A Sb'ab'el Carta San Pedro 3:14 - Chuj San Sebastian Bible

¹⁴ Palta toto tzcab'c syal yuj qui wach' b'eyb'al, caw wach' quiquec. Yuj cha, man̈ ex xiw 'a junc mach. Man̈ eyac' somchjc 'el e nab'en.

Chuj San Mateo Bible

¹⁴ Palta tato yujn̈ej co vach' b'eyb'al scab' syail, te vach' quico'. Yujto tz'ib'yajcani: Man̈ eyec xiv e b'a e naan yuj tas ijan tzex yutej eb'. Man̈ e cha somchajel e pensar, xchicani.

A Sb'ab'el Carta San Pedro 3:14 Iomraidhean Croise

Pr 3:25

Ma'oj a xiwi, toq'ue tza na'a to 'ay junc tas 'ay smay 'oj jawc 'a eb'n̈ 'icha tz'aj sjaw 'a yib'n̈ eb' maysch'olnil sb'eyb'al.

Is 51:12

Yuj cha, yaln Jehová eyuj 'ixtic: An ton tic, an tzwac' sniwnal e c'ojol. ¿Mach to wal junc 'aj 'oj e xiwi? ¿Tom 'oj e xiw yuj eb' 'anma to yic chaml yaji, yujto lajn eb' 'icha te 'unn c'ultac?

Jeremías 1:8

Man̈ ach xiw 'a eb' 'aj tzach in chec cha. An tic, 'aynn̈ej 'och et'oc yic tzach in colni, xchi 'ayin.

Jeremías 15:15

Xwaln 'ixtc 'a Dios: Mamin Jehová, ach tic ojc smasnil, nan coti, cotan̈, colwjan̈ wet'oc, pactzej 'a eb' 'ajc'ojl yajch 'ayin. Man̈ niwnoc cab' tzotj a c'ojl 'a eb', yic an xo tzin ac' milxoc chamoc. 'Iltnab'an, o'oj tzin b'uchx yuj eb'.

Ez 3:9

Man̈ ach xiw yuj eb', yujto a jun tzo'n̈ 'anma cha, yel xo wal pit eb'. 'Oj wac' tzatzb'oc a nab'en 'a yojltac eb', 'icha stzatzl q'uen sacn̈ulch q'ue'en, a q'uen cha, yel xo wal tzatz q'uen 'a yib'n̈ jun tzo'n̈ xo q'uen q'ue'en, xchi 'ayin.

Mt 10:28

Man̈ ex xiw 'a eb' tztac' smiln e niwnal tic, yujto a e pixan matz tac' smiln eb'. Palta a 'a Dios tzex xiwi, yujto a tztac' satn 'el e pixn yet' e niwnal, tz'at 'a infierno yu'uj.

Mt 10:39

A eb' ton̈j tznib'j colchjoc sb'a 'a yolyib'n̈q'uinl tic, 'oj satl sq'uinl eb' 'a jun 'ejmn̈ej. Palta ax eb' 'oj yac' cham sb'a wu'uj, atn eb' 'oj scha sq'uinl 'a jun 'ejmn̈ej.

Mt 16:25

Yujto a eb' ton̈j tznib'j colchjoc sb'a 'a yolyib'n̈q'uinl tic, 'oj satl sq'uinl eb' 'a jun 'ejmn̈ej. Palta ax eb' 'oj yac' cham sb'a wu'uj, atn eb' chi 'oj scha sq'uinl 'a jun 'ejmn̈ej.

Mt 19:29

Tzann̈j mach tzyactj can yatut wu'uj, mto yu'tac, yanab', mto smam snun, mto yunnal, mto slum tzyactj can wu'uj, a jun cha, caw niwn spac 'oj scha'. Ax schan pax sq'uinl 'a jun 'ejmn̈ej.

Mr 10:29

—Wal yel tzwal 'ayex, tzann̈j mach tzyactj can yatut wu'uj, mto yu'tac, yanab', smam snun, yunnal, mto slum tzyactj can wu'uj, yuj jun wach' 'ab'x yic colnb'il,

Mr 8:35

Yujto 'a eb' ton̈j tznib'j colchjoc sb'a yolyib'n̈q'uinl tic, 'oj satl sq'uinl eb' 'a jun 'ejmn̈ej. Palta ax eb' 'oj yac' cham sb'a wu'uj, yet' pax yuj jun wach' 'ab'x yic colnb'il tic, atn eb' chi 'oj scha sq'uinl 'a jun 'ejmn̈ej.

Jn 14:1

'Ix yaln Jesús 'a eb' scuywum 'ixtic: —Man̈ eyac' somchjc 'el e nab'en. 'A'c 'och e c'ojl 'a Dios, tzeya'n pax 'och e c'ojl 'ayin.

Jn 14:27

A ticnec, tzwa'cn junc'ojlal 'a e pixan. Atn wal in junc'ojlal tic tzwa'cn 'ayex. Man̈ 'icha'oc jac junc'ojlal tz'ilchj 'a yolyib'n̈q'uinl tic, man̈ 'ixta'oc wic tic tzwa'cn 'ayex. Man̈ eyac' somchjoc 'el e nab'en, man̈ ex xiwoc.

A Tas Sc'ulejnac Eb' Schecab' Jesús Hechos 9:16

An 'oj in ch'ox 'a 'a, to yowlal 'oj yab' syal wu'uj, xchi Cajlil.

2 Co 12:10

Yuj cha, tzin tzalj ticnec, yujto may wel'chi. Wach'xam tzin b'uchxi, mto caw 'ay tas 'ay tz'och wu'uj. Toxn̈ej tz'ajx 'och yailal 'a wib'an̈, wach' cab' tzwab' syal yuj Cristo, palta caw tzin tzaljn̈ej. Yujto a yic may jac wel'chi, at wal ta caw tz'ajx in poder.

A Scarta San Pablo D'a Eb' Aj Filipos 1:29

Yuj swach'c'ojlal Cristo sch'ox 'ayn̈ec, man̈ cojnoc on̈ec 'ay caln quic ca'nec 'och qui c'ojl 'a 'a, palta 'ay calnec pax quic cab'n syal yu'uj.

Santiago 1:12

Toto tzca'c techjoc, yic tzon̈ 'ajxec prowal, caw wach' quiquec. Yujto a yic tox xlajw cajxec prowal, 'oj qui chac spac, atn qui q'uinlec 'a jun 'ejmn̈ej. Ya'jnac can Dios sti', chajtlto 'oj yac' jun tic 'a jantcn̈ej eb' 'ay schamc'ojlal 'a 'a.

Santiago 5:11

Cojtac, a eb' ya'jnac techjoc, caw tzaljc'ojlal yaj eb' ticnec. 'Ay 'aj xeyab' yab'xil win Job. Caw te'n yutjnac sb'a yab'n syailal. Eyojtac, chajtl yutjnac pax Cajlil win 'a slajub'. Yujto a Cajlilec, caw tz'o'ch sc'ojl 'ayn̈ec. Caw tz'och pitz'n cusc'ojlal 'a cujec.

A Sb'ab'el Carta San Pedro 3:6

'Ixta yutjnac sb'a 'ix Sara. Caw yiclum yutjnac sb'a 'ix 'a Abraham. 'In yaljnac 'ix 'ixtic: Wajlil ach, xchi 'ix 'a winac. Yuj cha, toto wach' tzeyutj e b'a jun xo, may junc tas 'aj tzex xiw jab'oc. Toto 'ixta', lajn e nab'en yet' Sara cha.