A Sb'ab'el Carta San Pedro 2:24 - Chuj San Sebastian Bible

²⁴ A Cristo 'ix cuchn can qui mulc yet' sniwnal, yic x'och 'a spenc te culus, sec wach' man̈x 'a yaln maysch'olnil yic 'ayn̈ec, 'icha to chamnc on̈c 'a 'a. 'Ixta on̈ yutjec, sec caw wach'n̈j tzcutjec qui b'eyb'al. Caw xyab' syal cujec, sec tzon̈ colchjec can 'el yu'uj.

Chuj San Mateo Bible

²⁴ A Cristo ix ic'ancanb'at co chucal yed' snivanil ayic ix cham d'a te' culus, yuj chi' man̈xalaj yalan yic chucal d'ayon̈, ichato chamnac on̈xo el d'ay. Icha chi' ix on̈ yutej, yic vach'n̈ej scutej co b'a. Ix yab' val syail cuuj, yic vach' tzon̈ colchajcaneli.

A Sb'ab'el Carta San Pedro 2:24 Iomraidhean Croise

Gn 22:6

Xlajw cha, xya'n q'ue Abraham te c'atztz 'a squelb' win Isaac cha, 'ix yi'n 'at scuchlub' yet' sc'ac', 'ix 'at eb' schawn̈il.

Salmos 147:3

A tz'a'n sniwnal sc'ojl eb' to 'icha lajwnac spixn tzyab'i, a tz'an̈tn slajwelal eb' cha.

Salmos 38:4

A in maysch'olnilal cha, a quiln q'ue 'a wib'an̈, 'icha wal junc niwquil 'ictz matz techj yal-l wu'uj.

Ex 28:38

'Ixta wal 'oj yutc Aarón yi'n b'ey jun chi 'a snan̈l sat, yujto a yic tzya'n eb' israel yofrenda 'ayin, wach'xam 'ay spaltail eb', palta yuj jun placa cha, tzin chan yofrenda eb' cha.

Pr 20:30

A mach maysch'olnil sb'eyb'al, a yailal a tz'a'n jawc snab'en. Yuj tas tzyab' syal cha, tzyactn sb'on tas tu'.

Is 53:11

A yic tox xlajw 'ec' jun tzo'n̈ yailal chi 'a yib'an̈, ax stzalj pax yiln 'och spac jun syailal cha, to man̈ nab'an̈ejoc. Til wal eb' 'oj 'ojcan el jun schecb' Dios cha, 'oj 'ochcn eb' wach'l yu'uj, yujto a 'oj 'i'nc 'el smul eb' 'a yib'an̈.

Lv 16:22

A yic tzsatcn 'at no chiwo chi 'a lum cusltac lum cha, tzyi'n can 'at no smul eb' israel chi 'a 'aj man̈x 'a 'anma'.

Lv 22:9

Al 'a eb' to tzyiclj eb' in checnb'il tic, yic wach' matz 'och smul eb', sec matz cham eb' yuj may yel'ch in checnb'il 'a sat eb'. Yujto an Jehová in, an in si'jnac 'och eb' wico'oc.

Malaquías 4:2

Palta ax xo pax to 'ay wel'ch 'a e sat, 'icha wal sq'uel c'u 'a sq'uin̈b'ial, 'ixta 'oj wutj in ch'oxn in colwal 'ayex. Yuj cha, 'oj e tzalj jun 'ejm xo. Caw 'oj e b'atj chan̈ yuj tzaljc'ojlal, 'icha tzyac' junc no quelm wacx tzat 'elt 'a yet'l 'aj macan.

Nm 18:22

Ax pax smasnil jun tzo'n̈ xo eb' eyit israelal, may yaln eb' yic sjaw 'a in Mantiado, toto ma'ay, 'oj 'och smul eb', ax scham eb' ta'.

Mt 27:26

Yic xyab'n win jun cha, 'ix ya'n 'elt win win Barrabás 'a libre. Xlajw cha, ax Jesús 'ix ya'n win ma'xoc, 'ix ya'n 'och win 'a yol sc'ab' eb' tz'a'n 'och 'a spenc culus.

Mt 5:20

Yuj cha, tzwal 'ayex, yowlal tojl tzeyutj e b'eyb'al 'a yib'n̈ sb'eyb'al eb' cuywjum 'a ley yic Moisés yet' eb' fariseo. Toto ma'ay, ma'oj eyoch 'a yol sc'ab' jun 'aj satchan̈ chi jun xo.

