A Sb'ab'el Carta San Pedro 5:5 - Chuj San Sebastian Bible

⁵ Ex quelmtac, ex cob'stac, yiclum tzeyutj e b'a 'a eb' anciano. Ax xo e masnil, 'emmquilal tzlaj eyutc pax e b'a 'ayx junjn ex. Yujto tzyal 'ixtc 'a Ch'an̈ U'un̈: A Dios, tzchac sb'a yet' eb' b'an̈quintac yeq'ui, ax 'a eb' 'emmquilal yeq'ui, tzyac' swach'c'ojlal 'a eb', xchi.

Chuj San Mateo Bible

⁵ A exxo ex quelemtac yed' ex cob'estac, tze c'anab'ajej val eb' anciano. Ichocab' ex chi' e masanil, emnaquil tzeyutej eyac'an servil e b'a junjun ex. Yujto syal d'a Slolonel Dios Tz'ib'ab'ilcan icha tic: A Dios schacanel eb' syic'chaan̈ sb'a, axo pax d'a eb' emnaquilal syutej sb'a, syac' val svach'c'olal, xchi.

A Sb'ab'el Carta San Pedro 5:5 Iomraidhean Croise

2 Cr 6:41

Cotn̈ mu'c ticnec ach Jehová qui Diosal on̈, yic tzach can cajn 'a jun lugar tic, yet' te a caxa tzch'oxn 'el a poder. Ach Jehová qui Diosal on̈, col eb' ya'mal 'och qui ti 'ayach, ax eb' eco', tzaljc'ojlal cab' yaj eb' yuj a wach'c'ojlal.

Job 22:29

A Dios 'oj 'i'nc can 'ejm eb' tzyij chan̈ sb'a, ax scolwj yet' eb' 'emmquilal yeq'ui.

Job 29:14

A tojlal yet' yiclumal, a chi wic yaji; 'icha to in pichl yajch 'a junjn c'u.

Salmos 132:16

Ax in coln pax eb' ya'mal 'och sti eb' 'anma 'ayin. A eb' yiclum tzyutj sb'a 'ayin, 'oj b'itn eb' yuj tzaljc'ojlal.

Salmos 132:9

Ax eb' ya'mal 'och qui ti 'aych on̈, sb'eylb'oc cab' eb' tojlal, an̈ xo a chon̈b' on̈ tic, 'el cab' caw yuj tzaljc'ojlal.

Salmos 138:6

Wach'xam chan̈ 'aj 'ayach, palta tzel 'emt eb' 'emmquilal yeq'ui. Ax eb' b'an̈quintac, caw najt yajl eb' 'a a stz'ey.

Pr 25:7

Yel xo wach' toto a win rey tzex 'awtn 'at yet' 'aj 'ay cha, sec matz 'el e q'uixwel eyijx 'elt 'a scal eb' niwc winc cha.

Pr 3:34

A Dios tzchac sb'a yet' eb' b'an̈quintac yeq'ui, ax 'a eb' 'emmquilal yeq'ui, tzyac' swach'c'ojlal 'a eb'.

Is 57:15

Yujto a jun mach caw niwn yel'chi, atn jun Dios To Cojxni, pitznn̈ej 'a jun 'ejmn̈ej, a tzaln 'ixtic: An tic, ata cajn in 'a jun wet'l to yel xo chan̈ yaj'ti, jun to wicn̈ej yaj in ch'ocoj. Palta 'ayn pax 'ec' yet' eb' 'emmquilal tzyutj sb'a, yet' eb' tzna sb'a sc'ojol, an tzwac' pax sniwnal sc'ojl eb'.

Is 61:10

Caw wal tzin tzalj ticnec yuj Jehová. Caw wal tzjaw in tzaljc'ojlal yuj in Diosal, yujto caw wach' xyutj ya'n in colnb'il, a tojlal, a chi 'icha to x'och in pichloc yu'uj. 'Icha tz'aj junc quelem mto junc cob's 'ix tz'och 'a nupnel, 'ixta in yutj in sb'oni.

Is 66:2

An Jehová in, an tzwala. An b'ojnac smasnil tas, 'ixta 'ajnc spitzw chan̈ smasnil. Palta an tic tz'o'ch in c'ojl 'a eb' 'anma 'emmquilal yeq'ui, eb' tzlaj yab' syal yuj smul, eb' to 'ay yel'ch in paxti 'a sat.

Ez 26:16

Yuj cha, smasnil eb' rey cajn 'a sti a mar 'oj yactc can eb' sdespacho, ax yi'n 'el eb' spotil yet' jun tzo'n̈ spichl caw wach' yajch yelwnub'al, yet' wal xiwc'ojlal eb', ax yem wocn eb' 'a sat lu'um. 'A junjn rato, ax yib'x eb' yuj xiwlal, yujto tzyil eb' tas 'oj 'aj jun chon̈b' cha.

