A Sb'ab'el Carta San Pedro 3:3 - Chuj San Sebastian Bible

³ 'Ay cab' e wach'il, palta man̈oc chajtl eyilx tzwala. Man̈ eya'ch e nab'en 'a chajtl tzeyutj e ch'umn e jolom. Man̈ eya'ch e nab'en 'a jun tzo'n̈ q'uen oro tzeya'chi, yet' 'a jun tzo'n̈ pichl chan̈ stojol, man̈oc yet' jun tzo'n̈ chi tze say wach'il.

Chuj San Mateo Bible

³ Ayocab' e vach'il, man̈oclaj chajtil yilji e nivanil svala'. Man̈ eyac'och e pensar d'a chajtil tzeyutej e ch'uman xil e jolom. Man̈ eyac'och e pensar d'a juntzan̈ q'uen oro yed' juntzan̈ pichul caro stojol tzeyac'ochi. Man̈oc yed' juntzan̈ chi' tze b'o e b'a.

A Sb'ab'el Carta San Pedro 3:3 Iomraidhean Croise

Gn 24:22

Ax yic xlajw yu'n e no cameyo chi a', 'ix yi'n q'uet win jun q'uen oro, 'icha yumchiquin, 'ix ya'n 'och win q'uen 'a sn̈i 'ix, 'aym nan̈loc swacl gramos yal-l q'ue'en. 'Ix ya'n pax win chab' q'uen brazalete nab'a oro 'a 'ix, jab'xoj man̈toc chan̈e onza yal-l eb' q'ue'en.

Gn 24:47

Yuj cha, xin c'anb'n 'a 'unix: ¿Mach 'aych yisil? xin chi. 'Ix yaln 'unx 'ayin: Yiquin ni Betuel, ni yunnal Nacor yet' 'ix Milca, xchi 'unix. Yuj cha, 'ix wa'n 'och jun q'uen 'icha yumchicn tic 'a sn̈i 'unix, 'ix wa'n pax 'och junjn q'uen brazalete 'a junjn sc'ab' 'unix.

Gn 24:53

Yajn̈ej xyi'n q'uet win smasnil siylab' to nab'a oro, yet' plata, yet' pichul, 'ix ya'n 'a 'ix Rebeca cha, yet' 'a win snul'j 'ix cha, yet' pax 'a 'ix snun 'ix.

A Ch'an̈ Schab'il Libro Yic Yab'ixal Eb' Rey 9:30

Xlajw cha, 'ix 'at Jehú 'a Jezreel. A yic 'ix yab'n 'ix Jezabel tas 'ix uji, 'ix sb'on̈n 'ix yol sat, caw wach' xyutj 'ix squichn sjolom, sec wach' yilx 'ix. Xlajw cha, 'ix 'elt t'an̈n 'ix 'a jun wentnu.

Ester 5:1

Ax yic xlajw 'oxe c'u cha, sb'on sb'a Ester yet' spichul, xya'n 'och spichl yic sreinail. Xlajw cha, xc'och 'ix 'a yamq'uil yatut win rey 'a stojlal 'elt spuertail yet'l win 'aj wocn 'elt 'a sdespacho.

Salmos 45:9

'Ay eb' 'ix yisl ewin rey 'ayc' 'a 'aj tz'och eyamnil. A 'a stojlal a wach' c'ab' 'a a despacho, ata 'ayc' 'ix reina. A q'uen oro yel xo wal caw wach' a 'aych 'a 'ix.

Ex 3:22

Junjn eb' 'ix 'ix israel, 'oj sc'an eb' 'ix tas 'ay 'a eb' 'ix 'aj Egipto cajn 'a stz'ey. Toxn̈ej tzann̈j 'ixl 'ayc' 'a e cal, 'oj yac' eb' plata mto oro, mto pichul, sec a 'oj eya'ch yet' eb' eyunnal yic 'oj eyelta. 'Ixta 'oj eyutc eyi'n 'ec' tas 'ay 'a eb' 'aj Egipto cha, xchi Dios.

Ex 32:2

'Ix ta'w Aarón 'a eb' 'ixtic: —A ticnec, molb'tzejc q'uen yumchicn to oro 'aych 'a schicn eb' 'ix eyistzil, 'a eb' eyunnal mto 'a eb' 'ix eyisil. Tzlajw cha, tzeyi'n cot q'uen 'ayin, xchi 'a eb'.

