A Sb'ab'el Carta San Pedro 1:8 - Chuj San Sebastian Bible

⁸ Ax xo, wach'xam man̈x 'ic eyil Jesucristo, palta 'ay e chamc'ojlal 'a 'a. Matz eyila, palta tzeya'ch e c'ojl 'a 'a. Caw tzex tzalji. A wal e tzaljc'ojlal cha, caw niwn yel'chi, man̈ jantcoc swach'il.

Chuj San Mateo Bible

⁸ A ex tic, vach'chom malaj b'aj ix eyil Jesucristo, palta tze xajanej val. Vach'chom man̈ vanoc eyilan ticnaic, palta ayoch yipoc e c'ool. Tzex tzalaj val. A val e tzalajc'olal chi', maxtzac yal-laj yalchaji jantac. Man̈xo jantacoc svach'il.

A Sb'ab'el Carta San Pedro 1:8 Iomraidhean Croise

Cantares 1:7

Ach quelm to chamc'ojlb'il wu'uj, al 'ayin ¿'ajtil tzach 'ilw calnelu? ¿'ajtil tzej 'at e no 'iljoc 'a chimc'ual? ¿Tas yuj ton̈j tzin satc 'icha junc 'ix 'ix ton̈j tzb'eyc' 'a stz'ey eb' et 'ilm calnelual? xchi 'ix.

Cantares 5:16

A yic tzpaxtin na, caw wach' tas tzyal na, man̈x jantcoc snib'jub'tacl na, caw wal 'ay smon ni yet' smasnil tas tzyal cha. 'Ixtnta wal yilx ni quelm chi ex cob'stac 'aj Jerusalén, xchi 'ix.

Cantares 5:9

Ach cob'x yel xo wach' yilx 'a scal eb' 'ix 'ix wach' yilxi, ¿tas wal swach'l win quelm chi 'ayach? ¿tom yel xo wach' winac, yuj cha, an̈ tzac' cac' qui ti oj on̈? xchi eb' 'ix.

Mt 10:37

A mach yel xo niwn tzchamc'ojlej smam snun 'a wib'an̈, man̈ smojc eb' yoch wico'oc. An̈jtona', a mach yel xo wal niwn tzchamc'ojlej yunnal 'a wib'an̈, man̈ smojc yoch eb' wico'oc.

Jn 14:15

Toto tzin e chamc'ojlej, yicljec jun tzo'n̈ in checnb'il.

Jn 14:21

A eb' 'aych snab'en 'a jun tzo'n̈ in checnb'il, tzyiclni paxi, atn eb' chi 'ay schamc'ojlal 'ayin. A eb' 'ay schamc'ojlal 'ayin, ax in Mam 'oj chamc'ojlanc eb'. An̈jtona 'in, 'oj in chamc'ojloc pax eb'. Ax in ch'oxn in b'a 'a eb' 'a 'esal, schi Jesús 'a eb'.

Jn 14:24

Ax eb' matz in chamc'ojlani, matz yiclj xon eb' tas tzwala. A jun tzo'n̈ paxti tzwal 'ayx tic, man̈ wico'oc, yic qui Mam Dios, atn jun checjnacn coti.

Jn 16:22

'Icha junc 'ix cha, 'ixta 'oj eyaji. 'Oj e cus ton ticnec. Palta at yic 'oj in eyilnc pax jun 'ejm xo, caw 'oj e tzalj paxi. Ax jun e tzaljc'ojlal cha, may mach 'oj stac' yi'n 'ec' 'ayex.

Jn 20:29

—Tomás, xa'ch a c'ojl 'ayin, yujto in ela. Ax eb' matz in 'ilni, palta toto tzya'ch eb' sc'ojl 'ayin, yel xo wach' yic eb', xchi Jesús.

Jn 8:42

—Octom yel a Dios chi e mam. Toto 'ixta', 'ay e chamc'ojlal 'ayin, yujto a 'a Dios chi cotnc in, in jaw 'a tic. Man̈ munoc tzin jawi, yujto a Dios checjnacn coti.

A Tas Sc'ulejnac Eb' Schecab' Jesús Hechos 16:34

Xlajw xoj cha, xyi'n 'och win eb' 'a yol yatut. 'Ix ya'n wa win eb'. Caw 'ix tzalj win yet' eb' jun yaj yet' cha, yujto xya'ch eb' sc'ojl 'a Dios.

Ro 14:17

A ticnec, 'ayn̈ecx 'och 'a yol sc'ab' Dios, yuj cha, man̈x smojc tzca'c 'och qui nab'en 'a jun tzo'n̈ tas tzqui c'uxec, mto tas tzcu'jec. Palta smoj tojl tzcutjec qui nab'en, junc'ojlal tzcutjec qui b'a. Tzqui chanec pax jun tzaljc'ojlal tzyac' Yespíritu Dios 'ayn̈ec.

Ro 15:13

A Dios, a yipc'ojlal yaj cujec. Tzin nib'ej a tzwach' 'a'n e tzaljc'ojlal, yet' e junc'ojlal, yujto tzeya'ch e c'ojl 'a 'a. Toto 'ixta', a 'oj e wach' 'a'c 'och yipc e c'ojol, yujto a Yespíritu tz'a'n spoder 'ayex.

1 Co 16:22

Toto 'ay junc mach matz chamc'ojlan Cajlil Jesucristo, 'ay cab' yowl sc'ojl Dios 'a yib'an̈. Ach Cajlil on̈, comnoc tzach jaw muc'uc.