Mt 8:17

'Ixta sb'o Jesús, sec tz'el'ch tas yaljnac can Isaías, atn jun schecb' Dios 'a pecti', yic yaln can 'ixtic: 'In to a qui yailal, a 'ix 'ajx 'och 'a yib'an̈, a 'ix yab' syal qui jeloc, xchi.

Mr 15:15

Ax win Pilato cha, tznib'j win tzalj eb' 'anma chi yet'oc, yuj cha, xya'n 'elt win win Barrabás cha. Xlajw cha, 'ix ya'n win ma'xoc Jesús. 'Ixta to b'i'an, 'ix ya'n 'och win 'a yol sc'ab' eb' tz'a'n 'och 'a spenc culus.

Lc 4:18

A Yespíritu Cajlil, a 'ix ya'ch 'ayin, yujto sic'b'iln 'el yu'uj. Checb'iln cot yu'uj, yic tzwul walnc 'el wach' 'ab'x 'a eb' meb'a'. Tzwul waln 'el yab'xil colnb'il 'a eb' 'icha preso yaji. Tzwul in jacn pax sat eb' matz uj yilni; ax eb' 'aych junc tas 'a yib'an̈, tzwul wi'cn 'elt eb' 'a libre.

Jn 1:29

Ax 'a junx c'u, 'ix yiln sb'a Juan to wan sc'och Jesús 'a 'a, yuj cha, xyaln 'ixtic: —'Iltec, a jun wan sjaw tic, 'icha yopiso junc quelm calnelu, 'ixta yopiso yuj Dios, yujto a tzwul 'i'nc 'el qui mulc qui masnil 'a yolyib'n̈q'uinl tic.

Jn 19:1

Ax win Pilato cha, 'ix yi'n 'elt win Jesús, xya'n win ma'xoc.

A Tas Sc'ulejnac Eb' Schecab' Jesús Hechos 10:35

Tzann̈j mach 'ay xiwc'ojlal 'a Dios, wach'xam man̈ israeloc, caw tzalj yet'oc, toto wach' sb'eyb'al.

A Tas Sc'ulejnac Eb' Schecab' Jesús Hechos 10:39

An̈ tic on̈, tzcac' testigoal qui b'a yuj jun tzo'n̈ tastc 'ix sb'o cha. Jantcn̈ej tas x'ec' sb'o 'a yol yic Judea yet' 'a chon̈b' Jerusalén, caw xquil on̈. Xlajw xoj cha, st'un̈n q'ue eb' wit israelal 'a spenc culus. 'Ixta xyutj eb' smilni.

A Tas Sc'ulejnac Eb' Schecab' Jesús Hechos 13:29

C'uxn 'ix sb'o eb' 'icha yaj stz'ib'x can 'a Chan̈ U'un̈. Xlajw cha, xyi'n 'emt eb' sniwnal 'a spenc te culus. 'Ix 'at ya'nc 'och eb' 'a yol jun q'ue'en.

A Tas Sc'ulejnac Eb' Schecab' Jesús Hechos 5:30

Ax tic, xeyac' milxoc cham Jesús, yic xeya'n t'un̈x q'ue 'a jun te culus. Palta a Dios, atn 'aj yaljnac sb'a eb' qui mam quichmec, a x'a'n pitzwc pax 'a scal eb' chamnac.

Ro 6:11

An̈jtona', 'ixta 'on̈c cab'i', nachj cab' 'el cujec to chamnc on̈c xo, man̈x 'a yaln maysch'olnil yic 'ayn̈ec. Qui nac paxi, to pitzn on̈ec, yic tzca'nec servil Dios, yujto junxn̈ej cajc yet' Cristo Jesús, [atn Cajlil.]

Ro 6:13

Matz tac' ca'nec 'och qui niwnal tic 'a yol sc'ab' maysch'olnil tzqui b'onec jun tzo'n̈ tu'al. Yowlal an̈j 'a yol sc'ab' Dios tzca'c 'och qui b'a, yujto chamnc on̈c xo 'a sat, on̈ pitzwec paxi. Yuj cha, caw ca'c 'och qui niwnal tic 'a yol sc'ab' Dios, sec wach' cojxn jun tzo'n̈ tas wach' tzqui b'oc yet'oc.

