A Sb'ab'el Carta San Pedro 5:2 - Chuj San Sebastian Bible

² 'Icha junc 'ilm calnelu, 'ixta tzeyutj e tan̈wni eb' creyente 'ay 'a yol e cuenta, yujto 'icha scalnelu Dios yaj eb' 'ayex. Man̈ yujoc cab' tzex 'ajx pural, man̈ yujoc e nib'n 'och tumin, tzex munlj 'a eyopiso cha. Palta yujn̈ej cab' to tz'el 'a e c'ojl e munlji, yujto 'ixta tznib'j Dios. Caw tzex munljn̈ej wal 'a tzaljc'ojlal.

Chuj San Mateo Bible

² Icha yaj eb' tan̈vum calnel, icha chi' tzeyutej e tan̈van eb' ay d'a yol e c'ab' eyilani, yujto icha scalnel Dios yaj eb' d'ayex. Man̈ ac'b'iloc pural tzex utaji, man̈ yujoc e nib'anoch tumin tzeyil eb'. Palta yujn̈ejocab' to icha chi' tz'el d'a e c'ool to tzeyil eb', yujto icha chi' sgana Dios d'ayex. Tzex munlaj val d'a tzalajc'olal.

A Sb'ab'el Carta San Pedro 5:2 Iomraidhean Croise

A Ch'an̈ Schab'il Libro Yic Yab'ixal Eb' Rey 12:6

Palta a yic 'oxeschawinc ab'il xo yoch Joás reyal, mant 'a xon jac tas juwnc 'a yatut Dios chi tox xb'o yuj eb' ya'mal 'och sti eb' 'anma cha.

Cantares 1:8

Ach cob's 'ix to chamc'ojlb'il wu'uj, yel wach' elx 'a scal eb' 'ix 'ix caw wach' yilxi, toto man̈ ojcoc, 'ochn̈ tza'n yuj yoc e no calnelu cha, axta tza tan̈wj wa e no a cotc chiwo 'a stz'ey spat ewin 'ilm calnelu cha.

Is 40:11

'Oj jawc 'icha junc 'ilm calnelu to xajn scalnelu yu'uj, tzme'n b'eyc'oc no cotc calnelu chi 'a sn̈i sc'ojol, ax no nun calnelu tot 'aljnac yune', caw tztan̈wx no yu'uj. 'Ixta yaj Jehová quet'ec.

Is 56:11

A eb' stan̈mal in chon̈b' tic, lajn eb' 'icha no tz'i 'ayn̈j swejel, toxn may tz'aj sb'ut'ji, 'ixta eb'. Toxn may jac tas tznachj 'el yuj eb'; cojn tas tznib'j 'och eb' 'a mun yico', a chi tzlaj sayc' eb'.

Is 6:8

Xlajw cha, xwab'n yaln Cajlil 'ixtic: ¿Mach wal junc 'oj in chec ticnec? ¿mach wal junc tz'och qui checb'oc? xchi. Yuj cha, in ta'w 'a 'a: Waj Mamin, tztac' in a checni, xin chi.

Is 63:11

Yuj cha, snan cot eb' schon̈b' Dios chi tas ujnc 'a pecti', 'a yol stiempoal Moisés win schecb' Jehová. 'Ix laj yal-lanc eb' 'a 'ixtic: ¿'Ajtil 'ay jun Dios xcoln 'el eb' quit chon̈b' 'a yol a mar yet' eb' yilmal eb' yaji? ¿'Ajtil 'ay jun Dios to caw a Yespíritu xya'ch 'a scal eb'?

Jeremías 13:17

Toto ax tic matz e chaj eyab' tas tzwala, 'oj woc' eyuj 'a c'ultaquil, yujto tzeyij chan̈ e b'a. Caw 'oj 'eltoc yal in sat eyu'uj, yujto 'oj eyijx 'at 'icha presoal, xin chi 'a eb'.

Jeremías 13:20

'Ixquec q'ueln 'a stojlal norte, 'iltec wal scot eb' 'ajc'ojl ta'. ¿'Ajtil 'ay eb' in chon̈b' wa'jnac 'och 'a yol a c'ab' yic tza tan̈wni eb'? Atn eb' 'aych a b'inab'iloc, xchi Dios, xa chi 'a eb', xchi 'ayin.

Jeremías 6:13

Smasnil eb' niwc yel'chi, yet' eb' may yel'chi, cojxn̈ej tas tzyac' ganar eb' 'a maysch'olnil, axn̈ej chi tzna eb'. An̈jtona eb' in checab', yet' eb' ya'mal 'och sti eb' 'anma 'ayin, cojxn̈ej 'elc'l tzb'o eb' smasnil.

