A Sb'ab'el Carta San Pedro 2:12 - Chuj San Sebastian Bible

¹² Caw wach'n̈j tzcutjec qui b'eyb'al yil eb' mant 'ojtnacoc Dios. A ticnec, tzyal eb' to maysch'olnil tzcutjec qui b'a. Palta toto tzyil eb' qui wach' b'eyb'alec, 'oj yal eb' wach' paxti 'a Dios yic 'oj jawoc.

Chuj San Mateo Bible

¹² Vach'n̈ejocab' tzeyutej e b'eyb'al yil eb' manto ojtannacoc Dios. Yuj chi', vach'chom syal eb' ticnaic to te chuc ex. Palta tato syil eb' to vach' e b'eyb'al, ol yal vach' lolonel eb' d'a Dios ayic ol javoc sc'ual sch'olb'itan tas caj co masanil.

A Sb'ab'el Carta San Pedro 2:12 Iomraidhean Croise

Salmos 37:14

A eb' tzb'on maysch'olnil, tzyij q'uet eb' yespada 'a yol yet'ul, tzb'on eb' sjul-lab', sec tz'ejm eb' meb'a yuj eb' yet' eb' 'emmquilal yeq'ui. 'Ixta tz'aj scham eb' wach' sb'eyb'al chi snan eb'.

Salmos 50:23

A eb' tz'a'n yuj diosal 'ayin, 'ay wel'ch 'a sat eb'. A eb' tzb'eylb'an in b'eyb'al, 'oj in colcn 'el eb', xchi Dios.

Is 10:3

¿Tas 'oj eyutc e b'a yic 'oj jawc eyailal? A yic 'oj eyiln scot jun yailal chi 'a najat, ¿mach 'aj 'oj eyal e b'a? ¿'Aj pax til 'oj eyactc can smasnil tas 'ay 'ayex?

Dn 6:4

Ax jun tzo'n̈ xo eb' yit gobernadoral cha, 'ix sayc' wal eb' tas tz'aj yemt 'a yopiso. Palta a Daniel cha, caw wal yiclum, wach' snab'en, pitz'n 'och sc'ojl 'a yopiso. Yuj cha, may jac smul x'ilch yuj eb' tz'a'n 'och 'a yib'n̈ cha, yic tzya'n queja eb'.

Mt 10:25

Toto lajn tz'aj 'el'ch junc cuywum yet' scuymal, smoj ton tzalji. 'Ixta pax junc moso yet' spatron̈. An tic, 'icha 'ajn̈a in, ax xo tic, 'icha 'unnab'il ex. 'Ay eb' tzalni to Beelzebú in, yajl waj 'a eb' demonio yaln eb'. Ocxom wal 'ayx ax tic, yel xo wal tu 'oj yal eb' 'ayex.

Mt 5:11

Ax xo tic, q'uinloc wujn̈ej tzex b'ajxi, toto 'ay tas maysch'olnil tz'ajx 'och 'a eyib'an̈, mto wujn̈ej tz'ajx 'och jun tzo'n̈ 'es 'a eyib'an̈, toto 'ixta', caw wach' pax eyico'.

Mt 5:16

'Icha junc cantil cha, 'ixta 'ex cab'i', tze ch'oxl e sacq'uinlal 'a eb' 'anma'. Tzyal 'el'chi, atn e wach' b'eyb'al tze ch'ox yil eb', sec 'oj yal eb' wach' paxti 'a qui Mam 'ayc' 'a satcha'an̈.

Mt 9:8

A yic xyiln eb' 'anma jun cha, caw 'ix xiw eb'. 'Ix laj yalnc eb' wach' paxti 'a Dios, yujto caw niwn spoder 'ix yac' 'a jun mach 'a scal eb' cha.

Lc 1:68

Calc wach' paxti 'a Cajlil, atn 'a qui Diosalec an̈ israel on̈c tic, yujto xjaw 'ayn̈ an̈ schon̈b' on̈c tic, yic tzon̈ scolnec 'eli.