2 Co 1:22

A 'a'jnacx 'och jun seyo 'ayn̈ec, atn Yespíritu ya'jnac 'a qui pixn junjn on̈ec. A Yespíritu tic tzch'oxn 'ayn̈ec, to caw yel 'oj qui chac jantcn̈ej jun tzo'n̈ tas 'aj ya'jnac sti 'ayn̈ec.

2 Co 12:4

to 'ijxnac 'at 'a jun lugar paraíso sb'i. Ata yab'jnac jun tzo'n̈ paxti may mach 'ojtnac, caw matz chax xon yal junc 'anma'.

2 Co 4:18

Man̈ ca'c 'och qui nab'en 'a jun tzo'n̈ tas tzquilc yet' qui sat, yujto a jun tzo'n̈ tzquilc tic, ton̈j 'e'lb'a yeq'ui. A 'a jun tzo'n̈ tas matz quilec, ata tzca'c 'och qui nab'en, yujto a jun tzo'n̈ matz quilc cha, 'ayc'n̈ej 'a jun 'ejmn̈ej.

2 Co 5:7

A yic tzon̈ 'e'c 'a yolyib'n̈q'uinl tic, cojxn Dios tzca'c 'och 'a qui c'ojol. Man̈oc 'a jun tzo'n̈ tas tzquilc yet' qui sat 'aj tzca'c 'och qui c'ojol.

2 Co 9:15

Calc yuj diosal 'a Dios, yujto a jun siyjnac cot 'ayn̈ec, man̈x 'a yalnb'il jantc swach'il.

Gl 5:22

Palta ax Yespíritu Dios, a tz'a'n qui chamc'ojlalec, qui tzaljc'ojlalec, yet' qui junc'ojlalec. Tzya'n pax ca'c techjoc tzann̈j tas tzjaw 'a quib'n̈ec. Yuj Yespíritu, tz'o'ch qui c'ojlec 'a eb' quit 'anma'il, wach' tzcutjec qui nab'en 'a eb'. Yu'uj, yiclum on̈ec,

Gl 5:6

Toto junxn̈ej tzon̈ 'aj yet' Cristo Jesús, man̈x 'a yel'chi, toto 'ac'b'iln̈ec circuncidar, mto ma'ay. Cojxn wal jun tic 'ay yel'chi, to caw tzca'c 'och qui c'ojl si'mb'il 'a Cristo. Toto 'ixta', 'oj qui ch'oxc 'el qui chamc'ojlal.

Ef 3:19

Wach'xam may b'a'n̈ 'oj nachjc 'el cujec, jantc schamc'ojlal cha, palta tzin nib'j tzeyojquej 'eli. An̈jtona', tzin nib'ej tzwach' 'och Dios 'a e pixn si'mb'il.

Ef 6:24

Jantcn̈ej eb' tzchamc'ojlan Cajlil Jesucristo 'a smasnil tiempo, 'ay cab' swach'c'ojlal Dios 'a eb'. [Ya' cab'i'.]

A Scarta San Pablo D'a Eb' Aj Filipos 1:25

Yuj cha, wojc si'mb'il, to 'oj in can jacx eyet'oc. 'Oj in colwj jacx 'ayex, sec 'oj e wach' te'nb'i, ax swach' jaw e tzaljc'ojlal, yujto 'aych e c'ojl 'a Cristo.

A Scarta San Pablo D'a Eb' Aj Filipos 3:3

Palta an̈ec xo, a 'a sat Dios 'ac'b'iln̈ec xo circuncidar 'a yel, yujto tzcalc qui b'a 'a Dios 'a 'esal. An̈j 'a Cristo Jesús 'aj tzon̈ tzaljec. Ax jun tas tzb'o 'a qui niwnalec, matz ca'c 'och xon jac yipc qui c'ojol.

A Scarta San Pablo D'a Eb' Aj Filipos 4:4

Tzalj coyc 'a Cajlil 'a smasnil tiempo. Tzwaln pax jun 'ejm xo, caw tzalj coyec.

A Ch'an̈ Carta D'a Eb' Hebreo 11:1

A yic tzca'nec 'och Dios 'a qui c'ojol, tzyal 'el'chi, to caw tzca'c 'och yipc qui c'ojol, chajtlto 'oj qui chac tas wan qui tan̈wni. Cojquec si'mb'il, a jun tzo'n̈ tas mantzac quila, caw 'ayq'ui.

A Ch'an̈ Carta D'a Eb' Hebreo 11:27

Caw ya'jnac 'och Dios 'a sc'ojol. Yuj cha, yelt 'a yol yic Egipto cha. Ma'ix xiw jac yuj yowl sc'ojl win rey cha. Caw te'n yutjnac snab'en, 'icha to caw yiljnac jun matz tac' quilnec, atn Dios.

A Sb'ab'el Carta San Pedro 1:6

Yuj cha, caw niwn qui tzaljc'ojlalec. Wach'xam tzcab'c syal jun tzo'n̈ prowal junc tiempoal, palta caw tzon̈ tzaljec.

A Sb'ab'el Carta San Pedro 2:7

An̈ec tzca'c 'och qui c'ojl 'a 'a, caw niwn yel'ch 'ayn̈ec. Palta 'ay pax eb' matz ya'ch sc'ojl 'a 'a. Yuj eb' cha, tzyaln pax 'ixtc 'a Ch'an̈ U'un̈: A q'uen q'uen 'ix spatquilj can 'el eb' b'om n̈a, atn q'uen 'ix wach' 'ajx 'och yopiso, xchi.

A Sb'ab'el Carta San Pedro 5:4

Toto 'ixta tzeyutj e b'a, ax yic 'oj jawc jun Quilmalec Niwn Yel'chi, 'oj e cha jun spac caw niwn swach'il. A jun cha, may b'a'n̈ 'oj lajwoc.