A Sb'ab'el Carta San Pedro 1:25 - Chuj San Sebastian Bible

²⁵ Palta ax spaxti Cajlilec, 'ayc'n̈ej 'a jun 'ejmn̈ej, xchi 'a Ch'an̈. A spaxti tic, atn jun wach' 'ab'x yic colnb'il alb'il 'el 'ayex.

Chuj San Mateo Bible

²⁵ Palta axo slolonel Dios Cajal, ayn̈ejec' d'a juneln̈ej, xchicani. A slolonel tic, aton jun vach' ab'ix yic colnab'il alb'ilcan d'ayex.

A Sb'ab'el Carta San Pedro 1:25 Iomraidhean Croise

Salmos 102:12

Ach xo pax Mamin Jehová, yajl ach 'a jun 'ejmn̈ej. 'Oj naxoc cot a b'i yuj junjn c'aj eb' 'anma tz'ec' 'a sat lum lum tic.

Salmos 102:26

Smasnil jun tzo'n̈ tic, 'oj lajwc 'eq'ui, palta ach xo tic, 'aychn̈ej 'eq'ui. Smasnil jun tzo'n̈ tic, 'oj 'ichmaxc eb' 'icha te pichul. Ach 'oj a satli. 'Icha tzyac' junc mach tzjul-l junc spichul, 'ixta wal 'oj otoc.

Salmos 119:89

Mamin Jehová, a 'a paxti tic may 'aj tzjelmji, te'n yaj 'a satcha'an̈.

Is 40:6

'Ay jun 'aw 'ix aln 'ayn 'ixtic: 'Awjan̈, xchi. Xin c'anb'n 'a 'a, ¿tas 'oj wutc 'awjoc in b'a? xin chi. 'Ix yaln 'ayin: Al-li chajtlto a sq'uinl eb' 'anma smasnil, lajn 'icha te c'ultc c'un stacji. Caw yajn̈ej tzlajw 'ejm swach'l yilx eb' 'icha tz'aj slajw 'ejm swach'l yilx te nich te 'ay 'a lum 'a'lic.

Is 40:8

A te c'ultac tztacj 'ejm te', tzlaj pucl snich te', palta ax spaxti qui Diosal, caw 'ayc'n̈ej 'a jun 'ejmn̈ej, xchi 'ayin.

Mt 5:18

Wal yel tzwal 'ayex, yowlal 'oj 'el'choc jantcn̈ej tas tz'ib'b'il can 'a ch'an̈ ley cha. Ya' sb'a 'ayt 'ec' yolyib'n̈q'uinl tic yet' satcha'an̈, may wal jac tas 'a Ch'an̈ Un̈ chi 'oj satli. Wach'xam junc letra, mto junc punto, may wal junc tas 'oj satoc, masnto 'oj 'el'choc jantcn̈ej tas 'ay 'a 'a.

Lc 16:17

A satcha'an̈ yet' sat lum tic, may syal 'oj 'aj slajw 'eq'ui. Palta ax jun ley cha, wach'xam junc letra, may wal junc ma'oj 'el'choc.

Jn 1:1

A 'a yic mantzac b'o smasnil tas, 'ayc' xon jun mach, Spaxti Dios sb'i. A jun cha, 'ayc' xon yet' Dios, caw a Dios.

Jn 1:14

A jun Spaxti Dios sb'i cha, 'ochnc 'anma'il. Wulnc 'ec' 'a qui calc jun tiempoal. A jun cha, caw yel. Niwn swach'c'ojlal Dios xwul sch'ox 'ayn̈ec. 'Ix quil on̈ caw niwn yel'chi, yujto cojxn jun chi Yunnal Dios, checb'il cot yuj Smam.

1 Co 2:2

Yujto a yic wec' 'ayx ta', may junc xo tas tzin nib'j tzwojquej 'eli. Cojn yab'xil Jesucristo 'ec' waljnac 'el 'ayex, chajtlto chamnc 'a spenc culus.

Ef 2:17

A Cristo xwul alnc 'el wach' 'ab'x yic junc'ojlal 'ayn̈ec qui masnil. An̈ israel on̈ tic on̈, yictax yalan̈, 'icha to la'n caj 'a Dios on̈. Ax xo, 'icha to najt to eyaj 'a stz'ey. Palta sch'ox Cristo 'ayn̈ on̈, sch'oxn pax 'ayex, chajtl tzon̈ 'aj cochc 'a junc'ojlal yet' Dios.

