A Ch'an̈ B'ab'el Libro Samuel 1:11 - Chuj San Sebastian Bible

¹¹ Xya'n can 'ix sti 'a Jehová 'ixtic: Mamin Jehová caw wal tztac' oj smasnil. Toto smoj wal eln 'och in cusc'ojlal an a checb' in tic, tzin a nan coti. Comnoc tz'el wal a c'ojl a'n junc wune winc 'unin. A jun wune cha, tzwac' pax eco'oc 'a smasnil tiempo yic tzach ya'n servil. Ma'oj joxxoc 'el xil sjolom, sec a tzch'oxn 'eli to ec yaji, xchi 'ix.

Chuj San Mateo Bible

¹¹ Ix yac'an sti' ix d'ay icha tic: Mamin Jehová, Yajal Ach d'a Smasanil, tato smoj val ilanoch in cusc'olal a in a checab' in tic, tato tzin a nacoti, comonoc tz'el val d'a a c'ol ac'an junoc vune' vinac unin. Svac'can d'ayach d'a juneln̈ej, max joxjiel-laj xil sjolom, yic scheclajeli to ic yaji, xchi ix.

A Ch'an̈ B'ab'el Libro Samuel 1:11 Iomraidhean Croise

Gn 28:20

Atn 'a jun lugar chi 'aj 'ix ya'cn Jacob sti', 'ix yaln can 'ixtic: Toto tz'och Dios wet'oc, tzin stan̈wni 'a 'aj tzin 'at tic, tzya'n tas 'oj in c'uxu', tzya'n pax in pichul,

Gn 29:32

Scuchn chan̈ 'ix Lea yune', ax yic x'alj jun swinc 'unn 'ix, xya'n eb' sb'ic Rubén, yujto xyal 'ix 'ixtic: A Jehová, a x'ilni to patcab'iln 'el yuj wichmil, ax ticnec 'oj in chamc'ojlax yu'uj, xchi 'ix.

Gn 30:22

'Ix nax cot Raquel yuj Dios, yujto xyab' slesl 'ix, yuj cha, xya'n jun yune 'ix.

Gn 8:1

Ax Noé yet' eb' yico', yet' smasnil no noc' 'aych yet' 'a yol barco cha, nann̈ej eb' yuj Dios, yuj cha, 'ix ya'n cot Dios jun niwquil 'ic' 'a yib'n̈ a a cha, sec wach' tztup 'ejm a'.

A Ch'an̈ Schab'l Libro Samuel 16:12

Lemb'il 'oj in yil cot Jehová yet' in cusc'ojlal tic, ax 'oj 'ajoc, to 'oj yac' swach'c'ojlal 'a wib'n̈ yuj tas tzalx 'ayn tic, xchi.

Salmos 25:18

'Ilt cot in cusc'ojlal yet' in yailal, tza'n niwnc'ojlal 'ayn yuj smasnil in maysch'olnilal.

Ex 4:31

A yic xyab'n eb' chon̈b' chi tas xyal eb' chawn̈ cha, 'ix ya'n 'och eb' 'anma chi 'a sc'ojol, chajtlto 'ix 'ilx cot eb' yuj Dios, yujto caw 'oltac tz'aj eb' 'a 'aj 'ayc' cha. Yuj cha, 'ix 'em n̈ojn eb', xya'n 'ejm sb'a eb' 'a Dios.

Pr 31:2

Ach wune', a Dios ach 'a'n 'ayin, yuj spac tas xin c'an 'a 'a.

Ec 5:4

A yic tzqui ta'wniec ca'n junc tas 'a Dios, man̈ qui'c 'ec' tiempo ca'ni. Yujto matz tzalj Dios yet' eb' ton̈j tzcomn ta'wni junc tas, yuj cha, ca'c 'el'choc tas tzqui ta'wjec cani.

Lv 27:2

Al yab' eb' et israelal to an tzwal jun tzo'n̈ tic: Toto 'ay junc mach tznib'n mannc 'el junc 'anma to ya'jnacx sti ya'n 'ayn an Jehová in, tztac' cab' smann 'eli, palta 'icha cab' yaln slistail tic, 'ixta tzyutj stojni.