Dn 11:12

Yujto 'oj cham jun b'uln̈ eb' soldado chi yu'uj, yuj cha, ax sb'an̈n sb'a, palta man̈ najtloc tiempo 'oj yac' yet' yopiso cha.

Lv 19:32

'Ochn̈ec wan lin̈n 'a yojltac eb' 'ichmtac winac, 'ay cab' yel'ch eb' 'a e sat. 'Ay cab' pax wel'ch 'a e sat.

Lc 22:26

Ax xo tic, man̈ eyutc e b'a 'icha eb' yajl cha. Toto 'ayx niwn eyel'ch 'a e cal, yowlal caw tzeyij 'ejm e b'a, 'icha junc mach may yel'chi. An̈jtona', toto 'ayx yajl eyaji, yowlal tzeya'ch e b'a mosoal.

Ro 12:10

Caw wach' tzlaj cutquec qui chamc'ojlan qui b'a, yujto quit creyentealec qui b'a qui masnil. Yowlal tzquijec 'ejm qui b'a 'ayn̈ junjn on̈, sec wach' 'ay quel'ch junjn on̈c 'a qui sat.

Ro 13:14

Yowlal tzqui chajec spoder Cajlil Jesucristo, 'icha tzyutj junc soldado schan syamc'ab' yic owal. Man̈x ca'c 'och qui nab'en 'a jun tzo'n̈ tas tznib'j 'och qui tu nab'enal.

Ef 5:21

Yiclum tzeyutj e b'a 'ayx junjn ex, yuj e xiwc'ojlal 'a Cristo.

A Scarta San Pablo D'a Eb' Aj Filipos 2:3

Caw matz tac' qui'nec chan̈ qui b'a, mto tzqui b'an̈nec qui b'a. Palta caw 'emmquilaln̈ej tzlaj cutquec qui b'a. Junjn 'on̈ec, yowlal tzqui na'a, to yel xo cab' niwn yel'ch eb' quit creyenteal 'a quib'n̈ junjn on̈ec.

A Scarta San Pablo D'a Eb' Aj Colosas 3:12

A Dios, caw 'ay schamc'ojlal 'ayn̈ec. On̈ si'c 'och yico'oc. Yuj cha, caw wach' cab' tzcutjec qui b'eyb'al 'a sat. Tz'o'ch qui c'ojlec 'a eb' quit 'anma'il, wach' tzcutjec qui b'a 'a eb'. 'Emmquilal tzlaj cutquec qui b'a. Tzca'nec niwnc'ojlal 'a eb' tzlaj 'och smul 'ayn̈ec.

1 Ti 5:1

Man̈ a tumc eb' 'ichmtac winac. 'Ac' snab'enoc eb' 'a 'emmquilal, 'icha tzotj aln junc tas 'a a mam. Yet' pax 'a eb' quelmtac winac, wach'n̈j tzotj aln 'a eb', 'icha tzotj aln 'a junc caw o'tac.

A Ch'an̈ Carta D'a Eb' Hebreo 13:17

Caw tzeyiclj tas tzyal eb' tzex 'a'n cuenta. Yiclum tzeyutj e b'a 'a eb'. Yujto a eb' cha, wan ex stan̈wni eb'. Yojc eb', chajtlto 'oj yac' eb' scuenta 'a Dios. Wach' tzeyutj e b'a, sec tzalj eb' yiln jun munljel cha, sec matz cus eb'. Toto tzeyac' cus eb' yuj e tenmtaquil, caw man̈ wach'c eyico'.

Santiago 4:6

Yuj cha, yel xo niwn swach'c'ojlal tzyac' 'ayn̈ec. A Ch'an̈ U'un̈ tzaln pax 'ixtic: A Dios tzchac sb'a yet' eb' b'an̈quintac yeq'ui. Palta ax 'a eb' 'emmquilal yeq'ui, tzyac' swach'c'ojlal 'a eb', xchi.

A Sb'ab'el Carta San Pedro 3:8

An̈jtona', tzwaln pax 'at junx tic 'ayex. Caw junxn̈ej tzlaj eyutc e nab'en e masnil. Toto 'ay eb' tzcusi, tzex colwj 'a eb'. Tzlaj e chamc'ojloc e b'a, yujto creyente ex. Tzlaj 'o'ch e c'ojl 'ayx junjn ex. 'Emmquil tzeyutj e b'a junjn ex.

A Sb'ab'el Carta San Pedro 4:1

Caw xyab' Cristo syal yet' sniwnal yic xchami. Yuj cha, qui na'ec, to chamnc on̈c xo pax jun xo. Yujto a eb' chamnac, man̈xtzac sb'o eb' maysch'olnil.

A Sb'ab'el Carta San Pedro 4:5

Palta yowlal 'oj yal q'uet eb' smul 'a Dios. Yujto lista xo yaj sb'eyc'ojlan smasnil 'anma', eb' pitzan yet' eb' chamnc xo.