Lc 19:44

C'uxn 'oj smac' 'ejm lan̈chjoc eb' jun chon̈b' tic 'a sat lu'um. Ax smilx cham eb' 'anma yuj eb'. A q'uen q'uen tusb'il 'och 'a jun tzo'n̈ n̈a 'a jun chon̈b' tic, toxn man̈x 'a junc 'oj can 'a yib'n̈ yit q'uenal cha. 'Ixta 'oj 'ajcni, yujto a 'a jun tiempoal tic, 'ix snib'j Dios tzch'ox swach'c'ojlal 'ayex, palta matz nachj 'el eyu'uj, xchi Jesús.

Lc 6:22

Wuj an 'Ochnc in 'Anmal tic, 'oj chichnc 'och eb' 'anma 'ayex, 'oj ex spech 'elt eb' 'a scal, 'oj ex sb'uch pax eb'. Caw maysch'olnil 'oj yal eb' 'a e patc wu'uj. Palta 'a yic 'ixta 'oj ex yutc eb', caw wach' eyico'.

Jn 13:31

Xlajw xoj yi'n 'el sb'a win Judas cha, 'ix yaln pax Jesús 'ixtic: —A ticnec, 'oj checljoc 'eli to caw niwn wel'ch an 'Ochnc in 'Anmal tic. Ax in ch'oxn pax 'eli, chajtlto caw niwn yel'ch Dios.

A Tas Sc'ulejnac Eb' Schecab' Jesús Hechos 15:14

'Ix yal Simón Pedro 'ayn̈ec, chajtlto a Dios, wanto sch'oxn swach'l 'a eb' man̈ israeloc. Wanto si'n 'el eb', sec tz'och eb' yico'oc.

A Tas Sc'ulejnac Eb' Schecab' Jesús Hechos 24:13

A ewin tzin 'a'n queja tic, may jac tas tzch'ox ewinac, toto yel jun tzo'n̈ tas tzya'ch ewin 'a wib'n̈ tic.

A Tas Sc'ulejnac Eb' Schecab' Jesús Hechos 25:7

Yic xc'och Pablo 'a yojltac winac, ax ewin yit israelal xcot 'a Jerusalén, 'ix c'och oynjoc ewin 'a 'a. Man̈ jantcoc tas 'ix cob' ya'ch ewin 'a yib'an̈, palta may xon wal jac tzch'ox ewinac, toto yel tzyal ewinac.

A Tas Sc'ulejnac Eb' Schecab' Jesús Hechos 28:22

Palta tzqui nib'j tzcab' an̈ tic on̈, tas wan a nani. Yujto xcab' speclal on̈, chajtlto 'a junjn lugar, tzlaj yal eb' maysch'olnil 'a spatc jun e cuynb'il tot pitzwnac tic, xchi eb' 'a Pablo.

Ro 12:17

Toto 'ay mach maysch'olnil tzyutj sb'a 'ayn̈ec, caw wal matz tac' qui pacnec qui b'a 'a 'a. Caw wach' tzcutjec qui b'eyb'al 'a sat eb' 'anma smasnil.

Ro 13:13

'Icha eb' wach' tzyutj sb'a 'a c'ual, 'ixta tzcutjec qui b'a. Tojl tzcutjec qui b'eyb'al yil eb' 'anma'. Caw matz tac' cu'nec 'an̈, mto tzon̈ b'uyljiec. Matz tac' qui b'onec 'ajmulal, yet' junc xo tzann̈j maysch'olnil yet' qui niwnalec. Man̈ ca'c owl yet' junc xo mach. Matz tac' qui chichnec pax 'och 'a junc mach yuj tastc 'ay 'a 'a.

Ro 14:18

Toto 'ixta tzcutjec ca'n servil Cristo, 'oj tzaljoc Dios quet'ec. Ax yiln pax eb' quit 'anma'il, to wach' qui b'eyb'alec.

Ro 15:9

An̈jtona', yuj pax eb' man̈ israeloc swulc' Cristo, sec wach' tzyal eb' wach' paxti 'a Dios, yujto 'ix 'o'ch sc'ojl 'a eb'. Yujto tzyal 'ixtc 'a Ch'an̈ U'un̈: Yuj cha, tzwaln wach' paxti 'aych 'a scal eb' 'anma 'a junjn nacion̈, tzin b'itnan pax wal a b'i, xchi.