Ro 6:16

Cojquec, toto 'ay junc mach tzya'ch sb'a smoosoc junc winac, to man̈x yico'oc sb'a, toto 'ixta', an̈j win 'ay yic 'a jun 'ejmn̈ej. Yowlal tzyiclj tas tzyal winac. An̈jtona', 'ixta on̈c paxi. Toto tzca'c 'och qui b'a ya'malc servil maysch'olnil, tzqui yiclni tas tznib'ej, to 'ixta', an̈j 'ayn̈ec yico'. Ax qui chamc yuj 'a jun 'ejmn̈ej. Palta toto tzca'c servil Dios, tzqui yiclniec tas tznib'ej, to 'ixta', an̈j 'ayn̈ec yico'. Ax swach' tojlb'i qui nab'enec yu'uj.

Ro 6:2

Ma'ay, caw wal matz tac'a. A 'a sat Dios chamnc on̈c xo, man̈x 'a yaln maysch'olnil yic 'ayn̈ec. Yuj cha, ¿tom an̈ja tzat stac' qui b'eylb'anec maysch'olnil?

Ro 6:22

Ax ticnec, colchjnacn̈ec can 'elt 'a yol sc'ab' jun tzo'n̈ maysch'olnil cha. Man̈x 'a yaln yic 'ayn̈ec. On̈ 'ochc ya'malc servil Dios. Yuj cha, caw 'ay qui ganar ticnec, yujto a tz'a'n ca'c 'och qui nab'en 'a 'a. Ax qui chanec pax qui q'uinl 'a jun 'ejmn̈ej.

Ro 6:7

Yujto a mach chamnc xo, man̈x 'ayc 'ec' 'a yol sc'ab' maysch'olnil.

Ro 7:6

A 'a yic yaln̈ cha, a jun ley chi 'ay yaln yic 'ayn̈ec. Al ticnec, chamnc on̈c 'elt 'a yol sc'ab' jun ley chi 'a sat Dios. Yuj cha, mun quiquec qui b'a ticnec, sec cojxn Dios tzca'c servil. Yuj cha, wan qui b'eylb'anec jun 'ac' b'eyb'al ya'jnac Yespíritu Dios 'ayn̈ec. Ax jun 'ichm ley tz'ib'b'il can cha, man̈x 'a yaln yic 'ayn̈ec ticnec.

1 Co 15:3

A jun tzo'n̈ cuynb'il in chajnac, atn in b'ab'l aljnac 'ayex. To a Cristo 'ix cham yuj qui mulec, 'icha yaj stz'ib'x can 'a Ch'an̈ U'un̈.

2 Co 6:17

Yuj cha, yaljnac can pax Cajlil 'ixtic: 'Eln̈ec 'a scal eb', 'ijec 'el e b'a, man̈ eyam junc tas maysch'olnil. Toto 'ixta', 'oj ex in cha wico'oc.

Gl 3:13

'Ay cot ton yowl sc'ojl Dios 'a quib'n̈ec yuj jun ley cha, palta a Cristo on̈ colnec 'el 'a yol sc'ab' yowl sc'ojl cha. Yujto schajnac 'och yowl sc'ojl Dios 'a yib'n̈ qui jeloc. Yujto tzyal 'ixtc 'a Ch'an̈ U'un̈: A junc 'anma tzq'uet'un̈n 'a spenc te', 'ay ton cot yowl sc'ojl Dios 'a yib'an̈, xchi.

Ef 5:9

Toto yel sacq'uinl xo yaj qui pixnec, caw wach' tzcutjec qui b'a, tojln̈ej tzcutjec qui nab'en. Cojn wal junc tas caw yel tzlaj calec.

A Scarta San Pablo D'a Eb' Aj Filipos 1:11

'Oj wach' 'och wal Jesucristo eyet'oc, sec wach' tojln̈ej 'oj eyutc e b'eyb'al. Toto 'ixta', eyu'uj 'oj checljoc 'eli, chajtlto caw niwn swach'l Dios, ax yalx wach' paxti 'a 'a.

A Scarta San Pablo D'a Eb' Aj Colosas 2:14

'Ay jun 'icha b'oc 'aych 'a quib'n̈ec 'a yic yalan̈, yujto ma'ix qui yicljec jun tzo'n̈ ley. Palta a Dios 'ix sucn sat jun 'icha qui b'occ cha. 'Ix yij 'el 'a quib'n̈ec. 'Icha to xlawxax 'och 'a spenc te culus.

