A Sb'ab'el Carta San Pedro 4:3 - Chuj San Sebastian Bible

³ A 'a yic yalan̈, niwn tiempo e b'ojnac jun tzo'n̈ tas 'aj 'aych snab'en eb' man̈ 'ojtnacoc Dios. Palta can cab' jun tzo'n̈ chi ticnec. Yujto a 'a jun tiempoal cha, cojxn 'ajmulal e b'ojnac, cojn maysch'olnilal e nib'jnac 'ochi. 'U'm ex 'an̈, toxn̈ej tzex laj somlji ta'. Til wal 'an̈ eyu'jnac. An̈jtona', eyaljnac e b'a 'a jun tzo'n̈ tzalx 'och diosal, a jun tzo'n̈ cha, caw man̈ smojoc.

Chuj San Mateo Bible

³ A d'a yalan̈taxo, te nivan tiempo e c'ulejnac juntzan̈ tas b'aj ayoch spensar eb' anima man̈ ojtannacoc Dios. Palta canocab' juntzan̈ chi' ticnaic. Yujto a d'a jun tiempoal chi', an̈ej ajmulal e c'ulejnac, an̈ej malaj svach'il e nib'ejnacochi. Eyuc'nac val an̈, ton̈ej ec'nac ex b'uyb'onoc. Jantac ix eyuq'uej an̈. Yajb'entac e c'ulejnac ayic eyalannac e b'a d'a juntzan̈ comon dios.

A Sb'ab'el Carta San Pedro 4:3 Iomraidhean Croise

A Ch'an̈ Schab'l Libro Samuel 13:28

A yic mantzac wa eb' cha, 'ix yaln Absalón 'ixtc 'a eb' schecab': Tzeyiln sq'ue 'an̈ 'a sjolm Amnón, ax waln 'ayex to tze mil chamoc, cojn cha, tze miln cham muc'uc. Man̈ ex xiw e milni, yujto an tzwala. Caw te'n tzeyutj e b'a, man̈ ex xiwoc, xchi Absalón cha.

A Ch'an̈ B'ab'el Libro Yic Yab'ixal Eb' Rey 21:26

Caw wal yajb'entac xyutj sb'a winac, yic 'ix ya'n 'ejm sb'a win 'a jun tzo'n̈ yechl comn dios. Lajn wal xyutj sb'a win 'icha tzyutj sb'a eb' amorreo, atn eb' 'ic'b'il 'el yuj Jehová 'a yojltac eb' israel.)

2 Cr 15:8

A yic xyab'n Asa jun tzo'n̈ paxti 'ix yal win schecb' Dios cha, 'ix 'och wal yip si'mb'il, yuj cha, 'ix yi'n 'el jun tzo'n̈ yechl comn dios yajb'entac 'ay 'a smasnil yol yic Judá, 'a yol yic Benjamín, yet' 'a jun tzo'n̈ chon̈b' yijnac 'eq'ui, jun tzo'n̈ 'ay 'a jolmctac witz 'a yol yic Efraín. 'Ix sb'on pax chan̈ jun yet'l xajmb'al 'ay 'a yojltac yatut Jehová.

Is 28:7

An̈jtona', 'ay jun tzo'n̈ xo eb' 'anma tztectn 'ec' yuj te 'an̈ cha, tzlaj sicb' 'el eb' yuj yowl te'; atn eb' ya'mal 'och sti eb' 'anma', yet' eb' tzyalch sb'a schecb'oc Dios. A yic 'u'm 'an̈ eb' cha, caw wal tzsomchj snab'en eb', yuj cha man̈xtzac tznachj 'el yuj eb' tas tzyal Dios, man̈ wach'c tzyutj eb' sb'on yaj eb' 'anma'.

Is 5:11

'Oltac wal eb' 'anma tzseb' q'ue wan 'a sq'uin̈b'ial yic tz'atx can eb' 'u'l 'an̈, ax tz'aji, tzq'uex can te 'a sjolm eb', ata tz'e'x 'ac'wl yuj eb'.