Jeremías 8:10

Yuj wal cha, 'oj wa'cn 'och yistl eb' 'a yol sc'ab' jun tzo'n̈ocx winac, yet' pax slum eb', chucx mach 'oj 'ica'anoc. Smasnil eb' niwc yel'chi, yet' eb' may yel'chi, axn̈ej tas tzyac' ganar eb' 'a spatc maysch'olnil, a chi tzna eb'. 'Ixta pax eb' tzyalch sb'a in checb'oc, yet' eb' tz'a'n 'och e ti 'ayin, cojxn̈ej 'elc'l tzb'o eb'.

Ez 34:23

An 'oj in sic' 'elt junc yilmal eb' in chon̈b' 'a scal eb' yin̈tl David, 'oj wac' yopiso stan̈wni eb' in chon̈b' 'icha tzyac' junc 'ilm calnelu.

Ez 34:31

A eb' in chon̈b' tic, eb' 'icha 'in calnelu yaji, tan̈b'il eb' wu'uj, wach' 'aj tzwac' wa eb', yujto sDiosal in eb'. An Jehová Yajl in, an tzwala, xchi Dios.

Ez 46:24

Yuj cha, xyaln jun winc chi 'ayn 'ixtic: A eb' 'oj munljoc 'a yatut Dios, a 'a tic 'oj stz'an̈ eb' no xajmb'al 'oj yac' eb' chon̈ab', xchi.

Miqueas 3:11

A eb' juez yaj 'a yol chon̈ab', man̈ wach'c tzyutj eb' sb'onyaj junc 'anma', tzchaj eb' q'uen c'ultac tumin. An̈jtona eb' tz'a'n 'och qui ti 'a Dios, yujn̈ej schan eb' tumin, yuj cha, tzcuywj eb'. 'Ixta pax eb' tzyalch sb'a schecb'oc Dios, yujn̈ej schan eb' tumin, yuj cha, tzyaln eb' tas tz'aj 'el'ch junc mach. Tzyaln pax eb' to 'aych Dios yet' eb', yuj cha, tzyaln eb' 'ixtic: A Jehová 'aych quet'ec, yuj cha, may yailal 'oj 'ec' 'a quib'n̈ec, xchi cob' eb'.

Miqueas 5:4

A jun yajl cha, 'oj q'ue wa'an, ax ya'n Jehová qui Diosal yopiso yet' spoder 'a 'a, yic stan̈wni eb' schon̈ab' sec tzcan eb' 'a junc'ojlal, yujto a jun yajl cha, caw niwn 'oj 'aj 'el'ch 'a scal chon̈ab', masnto 'aj tzlajw c'och lum lum tic.

Miqueas 7:14

Mamin Jehová, tan̈wj eb' a chon̈b' to ec yaji. Lajn eb' 'icha no calnelu 'aycn 'a caltcte sch'ocoj, ax 'a spatquil 'el no', 'ay te c'ultc to caw wal ya'ax. 'Ij 'at eb' a chon̈b' tic 'icha wal otjnac 'a yic pecti', 'ij 'at eb' 'a 'aj wach' tz'aj eb' 'icha no cajb'en noc' 'ay 'a yol yic Basán yet' 'a yol yic Galaad.

Zacarías 11:17

Caw 'oltac wal jun yilmal in chon̈b' to may snab'en cha, yujto xyactjcan yiln schon̈ab'. Tecx cab' 'och q'uen espada 'a sc'ab' yet' 'a yol sat 'a swach'. Sicb' cab' can 'el sc'ab' cha, 'och cab' 'a sat 'a jun 'ejmn̈ej, xchi Dios.

Malaquías 1:10

Comnoc wal a junc ex tze mac spuertail watut, sec wach' man̈xtzac 'och sc'a'l jun yet'l xajmb'al to wic yaji yujto man̈x 'a yel'chi, an Jehová in, tztac' wuj smasnil, caw wal matz in tzalj eyet'oc, man̈x 'oj in cha pax eyofrenda cha.

Nm 18:7

Palta ach tic yet' eb' onnal, cojn ex tztac' eya'n 'och sti eb' 'anma 'ayin, yic tze b'on junc munljel 'a 'aj 'ay yet'l xajmb'al, mto 'a yojltac 'och te cortina. A jun munljel cha, eyic yaji, yujto an 'ix wac' jun 'opiso tic 'ayex. Toto 'ay junc comn 'anma tzcob' ya'ch sb'a 'a jun munljel tic, tojln̈ej schami, xchi Dios.

Lc 12:32

Ax tic, 'icha in calnelu, 'ixta 'ex, man̈ ex xiwoc. Jaywn̈n̈ej ex toni, palta a qui Mam Dios tzex 'i'n 'och 'a yol sc'ab', yujto 'ixta x'el 'a sc'ojol.

A Tas Sc'ulejnac Eb' Schecab' Jesús Hechos 20:29

Yujto wojtac, a yic tox 'oj wel 'a e cal, 'ay jun tzo'n̈ eb' 'oj jawc 'ayex, ax ya'lni eb' ex sjun 'eli, 'icha tzyac' no 'ocs tz'ec' satnc 'el no calnelu.

