A Sb'ab'el Carta San Pedro 2:19 - Chuj San Sebastian Bible

¹⁹ Toto yujn̈ej 'aych qui nab'en 'a Dios, tzcomn 'ajx 'och yailal 'a quib'n̈ec, toto tzca'c techjoc, caw tzalj Dios quet'ec.

Chuj San Mateo Bible

¹⁹ Tato yujn̈ej to ayoch co pensar d'a Dios, scomon ac'jioch yaelal d'a quib'an̈, tato scac' pax techajoc, stzalaj Dios qued'oc.

A Sb'ab'el Carta San Pedro 2:19 Iomraidhean Croise

Job 21:27

Wojtac tas wan e nan 'a in patic, 'ay jun tzo'n̈ tu nab'enal wan e nani.

Salmos 119:86

Coln 'el 'a yol sc'ab' eb', yujto ton̈j tzchichn 'och eb' 'ayn 'a nab'an̈ej. Ax pax a checnb'il, yeln̈j pax eb' smasnil.

Salmos 35:19

A eb' 'ajc'ojl yajch 'ayin, man̈ cab' comn tzaljc eb', man̈ tz'eynoc cab' tzin yutj eb' in yilni. May in mul 'a eb', palta tzcomn chichn 'och eb' 'ayin.

Salmos 38:19

A eb' 'ajc'ojl yajch 'ayin, pitzn eb', 'ay pax yip eb'. Caw tzniwtj pax sb'isl eb' matz in nib'n 'ilnoc, wach'xam may in mul 'a eb'.

Salmos 69:4

'Ec'b'al sb'isl eb' tzcomn chichn 'och 'ayn 'icha sb'isl xil in jolom; caw xjelnb'i eb' 'ajc'ojl yajch 'ayin. Wach'xam may in mul, palta tznib'j eb' tzin smil chamoc, tznib'j eb' tzc'an meltzjoc tas 'ayn 'a nab'an̈ej, palta may tas wel'jnac.

Lc 6:32

Toto an̈j eb' 'ay schamc'ojlal 'ayx tze chamc'ojlej, ¿tom yel wach' jun chi tze b'o'o? An̈jtona eb' man̈ 'ojtnacoc Dios, 'in 'ixta tzyutj pax sb'a eb'.

Jn 15:21

C'uxn 'oj laj ya'ch eb' jun tzo'n̈ tic 'a eyib'n̈ wu'uj, yujto man̈ yojcoc eb' jun checjnacn coti.

A Tas Sc'ulejnac Eb' Schecab' Jesús Hechos 11:23

Ax yic xc'och Bernabé, 'ix yilni, to til wal swach'c'ojlal Dios 'ix ch'ox 'a eb'. Yuj cha, caw 'ix tzalj yuj eb', 'ix ya'n snab'enoc eb' smasnil. 'Ix yaln 'a eb' chajtlto caw te'n tzyutj sb'a eb', caw tzya'ch eb' snab'en 'a Cajlilec 'a smasnil tiempo.

Ro 13:5

Yuj cha, yowlal tzqui yicljec tas tzyal eb' yajal. Man̈ yujocn̈ej to tzon̈ xiwc ya'n 'och eb' qui yailal, tzqui yiclniec. Palta tzqui yicljec, yujto cojquec, 'ixta tznib'j Dios.

1 Co 15:10

Ax ticnec, yujn̈ej swach'c'ojlal Dios, 'ixtc waj ticnec. Palta man̈ nab'an̈ejoc 'ix sch'ox swach'c'ojlal tic 'ayin, yujto 'ec'b'al in munlj 'a yib'n̈ eb' witb'eym chi smasnil. Palta man̈oc in tzin munlj in ch'ocoj. A Dios tzmunlj wet' yuj swach'c'ojlal.

2 Co 1:12

Caw tzon̈ tzalj on̈, yujto cojc yet' qui pixn on̈, caw tojl tzcutj qui b'eyb'al 'a smasnil 'anma 'on̈, yet' pax 'ayex. May spaltail qui b'eyb'al on̈, yujto tzyac' Dios spoder 'ayn̈ yuj swach'c'ojlal on̈. Man̈ yujoc qui jelnal on̈, wach' qui b'eyb'al on̈.

2 Co 8:1

A ticnec, ex wu'tac, ex wanab', tzqui nib'j tzcalb't 'ayx on̈, chajtl 'ix 'aj scheclj 'el swach'c'ojlal Dios 'a eb' creyente 'a junjn iglesia 'a yol yic Macedonia tic.

2 Ti 1:12

Yujn̈ej wal cha, tzwab'n syal jun tzo'n̈ tas tzlaj jaw 'a wib'n̈ tic. Palta matz in q'uixwi, yujto caw wojtac, mach 'aych yipc in c'ojol. Wojtac a tas tzwac' 'ab'enal 'a Dios, a 'ay spoder smolb'tzani, masnto 'oj jawc sc'ul sjaw Cristo.

A Ch'an̈ Carta D'a Eb' Hebreo 10:2

Q'uinloc tzwach' b'o snab'en eb' yuj jun ley cha. Toto 'ixta', 'ochnc wan ya'n eb' jun tzo'n̈ xajmb'al cha. Q'uinloc yel tzsacb'tzax eb' yuj smul, yic ya'n eb' xajmb'al cha. Toto 'ixta', man̈xtoc sna cot eb', chajtlto 'ay smul eb'.

A Sb'ab'el Carta San Pedro 2:20

Q'uinloc tz'ajx 'och junc yailal 'a quib'n̈ yuj junc maysch'olnil tzqui b'o'o. ¿Tom yujn̈ej tzca'c techjoc jun yailal cha, smoj tzon̈ alx wach'il? Caw ma'ay. Palta q'uinloc ton̈j tzcomn 'ajx 'och qui yailal yuj junc tas wach' tzqui b'o'o. Toto tzca'c techjoc jun yailal cha, atn jun chi caw wach' 'a sat Dios.

A Sb'ab'el Carta San Pedro 4:15

Toto 'ayn̈ec tzcab'c syail, man̈ yujoc cab' ma'j cham 'anma', man̈ yujoc cab' 'elc'al, man̈ yujoc cab' junc tas 'ay yowlal yuj eb' yajal, man̈ yujoc cab' to tz'at qui comn 'a'c 'och qui b'a 'a junc 'aj may calnec quico'.