Is 65:4

Ata tzlaj 'at 'em wocn eb' 'a scal eb' xi'lb'a 'a campusan, tzlaj sc'ub'n 'el sb'a eb' 'aj c'ultac yaji, ata tz'ec' 'ac'wl yuj eb' yic tzc'umn sb'a eb' yet' eb' chamnc chi snani. Tzchin eb' schib'jal no chitam, caw tzb'ut'j yuc'b' eb' yet' yalil no chib'j cha, atn jun tzo'n̈ tas man̈ wach'c 'a sat ley.

Jeremías 16:11

Tzach ta'w 'a eb' 'ixtic: A Jehová, a tzaln jun tic: A eb' e mam eyicham, in yactj can eb', ax 'a spatc jun tzo'n̈ comn dios 'ix 'och tza'n eb', xya'n eb' 'emmquilal 'a jun tzo'n̈ cha. In yactj can eb', ma'ix syiclj eb' jun tzo'n̈ cuynb'il 'ix wac' 'a 'a.

Jeremías 16:18

'Oj wac' spac 'a eb' yuj smaysch'olnilal, yujto 'ix yixtj 'el eb' in lum tic yet' jun tzo'n̈ scomn diosal to chamnac, caw yajb'entac 'icha sniwnal chamnc 'anma'. A wal tas to matz chaj in c'ojol, a chi sb'o eb', xchi Dios.

Ez 44:6

Tzaln 'a eb' et israelal cha, to an tzwal 'ixtic: Ex israel, caw tenmtac ex, caw may e ch'olnil, colb'l xo wal e b'on tas yajb'entac 'a in sat.

Ez 45:9

An Jehová in, an tzwala: Ex yajl chon̈b' Israel, colb'l xo wal eyixtn eb' 'anma cha. B'ocyaj eb' 'anma 'a swach'il, tojl cab'n̈ej tzeyutj e b'eyc'ojlan eb'. 'Actjec eyi'n 'ec' slum eb' in chon̈ab'.

Mr 7:22

'ay eb' tz'e'lc'wi, 'ay eb' tznib'n 'och tas 'ay 'a junc xo 'anma', 'ay eb' maysch'olnil tzyutj sb'a, 'ay eb' tzyac' 'es, 'ay eb' may sq'uixwel scomn b'on junc tas. 'Ay eb' tzchichn 'och 'a junc mach yuj tas 'ay 'a 'a, 'ay eb' tzcomn b'uchwji, 'ay eb' tzb'an̈ sb'a, 'ay pax eb' maysch'olnil snab'en.

A Tas Sc'ulejnac Eb' Schecab' Jesús Hechos 17:30

A 'a yic pecti', man̈ yojcoc eb' 'anma', toto 'ay Dios. Yuj cha, niwn yutjnac sc'ojl 'a eb'. Palta ticnec, a tzalni to yowlal tzna sb'a smasnil 'anma 'a yolyib'n̈q'uinl tic.

Ro 13:13

'Icha eb' wach' tzyutj sb'a 'a c'ual, 'ixta tzcutjec qui b'a. Tojl tzcutjec qui b'eyb'al yil eb' 'anma'. Caw matz tac' cu'nec 'an̈, mto tzon̈ b'uyljiec. Matz tac' qui b'onec 'ajmulal, yet' junc xo tzann̈j maysch'olnil yet' qui niwnalec. Man̈ ca'c owl yet' junc xo mach. Matz tac' qui chichnec pax 'och 'a junc mach yuj tastc 'ay 'a 'a.

1 Co 12:2

Eyojc xoni, a yic mant ex creyenteoc, ex 'ijx 'at 'a jun tzo'n̈ xeyalch e diosaloc. Ex 'at tic, ex 'at tic e sayn 'eq'ui. Palta matz tac' spaxtin jun tzo'n̈ cha.