1 Co 14:25

'Ixta to b'i'an, ax scheclj 'el tas 'ay 'a spixan. Yuj cha, 'oj 'em cuman, ax yaln sb'a 'a Dios. Ax yaln 'ixtic: Yel toni, caw 'aych Dios eyet'oc, 'oj schioc.

2 Co 1:12

Caw tzon̈ tzalj on̈, yujto cojc yet' qui pixn on̈, caw tojl tzcutj qui b'eyb'al 'a smasnil 'anma 'on̈, yet' pax 'ayex. May spaltail qui b'eyb'al on̈, yujto tzyac' Dios spoder 'ayn̈ yuj swach'c'ojlal on̈. Man̈ yujoc qui jelnal on̈, wach' qui b'eyb'al on̈.

2 Co 13:7

Tzon̈ leslwi 'a Dios eyuj on̈, sec matz e b'o junc maysch'olnil. Man̈ ton̈joc tzon̈ leslwi eyuj on̈, sec tzcheclj 'eli, to wach' qui munljel on̈. Wach' cab' tzcheclj 'eli, to man̈ wach'c qui munljel on̈, palta an̈ja tzqui nib'j on̈, to wach' tzeyutj e b'eyb'al.

2 Co 8:21

Yuj cha, caw wach' tzcutj qui b'on jun tzo'n̈ tic on̈. Man̈ocn̈ej 'a sat Cajlilec wach' tzcutj qui b'a on̈. An̈jtona wach' tzcutj qui b'a 'a sat eb' quit 'anma'il.

Ef 2:3

'Ixta cutjnaquec qui b'a qui masnil 'a yic yalan̈. Qui b'ojnaquec 'icha tzqui nib'ej. Cojn 'a jun tzo'n̈ maysch'olnil tznib'j 'och qui niwnalec tic, ata ca'jnaquec 'och qui nab'en. Yujto mun a qui nab'enec 'a'jnacn̈ec mandar. Yuj cha, smoj tz'ajx jun niwn yailal 'a quib'n̈ec, 'icha 'oj 'aj sjaw 'a yib'n̈ jun tzo'n̈ xo 'anma'.

Ef 4:22

Ax jun eyichm b'eyb'al, yowlal tze wach' 'actj can 'a jun 'ejmn̈ej. Yujto a jun eyichm b'eyb'al cha, ton̈j tzwach' juw yuj jun tzo'n̈ tas tze nib'j 'ochi.

A Scarta San Pablo D'a Eb' Aj Filipos 1:27

Palta wach'xam 'oj in c'ochx 'ayex, wach'xam ma'ay, caw wach'n̈j tzeyutj e b'eyb'al 'icha tzyal jun wach' 'ab'x yic Cristo. Toto 'ixta', 'oj wab' eyab'xil, chajtlto an̈ja te'n ex, to an̈ja junn̈j yaj e nab'en ta'. 'Oj wab' paxi, to junn̈j tzeyutj eya'n 'och e c'ojl 'a jun wach' 'ab'x yic colnb'il, caw te'n tzeyutj e b'a 'a 'a.

A Scarta San Pablo D'a Eb' Aj Filipos 4:8

Ax ticnec ex wu'tac, ex wanab', caw ca'c 'och qui nab'en 'a jantcn̈ej tas yel, 'a jun tzo'n̈ smoj 'ay yel'ch 'a qui satec, 'a jantcn̈ej tas tojol, 'a jun tzo'n̈ may spaltail, 'a jantcn̈ej tas wach', 'a jun tzo'n̈ niwn yel'chi. An̈jtona', yet' 'a jantcn̈ej tas wach' 'a sat Dios, yet' 'a jun tzo'n̈ 'aj smoj yalx wach' paxti', ata tzca'c pax 'och qui nab'en.

1 Ts 4:12

sec wach' 'ay eyel'ch 'a sat eb' comn 'anma'. Toto 'ixta tzeyutj e munlji, colb'il tzyab' e gasto.

1 Ti 2:2

Yowlal tzon̈ leslwi yuj eb' niwc yajal, yet' pax yuj eb' yajl smasnil, sec junc'ojlal tzon̈ 'aj yet' eb', may owl cab' 'a qui cal yet' eb'. Toto 'ixta', 'oj stac' qui b'on 'icha tznib'j Dios. 'Oj stac' qui wach' tojlb'tzan qui b'eyb'al.

