 'a yojltac Yunnal Dios yet' e xiwc'ojlal. Man̈ eyi' cot yowl sc'ojl 'a eyib'an̈, sec matz ex satl yu'uj, yujto yajn̈j wal cha, tzcot yowal. ¡Caw tzaljc'ojlal yic eb' to a Dios tzya'ch yipc sc'ojol!

Salmos 78:71

'Ix yi'n 'el Dios win 'a 'ilj calnelual cha, ax eb' schon̈b' chi 'ix ya'cn yila'. 'Ix 'ochcn win yilmalc eb' yin̈tl can Israel.

Ex 30:23

A 'a scal te 'awb'ente', 'ay jun tzo'n̈ te wach' sjab', molb'tzej lajchwe'oc libra stzatjil te mirra, waque'oc libra te canela yet' pax waque'oc libra te cálamo,

Jeremías 10:16

Caw wal chuc yel qui Diosalec an̈ yin̈tl on̈c Jacob tic. A qui Diosalec b'ojnac smasnil tas. A si'jnac can 'el chon̈b' Israel tic yico'oc. A Jehová tztac' yuj smasnil, 'ixtnta wal yalx sb'i.

Ez 16:13

'Ixta wal 'ix 'aj sb'o yet' q'uen oro, q'uen plata; a sera pichl tz'ib'quintac yilx 'ix ya'chi. Ax yarinail 'ixm trigo caw wach', a xwac' swa', xwa'n slec' no yal chab' yet' pax yaceiteal te olivo. Caw wal wach' yilxi, yuj cha, 'ix 'och reinail.

Os 13:2

An̈ja sniwtj eya'n 'och e mul. Tzlaj e b'onc q'uen plata e diosaloc, a tzyal tas tznachj eyu'uj, 'ixta tzeyutj e b'on junc yechl cha. Tzlajw cha, tzeyaln 'a eb' 'anma 'ixtic: 'A'c e xajmb'al 'a 'a, xe chi. Tzlaj e tz'ub'n 'elt sti jun yechl wacx cha.

A Tas Sc'ulejnac Eb' Schecab' Jesús Hechos 13:21

Ax 'a jun tiempoal cha, 'ix sc'ann eb' junc sreyl 'a Dios, sec a tzb'onyaj eb'. Yuj cha, ax Saúl 'ix yac' Dios sreyloc eb'. A Saúl cha, yunnal Quis, yin̈tl Benjamín. Chawinc ab'il 'ochnc win sreyloc eb'.

Dt 32:9

Yujto an̈ec yin̈tl on̈ Jacob, an̈ec on̈ si'cn 'och Jehová yico'oc.

1 Ts 5:26

A yic tzlaj e chanc e b'a, tzlaj eya'lac stzatzl e c'ojol, yujto yic ex xo Dios.

A Ch'an̈ Carta D'a Eb' Hebreo 2:10

B'ob'il smasnil tas yuj Dios, sec chequel to niwn yel'chi. Tznib'ej, to a smasnil eb' yunnal, 'oj tz'acwc swach'l eb' 'icha swach'il. Yuj wal cha, yowlal xyab' Jesucristo qui Colmal syail. 'Ixta x'aj stz'acw 'el'ch yuj Dios.

Apoc 5:8

Xlajw schan 'elt jun un̈ cha, ax eb' querubín schan̈wn̈il, yet' eb' 24 'ichm winac, 'ix 'em cumn eb' 'a yojltac jun tzcuch Calnelu cha. 'Ay yarpa junjn eb' 'ichm winc cha, yet' pax eb' junjn svaso nab'a oro, b'ut'n yet' jun tzo'n̈ incienso. A jun tzo'n̈ incienso cha, caw su'q'ui sjab', atn slesl eb' yic xo Dios.

A Ch'an̈ B'ab'el Libro Samuel 12:3

A ticnec waj 'a yojltac Jehová, yet' 'a yojltac jun rey si'ch qui reyloc tic. Alc b'i'an toto 'ay mach xwixtej, mto 'ay 'aj xwij 'ec' swacax, mto sb'uru, mto 'ay 'aj x'och in mul 'a 'a, mto 'ay 'aj in chajnac q'uen c'ultac tumn 'a junc mach. Toto 'ixta', tztac' in tojn can 'a ticnec, xchi Samuel cha.

A Ch'an̈ B'ab'el Libro Samuel 13:14

Al ticnec, man̈ najtloc 'oj ac' reyal. A Jehová 'oj saync junc xo mach to tzyiclj tas tzyala, a 'oj ya'ch yajlil a jeloc, yujto ma'ix a yiclj tas tzyal schecnb'il, xchi.