1 Co 6:11

'Ayn̈ec 'ixta cutjnaquec qui b'a 'a yic yalan̈. Al ticnec, 'ic'b'ilx 'el qui mul 'ayn̈ec. 'Ac'b'iln̈ec xo yico'oc Dios. A tzalni, to wach'n̈ec 'a sat ticnec. 'Ixta tzon̈ 'ajc yuj Cajlil Jesucristo ticnec, yet' pax yuj Yespíritu qui Diosalec.

2 Co 12:21

Tzin xiw in 'at 'ayx jun 'ejm xo, toq'ue a qui Diosal 'oj 'a'nc in q'uixwloc eyu'uj. Toq'ue caw 'oj woc' eyu'uj, yujto 'a yictax yalan̈, caw niwn ex tze b'o maysch'olnil. Caw matz eyactj can e b'on jun tzo'n̈ maysch'olnil yet' e niwnal, atn 'ajmulal yet' jun tzo'n̈ xo tas caw q'uixweltac.

Gl 5:19

A eb' tzb'eylb'an stu nab'enal, caw checl yaj tas tzb'o eb'. Tzb'o eb' 'ajmulal, tzb'on eb' jun tzo'n̈ maysch'olnil yet' sniwnal. An̈j wal jun tzo'n̈ tas caw q'uixweltac tzlaj sb'o eb'.

Gl 5:21

Tznib'n 'och eb' tastc 'ay 'a junc xo mach. 'U'm 'an̈ eb'. Toxn̈ej tzlaj b'uylji eb'. Tzb'on pax eb' jun tzo'n̈ xo lajn yet' jun tzo'n̈ tic. Tzwalb't 'ayx ticnec, 'icha wutjnac waln 'ayx 'a jun 'el, a eb' tzb'on jun tzo'n̈ tzwal tic, toxn may xon yaln eb' yic sc'och 'a yol sc'ab' Dios.

Ef 5:18

Man̈ ex 'och 'u'm 'an̈il, yujto a te 'an̈, tzwach' juw 'el qui nab'enec yuj te'. Yel xo wach' a Yespíritu Dios 'aych yajlilal 'ayn̈ec, man̈oc te 'an̈ cha.

1 Ts 4:5

Matz tac' tzqui nib'jec 'och maysch'olnil yet' qui niwnal, 'icha eb' man̈ 'ojtnacoc Dios.

Tito 3:3

Yujto an̈ tic 'a yic yalan̈, caw may jac qui nab'en. Man̈ on̈ yiclumoc 'a Dios. Caw satnc on̈ to ta'. Caw ca'jnac servil jun tzo'n̈ tzann̈j maysch'olnil qui nib'jnac 'ochi. Caw maysch'olnil qui b'eyb'al ta'. Caw on̈ chichn 'och 'a eb' quit 'anmal yuj tastc 'ay 'a 'a. Yajb'iln̈ 'el yuj eb'. An̈jtona', xlaj qui yaj qui b'a junjn on̈ ta'.

A Sb'ab'el Carta San Pedro 1:14

Ax xo, yunnal ex xo Dios wet'oc, yiclum ex 'a 'a. A 'a yic yalan̈, til wal tas e nib'jnac 'ochi, yujto mant eyojcoc Dios ta'. Al ticnec, caw man̈x e b'eylb'oc 'ixta'.

San Judas 1:4

Tzwalb't jun tzo'n̈ tic 'ayex, yujto 'ay eb' x'och 'a qui calc 'a c'ultaquil. Caw man̈ wach'c eb', yujto tzyal eb' 'ixtic: Colchjnacn̈ec xo yuj swach'c'ojlal Dios. Yuj cha, tzta'n̈j qui b'onec maysch'olnil 'icha tzqui nib'ej, xchi cob' eb'. An̈ec xo tic, cojxn Jesucristo tzon̈ 'a'nec mandar, cojxn Yajl yaj 'ayn̈ec. Palta ax eb' cha, caw tzpatquilj can 'el eb'. Tz'ib'b'il can yab'xil eb' 'a Ch'an̈ Un̈ 'a pecti', chajtlto yowlal 'oj 'atcn eb' 'a scal yailal.