Ex 33:4

A yic 'ix yab'n eb' chon̈b' jun tzo'n̈ paxti cha, caw wal 'ix cus chan̈ eb' smasnil, man̈x 'a eb' xya'ch syumchiquin yet' ston̈.

Ex 35:22

Xlaj jaw eb' winac yet' eb' 'ix 'ix yet' yofrenda chi 'a Moisés, caw wal tzalj eb'. 'Ix laj yi' cot eb' q'uen yelwnub'l pichul, q'uen colc'ab', q'uen yumchiquin, q'uen ton̈ yet' smasnil q'uen q'uen to nab'a oro 'aych 'a 'a, atn chi 'ix yac' eb' 'a Jehová.

Ex 38:8

A q'uen nen nab'a bronce tzc'anlb'ej eb' 'ix 'ix 'aych yac' servil 'a yol sti Mantiado 'a 'aj tzchaj sb'a Jehová yet' eb' 'anma', a yet' q'uen xyac' Bezaleel b'o jun niwquil palagan yet' sb'achnub'al yalan̈.

Is 52:1

Ex 'aj Sión mto Jerusalén, pitzc 'el 'a e sat, te'wtzejc e b'a, 'a'c eyip, yujto schon̈b' ex Dios. Ch'oxc 'el e jelnal 'ac'b'il 'ayx yu'uj, sec man̈x 'a b'a'n̈ 'oj 'oxtoc eb' chuc chon̈b'al 'a e cal, yic tzex yi'n can 'ejm eb'.

Is 61:10

Caw wal tzin tzalj ticnec yuj Jehová. Caw wal tzjaw in tzaljc'ojlal yuj in Diosal, yujto caw wach' xyutj ya'n in colnb'il, a tojlal, a chi 'icha to x'och in pichloc yu'uj. 'Icha tz'aj junc quelem mto junc cob's 'ix tz'och 'a nupnel, 'ixta in yutj in sb'oni.

Jeremías 2:32

¿Tom tzsat sc'ojl eb' 'ix cob'stac ya'n 'och ston̈, mto spichul yic tz'och eb' 'ix 'a nupnel? Ax xo wal ax in chon̈b' ex tic, pectix in 'atcn satc'ojlal eyu'uj.

Jeremías 4:30

A Jerusalén, tox 'ix 'ixtx 'eli. Lajn tzyutj sb'a 'icha junc 'ix 'ix to nab'axoj tzb'o sb'a yet' te pichl nab'a púrpura. Tzya'n 'och 'ix q'uen oro caw wach' yilx 'a 'a, caw q'uic' tzyutj 'ix ya'n 'och yan̈l yol sat. Wach'xam caw wach' yilx tzyutj ton 'ix sb'on sb'a, palta man̈x 'a jac yel'chi, yujto a ewin winc chamc'ojlb'il cob' yuj 'ix, tox xyajx can 'el 'ix yuj ewinac. A tas tzna ewinac, to tzsay ewin tas 'oj yutc smiln cham 'ix. 'Ixta wal yaj Jerusalén yet' jun tzo'n̈ xo nacion̈.

Ez 23:40

'Ix ya'n 'at eb' schecb' 'a eb' winc 'ay 'a najat, sec tzjaw ewin 'a eb' 'ix. A yic xjaw ewinac, 'ix 'achn eb' 'ix, xya'n 'och eb' 'ix yan̈l yol sat, xya'n 'och eb' 'ix jun tzo'n̈ q'uen wach' yilx 'a 'a, sec tzchamc'ojlax eb' 'ix yuj ewinac.

Ro 12:2

Caw man̈x lajnoc tzcutjec qui b'eyb'al yet' eb' yic yolyib'n̈q'uinl tic. Yowlal tzqui chajec jelxc qui nab'en, sec 'oj wach' b'o qui b'eyb'alec 'a jun 'ejmn̈ej. Toto 'ixta tzcutjec qui b'a, 'oj wach' nachjc 'el cujec, tas tznib'j Dios 'ayn̈ec, atn tas wach', caw tzalj Dios yu'uj, may jac spaltail 'a 'a.

A Sb'ab'el Carta San Pedro 3:2

Yujto 'oj yil eb', caw tojl tzeyutj e b'eyb'al, caw 'ay yel'ch Dios 'a e sat.