A Sb'ab'el Carta San Pedro 4:15 - Chuj San Sebastian Bible

¹⁵ Toto 'ayn̈ec tzcab'c syail, man̈ yujoc cab' ma'j cham 'anma', man̈ yujoc cab' 'elc'al, man̈ yujoc cab' junc tas 'ay yowlal yuj eb' yajal, man̈ yujoc cab' to tz'at qui comn 'a'c 'och qui b'a 'a junc 'aj may calnec quico'.

Chuj San Mateo Bible

¹⁵ Tato ay junoc on̈ scab' syail, mocab' yujoc mac'ojcham anima, ma yujoc elc'al. Mocab' yuj junoc tas ay yovalil yuj eb' yajal, ma yuj co comon ac'anoch co b'a d'a junoc b'aj malaj calan quico'.

A Sb'ab'el Carta San Pedro 4:15 Iomraidhean Croise

Ex 22:2

Toto 'ay junc mach wan yoch 'elc'l 'a junc n̈a, ax tz'aji tzyamchji; q'uinloc tzlajwi, mto tzcham yuj yelc'mal cha, toto 'ac'wal, may mach tztac' ya'n yowlal.

Mt 5:11

Ax xo tic, q'uinloc wujn̈ej tzex b'ajxi, toto 'ay tas maysch'olnil tz'ajx 'och 'a eyib'an̈, mto wujn̈ej tz'ajx 'och jun tzo'n̈ 'es 'a eyib'an̈, toto 'ixta', caw wach' pax eyico'.

1 Ts 4:11

Caw tzeyac' eyip, sec tzex can 'a junc'ojlal. Man̈ eyactc can e b'on e munljel junjn ex. Sayc munljoc e b'a 'icha yaj caln can 'ayx on̈,

2 Ts 3:11

Tzcalb't jun tzo'n̈ tic 'ayex, yujto xcab' on̈, to 'ayx ab' caw matz yal e c'ojl tzex munlj ta'. Ton̈j tze comn 'a'j 'och e b'a 'a scal jun tzo'n̈ tas 'aj may eyaln eyico'.

1 Ti 5:13

A eb' 'ix cha, tzcuy sb'a eb' 'a 'isajil. Ton̈j tz'ec' eb' paxtinc 'a scal n̈a. Man̈ cojnoc to 'isj eb', alm peclal pax eb'. Ton̈j tzcomn 'a'j 'och sb'a eb' 'a jun tzo'n̈ 'aj may yaln yico'. Tzyaln pax eb' jun tzo'n̈ tas maysch'olnil.

2 Ti 2:9

Yujn̈ej to tzwal-l jun wach' 'ab'x tic, wan wab'n syal ticnec. Yu'uj 'aych q'uen cadena 'ayin, 'icha to caw 'ajmul in 'a sat ley. Palta ax spaxti Dios, man̈ 'ayc 'och cadena 'a 'icha waj tic.

A Sb'ab'el Carta San Pedro 3:14

Palta toto tzcab'c syal yuj qui wach' b'eyb'al, caw wach' quiquec. Yuj cha, man̈ ex xiw 'a junc mach. Man̈ eyac' somchjc 'el e nab'en.

A Sb'ab'el Carta San Pedro 3:17

Yel xo wach' tzcab'c syal yuj qui wach' b'eyb'al, toto 'ixta tz'el 'a sc'ojl Dios. Ax toto yuj qui tu b'eyb'al, tzcab'n syail, caw nab'an̈ej.