A Scarta San Pablo D'a Eb' Aj Colosas 2:20

A ticnec, chamnc on̈c yet' Cristo 'a sat Dios, man̈x 'a yel'ch jun tzo'n̈ comn cuynb'il yic yolyib'n̈q'uinl tic 'ayn̈ec. Yuj cha, ¿tas yuj an̈j 'ijnoc e b'eylb'an sb'eyb'al eb' yic yolyib'n̈q'uinl tic? ¿Tas yuj an̈ja tzeya'ch e nab'en 'a jun tzo'n̈ comn checnb'il yic eb' 'anma'?

A Scarta San Pablo D'a Eb' Aj Colosas 3:3

yujto chamnc on̈c xo yet' Cristo 'a sat Dios. Ax qui q'uinlec, molb'il yet' 'a 'aj junn̈j yaj yet' Dios.

A Ch'an̈ Carta D'a Eb' Hebreo 10:10

Yujto a Jesucristo, caw a sniwnal ya'jnac xajmb'al-l 'a jun 'ejmn̈ej, 'icha 'elnc 'a sc'ojl Dios. Yuj cha, yuj wal jun xajmb'al cha, tz'ijx 'el qui mul 'ayn̈ec.

A Ch'an̈ Carta D'a Eb' Hebreo 10:5

Yuj cha, a yic swulc' Cristo 'a yolyib'n̈q'uinl tic, yaln 'ixtc 'a Dios: Matz a nib'j jun tzo'n̈ no xajmb'al tz'ajx 'ayach. Palta a jun in niwnal xac' 'ayin.

A Ch'an̈ Carta D'a Eb' Hebreo 12:13

Caw tze say jun tojl b'eyb'al 'aj tzex b'eyi. Toto 'ixta', ax xo 'icha to coxo eyoc, 'oj wach' b'o e nab'en, ma'oj e wach' juwi.

A Ch'an̈ Carta D'a Eb' Hebreo 7:26

Yuj cha, atn jun sat ya'mal 'och qui tic 'a Dios, caw 'ay yopiso 'ayn̈ec. Caw wach'n̈ej. May jac maysch'olnilal 'aych 'a 'a. May pax jac smul. Caw man̈ lajnoc sb'eyb'al 'icha eb' 'ajmul. Yel xo niwn yel'ch 'a yib'n̈ jantcn̈ej tas 'ay 'a satcha'an̈.

A Ch'an̈ Carta D'a Eb' Hebreo 9:28

An̈jtona Cristo, jun 'ejm wal milxnac xajmb'alil, sec wach' caw niwn on̈ec tz'el qui mul yu'uj. A yic 'oj jawc 'a scha'ejmal, man̈x yujoc yi'n 'el qui mulec ax sjawi. Palta yuj on̈ scoln an̈ec wan qui tan̈wni sjapxi.

Santiago 5:16

Yuj cha, tzlaj eyal-lac e paltail 'ayx junjn ex. Tzex laj leslwi pax eyuj junjn ex, sec wach' 'oj laj b'oxc e c'ojol. A eb' tojl xon sb'eyb'al, a yic tzleslwi eb' 'a Dios, caw 'ay yel'ch slesl eb' cha. Til wal tas tztac' yuj eb'.

1 Jn 2:29

Cojquec xoni to a Jesucristo, caw tojl snab'en. Yuj cha, tznachj pax 'el cujec, toto tojl tzcutjec pax qui nab'en yet'oc, to 'ixta', yunnaln̈ec xo Dios.

1 Jn 3:7

Ex chamc'ojlb'il wu'uj, caw man̈ e cha 'ixtxoc paxti e b'a. Toto tojl tzcutjec qui b'eyb'al, caw tojl on̈c 'icha Cristo, yujto caw tojl sb'eyb'al.

Apoc 22:2

A 'a snan̈l jun scayeal jun chon̈b' chi tz'at a'. Ax 'a junjn stitc a', ata 'ay te te tz'a'n qui q'uinlec 'a jun 'ejmn̈ej. A te te cha, lajchw 'ejm tzsatn 'a junjn ab'il. Junjn 'uj tzsatni. Ax xil te', a tz'a'n b'oxc sc'ojl eb' 'anma 'a junjn nacion̈.