Nm 21:2

Yuj cha, xya'n eb' israel sti 'a Jehová, toto tzcolwj yet' eb' yic tzya'n eb' owl yet' jun nacion̈ cha, ax satn can 'el eb' jun tzo'n̈ chon̈b' chi 'a jun 'ejmn̈ej.

Nm 6:11

A win ya'mal 'och sti eb' 'anma cha, a 'oj 'a'nc junc no xajmb'al-l yuj mul, ax junc xo no 'oj yac' tz'a xajmb'alil, 'ixta 'oj wutc wa'n lajwc smul cha, yujto jun x'aj yet' jun chamnc cha. A 'a yic jun c'u cha, a xil sjolm 'oj q'uib'xi, wic tz'ajx cani.

Nm 6:5

Man̈xtzac pax stac' sjoxn 'el xil sjolom, toxn̈ej tzchaj q'uib'oc, masnto tz'acw stiempoal yic tzya'n sti', yujto an Jehová in, wicn̈ej tz'aji.

Nm 6:8

A 'a yic jun tiempoal yic tzya'n sti cha, jun 'ejmn̈ej to wic tz'aj an Jehová in tic.

Jueces 11:30

Xlajw sc'och Jefté 'a jun lugar cha, xya'n sti 'ixtc 'a Jehová: Toto tzac' eb' amonita tic 'a yol in c'ab',

Jueces 13:5

A jun one 'oj 'aljoc cha, man̈ ac' joxxoc 'el xil sjolom, yujto a jun 'unn cha, to yicn̈ej Dios yaj winac yic 'oj 'aljoc. 'Oj syamch ex scoln 'el 'a yol sc'ab' eb' filisteo, xchi jun ángel cha.

A Ch'an̈ B'ab'el Libro Samuel 1:10

Ax yic xc'och 'ix ta', caw wal ji'jmtac yoc' 'ix, syamn 'och 'ix sleslwi.

A Ch'an̈ B'ab'el Libro Samuel 1:12

Caw najt hora xleslwi 'ix ya' sb'a ax win Elí wan smaclni win yil yib'x sti 'ix.

A Ch'an̈ B'ab'el Libro Samuel 1:19

Ax 'a junx c'u caw 'ix seb' q'ue wan eb', xleslwi can eb' 'a Jehová, 'ix pax eb' 'a yatut 'a Ramá. Xlajw cha, xway win Elcana chi yet' 'ix Ana cha, 'ix snan cot Jehová tas c'anb'il yuj 'ix 'a 'a.

A Ch'an̈ B'ab'el Libro Samuel 1:22

Palta ma'ix 'at 'ix Ana chi yet' eb', xyaln 'ix 'a win yichmil chi 'ixtic: —A ticnec ma'oj in 'ati, masnto 'oj 'el win 'unn tic 'a yim. 'Ixta to b'i'an, ax 'at wa'nc can win 'a yojltac Jehová, ax scan win ta 'a jun 'ejmn̈ej, xchi 'ix.

A Ch'an̈ B'ab'el Libro Samuel 1:27

Yuj ton win 'unn tic in leslwi cha, ax Jehová 'ix 'el 'a sc'ojl ya'n tas 'ix in c'an 'a 'a.

A Ch'an̈ B'ab'el Libro Samuel 1:28

Ax ticnec, to tzwul wa'cn win yico'oc Jehová, yaln̈ej jantc tiempo 'oj yil winac, xchi 'ix. Xlajw cha, x'em n̈ojnjoc win yaln sb'a 'a Jehová.

A Ch'an̈ B'ab'el Libro Samuel 2:20

Ax win Elí cha, 'ix yaln win swach' paxti 'a yib'n̈ Elcana yet' 'a yib'n̈ 'ix Ana. 'Ix yaln win 'ixtic: Ya' cab' Jehová onnal yet' 'ix estzil tic, sjelc win c'anb'il yuj 'ix, xya'n pax 'ix ya'malc servil Jehová, xchi winac. Xlajw xoj cha, xpax eb' 'a yatut. 'Ixtan̈ej xyutj win Elí chi yaln wach' paxti 'a yib'n̈ eb' 'a junjn ab'il.