A Tas Sc'ulejnac Eb' Schecab' Jesús Hechos 21:13

Palta xyaln Pablo 'ixtc 'ayn̈ on̈: —¿Tas yuj tzex 'oq'ui? ¿Tas yuj tzeya'ch in cusc'ojlal 'ixtic? Toc 'ay yel'chi, toto tzin sjal eb'. Toxn̈ej tzin smil cham eb' 'a Jerusalén chi yuj Cajlil Jesús, 'oj wac' in b'a 'a eb', xchi 'ayn̈ on̈.

Ro 1:15

Yuj cha, lista waj in 'at 'ayex, yic tz'at wal-l wach' 'ab'x 'a e cal ax 'aj Roma ex.

1 Co 9:7

'Iltec eb' soldado. ¿Tom 'ay junc eb' mun tzsay sgasto? Yet' eb' tz'awn junc tas, yowlal tzc'ux eb' tas tz'el-l 'a smunljel, an̈jtona', 'ixta pax eb' tan̈m calnelu, 'ay yaln eb' yic yu'n yim no'.

1 Ti 3:3

Caw matz tac' yu'n eb' 'an̈. Matz tac' sma'wj pax eb'. [Matz tac' snib'n eb' yac' ganar stumn 'a spatc maysch'olnil.] Yowlal niwn tzyutj eb' sc'ojol. Matz tac' ya'n eb' owl yet' junc xo mach. Man̈ pec' tumnoc eb'.

1 Ti 3:8

Tic tzwalb't pax 'ayach, tas yowlal tzb'eylb'ej eb' diácono. Yowlal caw wach' tzyutj eb' sb'eyb'al 'a sat eb' yit 'anma'il. Man̈ chab' nab'enaloc tzyutj sb'a eb'. Caw matz tac' yu'n eb' 'an̈. Matz tac' snib'n eb' yac' ganar stumn 'a spatc maysch'olnil.

Tito 1:11

Yowlal tztenx 'och wan eb' 'a tas tzyala, yujto tzann̈j junc n̈a 'aj tzlaj 'ec' eb', tz'ec' yac' eb' somchjc 'el snab'en eb' creyente cha. C'uxn tz'ec' yac' eb' cuyxc jun tzo'n̈ maysch'olnil, sec tzyac' ganar eb' stumn 'a spatc eb'.

Tito 1:7

Yujto a eb' tz'och yilmalc eb' yit creyenteal, yowlal caw wach'n̈j tzyutj eb' sb'eyb'al, yujto yilmal smunljel Dios yaj eb'. Matz tac' axn̈ej eb' tznib'j tzyal yico'. Matz tac' 'utzn tzyutj eb' sc'ojol. Matz tac' yu'n eb' 'an̈. Matz tac' sma'wj pax eb'. An̈jtona', matz tac' snib'n eb' yac' ganar stumn 'a spatc maysch'olnil.

Tito 2:14

A xyac' cham sb'a cu'uj, sec tzon̈ scol 'a yol sc'ab' maysch'olnil. A 'ix 'i'n 'el smasnil qui mul, sec wach' an̈j 'ayn̈ yico', sec an̈j jun tzo'n̈ tas wach' tzqui b'o'.

Tito 3:1

Caw tzlaj ec sna cot eb' creyente chi ta', chajtlto yiclum tzlaj yutc sb'a eb' 'a ewin yajl smasnil. Yowlal tzyiclj eb' tas tzyal ewinac. Tzann̈j junc munljel wach', tzchajn̈ej cab' sc'ojl eb' sb'oni.

Filemón 1:14

Palta matz in nib'j tzin b'ab'l b'oj in trato yet'oc, masnto tzwab' 'ayach. Yujto tzin nib'ej tzach colwj 'ayn yet'oc, man̈toc tzach 'ajx pural.

A Ch'an̈ Carta D'a Eb' Hebreo 12:15

Caw tzlaj eyac' cuenta e b'a, sec may junc ex 'oj eyactc e chan swach'c'ojlal Dios. Tzeyac' cuenta e b'a, sec may ex lajn tzex 'aj 'icha junc te tzq'uib'i, caw c'a. Toto 'ixta tz'aj e nab'en sjuwi, til wal eb' 'oj juwc 'el eyu'uj.

A Schab'il Carta San Pedro 2:3

A eb' 'a'm 'es cha, cojxn wal tumn tznib'j 'och eb'. Yuj cha, jeln 'oj yutc eb' yaln jun tzo'n̈ 'es 'ayex, yujto tznib'j eb' tzyac' ganar stumn 'a e patquil. Palta pectix b'eyc'ojlb'ilx eb' yuj Dios. Yuj cha, yowlal 'oj satcn 'el eb' 'a jun 'ejmn̈ej. Toxn ma'oj stac' scoln 'elt sb'a eb' 'a jun yailal cha.