A Ch'an̈ B'ab'el Libro Samuel 15:1

'Ay jun 'ejm xyal Samuel 'a Saúl 'ixtic: —A Jehová in checn coti, yic xwul ach wa'nc 'och reyl 'a yol schon̈ab', atn Israel. A ticnec chaj ab' tas tzyal 'ayach.

A Ch'an̈ B'ab'el Libro Samuel 15:17

—A 'a yic yaln̈taxi may el'ch tza na'a, palta ach 'och yajlil 'a yib'n̈ eb' quit chon̈ab'. A Jehová ach 'a'n 'och reyl 'a qui chon̈b' tic.

A Ch'an̈ B'ab'el Libro Samuel 16:1

'Ix yaln Jehová 'a Samuel 'ixtic: —¿B'a'n̈to 'oj och wan oc' yuj Saúl? Man̈xtzac in nib'j to an̈ja 'aych win reyl 'a chon̈b' Israel. A ticnec 'ac' b'ut'joc no sch'ac calnelu yet' aceite. Tzlajw cha, tzach 'at 'a yatut win Isaí win 'aj Belén, yujto a 'a scal eb' yunnal, ata 'ay jun xin sic' 'elt 'oj 'ochx can reyl sjelc winac, xchi.

A Ch'an̈ B'ab'el Libro Samuel 16:13

Xlajw cha, xyi'n cot Samuel no ch'ac 'aj 'ay 'ejm aceite. Q'ueln 'och eb' 'u'tacab'il cha, xya'n q'ue Samuel aceite 'a sjolm win David cha. A 'a yic jun c'u cha, 'ix 'ochcn Yespíritu Jehová 'a win yet' spoder. Xlajw swa eb', 'ix meltzj pax can Samuel 'a Ramá.

A Ch'an̈ B'ab'el Libro Samuel 2:10

Mamin Jehová a eb' 'ajc'ojl yajch 'ayach, choc' tz'ajcn eb' o'oj. A 'a satcha'an̈, ata 'oj smac' sb'a c'u scot 'a yib'n̈ eb'. 'Oj a b'eyc'ojloc smasnil tas 'ay 'a sat lum lum tic; ax a'n sjelnal jun rey sic'b'il 'el o'oj, xchi 'ix.

A Ch'an̈ B'ab'el Libro Samuel 24:6

'ix yaln 'ixtc 'a eb' winc ajun yet' cha: —¡A cab' Jehová matz chan in b'o tas tu 'a win rey tic, yujto a 'a'jnac 'och win reyal! xchi.

A Ch'an̈ B'ab'el Libro Samuel 26:11

A cab' Jehová matz chan in mil cham win rey to sic'b'il 'el yu'uj. Palta 'ij cot slanza 'ayc' 'a sjolmtac cha, yet' a a 'ay 'a yol yet'l cha, tzlajw cha, tzon̈ 'atxi, xchi David.

A Ch'an̈ B'ab'el Libro Samuel 26:9

—Man̈ a mil chamoc, yujto tzann̈j mach tzmiln cham win rey to sic'b'il 'el yuj Jehová, tzjaw yailal 'a yib'an̈.

A Ch'an̈ B'ab'el Libro Samuel 8:19

Palta ma'ix schaj eb' chon̈b' chi yab' tas xyal win Samuel cha, 'ix ta'w eb' 'a 'ixtic: —A jun tzo'n̈ tzal tic, may yel'ch 'ayn̈ on̈. Cojnto tz'och qui reyl chi 'on̈,

A Ch'an̈ B'ab'el Libro Samuel 8:9

Yuj cha, a tas tzc'an eb' 'ayach, yiclj a b'on 'a eb'; palta yowlal tzal yab' eb' tas 'oj 'aj eb' yuj jun sreyl 'oj yac' yajlil 'a yib'n̈ cha, xchi.

A Ch'an̈ B'ab'el Libro Samuel 9:16

Yab'n wal 'ixtc q'uic'an, ax in checn cot jun win winc 'ayach. Ata 'oj cot win 'a scal eb' yic Benjamín. Tzac' q'ue aceite 'a sjolom yic tza si'n can 'och syajlilc in chon̈b' Israel. A win 'oj colnc 'el in chon̈b' tic 'a yol sc'ab' eb' filisteo, yujto tzcus in c'ojl yaln sb'a eb' 'anma tic, xchi 'a Samuel cha.

A Ch'an̈ B'ab'el Libro Samuel 9:27

Ya' sb'a wanto yel eb' 'a sti 'el chon̈b' cha, 'ix yaln Samuel 'ixtc 'a Saúl: —Al 'a win a moso tic, axn tzb'ab'l 'at o'oj, xchi. Yuj cha, 'ix b'ab'lj win moso cha. Xlajw cha, 'ix yaln pax 'ixtic: Ach xo tic, tzach 'och wan b'el, sec 'oj wal 'ayach, tas xyutj Dios yaln 'ayn o'oj, xchi Samuel cha.