1 Ti 4:12

Caw wach' tzotj a b'a, sec may eb' 'oj alnc o'oj, to 'unnach to. Yel xo wach' tza ch'ox jun wach' b'eyb'al 'a eb' creyente smasnil. Wach' tzotj a paxtin 'a eb'. Wach' tzotj a b'a yil eb'. Caw wach' tzotj a chamc'ojlan eb' ta'. Wach' tzotj a nab'en yil eb'. An̈j 'a Cajlil tza'ch a c'ojol. Tojln̈ej tzotj a nab'en yil eb'. 'Ixtc tzotj a ch'oxn jun wach' b'eyb'al 'a eb' ta'.

1 Ti 5:10

Cojn eb' checl yaj 'a sat eb' yit creyenteal, eb' wach' sb'eyb'al. Cojn eb' wach' tzyutj sq'uib'tzan yune', eb' 'ela tzyutj sb'a 'a eb' tzlaj 'ec' 'a 'a. Cojn eb' tz'a'n servil eb' yit creyenteal 'a 'emmquilal, eb' tz'o'ch sc'ojl 'a eb' 'aych 'a syailal, eb' wach'n̈j tzyutj sb'a 'a smasnil tiempo. Cojn eb' tic tztac' yoch scuentaoc iglesia.

A Ch'an̈ Carta D'a Eb' Hebreo 13:18

Leslwan̈c cuj on̈, yujto tzqui na'a, to wach' tzcutj qui nab'en on̈. Tzqui nib'j on̈, caw wach' tzcutj qui b'eyb'al 'a smasnil tiempo on̈.

A Ch'an̈ Carta D'a Eb' Hebreo 13:5

Man̈ cojxnoc 'a tumn 'aj tzca'c 'och qui nab'en qui sayni. Tzalj coyc cab'n̈ej yet' tas 'ay 'ayn̈ junjn on̈ec, yujto yaljnac Dios 'ixtic: Ma'oj ex wactc cani, may b'a'n̈ 'oj e can e ch'ocoj, xchi.

Santiago 3:13

Toto 'ayx caw jeln ex, toto tznachj 'el junc tas eyu'uj, yowlal caw wach' tzeyutj e b'eyb'al. 'Ixta 'oj eyutc e ch'oxn 'eli, to 'emmquil tzeyutj e b'on smasnil tas yuj e jelnal 'a sat Dios.

A Sb'ab'el Carta San Pedro 2:15

Tznib'j Dios, caw wach' tzcutjec qui b'eyb'al, sec wach' a eb' may snab'en, man̈x 'oj stac' yaln eb' jun tzo'n̈ tas may yel'ch 'a qui patquec.

A Sb'ab'el Carta San Pedro 3:16

'Ay eb' tzon̈ b'uchn yuj qui wach' b'eyb'al, yujto 'aych qui nab'enec 'a Cristo. Palta caw ca'c cuenta qui b'a yet' qui nab'en, sec wach' a yic tzon̈ sb'uchnec eb', mun 'oj q'uixwc 'el eb'.

A Sb'ab'el Carta San Pedro 4:11

Toto 'ayn̈ec tztac' caln 'eli, a cab' spaxti Dios tzcalc 'eli. Toto 'ayn̈ec pax tzon̈ 'a'w servil, caw yelc'ojlal tzon̈ munljec, yujto a Dios tz'a'n quip. Wach' tzcutjec qui b'on smasnil tas, sec 'oj alxoc wach' paxti 'a Dios yuj Jesucristo. Alx cab'i' to caw niwn yel'chi, niwn spoder 'a smasnil tiempo. 'Ixta cab' tz'aji.

A Schab'il Carta San Pedro 3:11

'Ixta 'oj 'aj slajw 'el smasnil tas. Yuj cha, yowlal caw tojln̈ej tzcutjec qui b'eyb'al. Cojxn wal 'a Dios tzca'c 'och qui nab'en.

Rt 3:14

Xlajw cha, 'ix way 'ix Rut 'a yoctc win Booz 'a jun 'ac'wl cha. Caw wal 'ayt sacb'i 'ix q'ue wan 'ix, yujto 'ix yal winac, to may cab' mach tz'ilni, toto xit'c 'ix wayc 'a 'aj tzmunlj win cha.