Ef 3:8

Jantcn̈ej eb' yic xo Dios wet'oc, yel xo 'ec'b'al yel'ch eb' 'a wib'an̈. Toxn may junc eb' yel xo niwn wel'ch 'a 'a. Palta yuj swach'c'ojlal Dios, ya'jnac wopiso tic. Yuj cha, tz'ec' walnc 'el 'a e cal ax man̈ ex israeloc, chajtlto man̈ jantcoc swach'l Cristo.

Tito 1:3

A ticnec, 'ix jaw stiempoal ya'n 'ojcaxc 'el spaxti'. Yuj cha, a Dios qui Colmal, a x'a'n wal-l spaxti tic.

A Ch'an̈ Carta D'a Eb' Hebreo 6:5

Cojquec xo jun wach' 'ab'x yic Dios. Cojquec xo pax spoder Dios 'oj sch'ox 'a jun tiempoal tot 'oj jawoc.

A Sb'ab'el Carta San Pedro 1:12

Palta x'ajx nachjc 'el yuj eb', to a jun tzo'n̈ yaljnac can eb' cha, man̈ yico'oc eb', palta to quiquec. Al ticnec, 'ix wach' alx 'el 'ayex, tas yaj qui colnb'ilec tic. A eb' tzaln 'el wach' 'ab'x yic colnb'il, a eb' 'ix aln 'ayex. A Yespíritu Dios checb'il cot 'a satcha'an̈, a x'och yet' eb', yic xyaln 'el eb'. An̈jtona eb' ángel, tznib'j pax eb' tznachj 'el jun tzo'n̈ tic yu'uj.

A Sb'ab'el Carta San Pedro 1:23

Yujto 'aljnacn̈ec xo 'a scha'ejmal. Man̈oc 'a qui mam qui nun, on̈ 'aljec paxi, yujto chamlb'an̈j yaj eb'. Palta yujn̈ej spaxti Dios on̈ 'aljec, yujto 'aj q'uinl yaji. A spaxti tic, 'ayc'n̈ej 'a jun 'ejmn̈ej.

A Sb'ab'el Carta San Pedro 2:2

'Icha junc tz'ulc 'unn tznib'j yim, 'ixta cab' e nib'n jun cuynb'il yic Dios, atn jun may jac spaltail, sec 'oj 'och ste'nal e nab'en yu'uj, ax e wach' colchji.

A Schab'il Carta San Pedro 1:19

An̈jtona', 'aycto sjaw Cajlilec, stz'ib'n can eb' schecb' Dios yab'xil. An̈ja 'ayc' Ch'an̈ Un̈ chi ticnec. A tas tzyal Ch'an̈ Un̈ cha, caw yel. Caw wach' tzcutjec qui b'a, toto an̈ja ca'nec 'och qui nab'en 'a tas tz'ib'b'il can yuj eb' cha. Yujto a Ch'an̈ Un̈ cha, lajn 'icha junc cantil tzqui tzic 'a 'aj caw q'uic'q'uinal. Tzyac' yoc 'ayon̈, masnto yic wan sacb'i, yic tzq'uel jun niwquil chac c'anal. 'Icha jun c'anal cha, 'ixta 'oj 'aj Cristo yic 'oj jawc paxi, ax swach' 'a'n sacq'uinl 'a qui pixnec.

1 Jn 1:1

Tic tzqui tz'ib'j 'at 'ayx on̈, yuj jun mach spaxti Dios sb'i, atn jun tz'a'n qui q'uinlec 'a jun 'ejmn̈ej. Yic mant 'a yolyib'n̈q'uinl tic, 'ayc' xoni. An̈ tic on̈, caw cab'jnac spaxtin on̈. Quiljnac yet' qui sat on̈. Caw 'ochnc on̈ q'ueln 'a on̈, qui yamjnac pax yet' qui c'ab' on̈.

1 Jn 1:3

A jun quiljnac, cab'jnac spaxtin chi 'on̈, a tzcal 'ayx on̈, sec wach' junxn̈ej tzex 'aj quet' on̈. Yujto wal yel junxn̈ej cajc yet' qui Mam Dios. Junxn̈ej cajc pax yet' Yunnal, atn Jesucristo.

Apoc 14:6

Xlajw cha, xwiln sjen̈n̈ 'ec' junx ángel 'a snan̈l satcha'an̈. A tas yet'i, atn jun wach' 'ab'x 'ay 'a jun 'ejmn̈ej. 'Ix yaln 'el 'a eb' 'anma 'a junjn nacion̈, 'a junjn chon̈b' 'a yolyib'n̈q'uinal. Toxn̈ej chucchc yin̈tl eb', toxn̈ej chucchc sti eb', c'uxn xlaj yab' eb'.