A Sb'ab'el Carta San Pedro 1:24 - Chuj San Sebastian Bible

²⁴ 'Icha tzyal 'a Ch'an̈ U'un̈: A sq'uinl eb' 'anma smasnil, lajn 'icha te c'ultc c'un stacji. Caw yajn̈ej tzlajw 'ejm swach'l yilx eb', 'icha tz'aj slajw 'ejm swach'l yilx te nich te 'ay 'a lum 'a'lic. A te c'ultac, caw yajn̈ej tztacj can 'el te', ax snich te', tzlaj puccn 'eli.

Chuj San Mateo Bible

²⁴ Yujto icha tic syal d'a Slolonel Tz'ib'yajcani: A sq'uinal eb' anima smasanil, lajan icha an̈ an̈c'ultac. Lajan svach'il eb' icha xumaquil an̈ an̈c'ultac chi'. Yujto a an̈ chi', junn̈ej rato stacjiel an̈. Axo sxumaquil an̈, ton̈ej tz'el b'ulnajoc.

A Sb'ab'el Carta San Pedro 1:24 Iomraidhean Croise

A Ch'an̈ Schab'il Libro Yic Yab'ixal Eb' Rey 19:26

Man̈x 'a yip eb' 'anma cajn 'a jun tzon̈ chon̈b' cha, caw wal tzxiw eb', tzq'uixw eb'. Lajn xoj eb' 'icha te c'ultac, mto 'icha te 'itj caw wal yax latz'nac, mto 'icha c'ultc tzpa' chan̈ 'a yib'n̈ n̈a, tzma'x tacjoc can yuj 'ic', 'ixtnta yaj eb' 'anma cha.

Job 14:2

Lajn on̈ 'icha junc nichte wanto cob' spojli, ax tz'aji, tztacj pax 'el muc'uc; 'ixta yec' qui q'uinl on̈, lajn pax tz'aj yec' 'icha junc wewen.

Salmos 102:4

Caw wal tztac in c'ojl tzwab'i, man̈xtzac yal in c'ojl tzin wa'i; 'icha tz'aj stacj te c'ultac, 'ixta tzin 'aj tzwab'i.

Salmos 103:15

A qui q'uinlec an̈ 'anman̈ec tic, lajn wal 'icha sq'uinl te c'ultac; tzq'uib' cha'an̈, tznichni;

Salmos 129:6

Lajn cab' tz'aj eb' 'icha te c'ultc tzpa'chan̈ 'a yib'n̈ junc n̈a, jab' wal tz'eq'ui, tztacj pax muc'uc.

Salmos 37:2

Yujto yajn̈ej ax satl eb' 'icha te c'ultc c'un stacji, 'icha pax te nichte c'un spucli.

Salmos 39:6

An̈ 'anman̈ tic, lajn yec' qui q'uinl 'icha wewen. Nab'an̈ej tzquixtj qui b'a qui molb'tzan qui ricoal, ax tz'aji, chucx mach 'oj lajnoc.

Salmos 90:5

'Icha wal yijx 'at junc tas yuj a 'elmal a', 'ixta e'n 'ec' jab' qui q'uinl an̈ 'anman̈ tic on̈, mto 'icha junc wayich, 'ixta tzon̈ 'aj quec' on̈.

Salmos 92:7

Wach'xam a eb' 'ajmul 'anma', mto eb' tzb'on maysch'olnil tzq'ue wan tzicnjoc 'icha sq'uib' te c'ultac, yajn̈j cha tz'och yip eb', palta jab' wal tiempo 'ixta tz'aj eb'. Tzlajw cha, tzsatx can 'el eb' 'a jun 'ejmn̈ej.

Is 51:12

Yuj cha, yaln Jehová eyuj 'ixtic: An ton tic, an tzwac' sniwnal e c'ojol. ¿Mach to wal junc 'aj 'oj e xiwi? ¿Tom 'oj e xiw yuj eb' 'anma to yic chaml yaji, yujto lajn eb' 'icha te 'unn c'ultac?

Mt 6:30

A jun tzo'n̈ te c'ultc cha, ton̈j 'ayc' te ticnec, ax q'uic'an tz'a 'a yol jorna. Wach'xam 'ixta yec' te', palta a Dios a tz'a'n swach'l yilx te'. Yuj cha, yel xo wal 'oj yac' e pichl ax tic, palta 'in jab' wal tzeya'ch e c'ojl 'a 'a.

Santiago 4:14

Palta 'in man̈ cojcoquec tas cajc q'uic'an. A qui q'uinlec 'a yolyib'n̈q'uinl tic, yajn̈ej tz'eq'ui. Lajn 'icha xob' lu'um, junn̈j rato tzlajw q'ue wa'an.

1 Jn 2:17

A yolyib'n̈q'uinl tic, yet' jantcn̈ej maysch'olnil tznib'j 'och eb' 'anma', wan slajw 'eq'ui. Palta a eb' tzb'on 'icha tznib'j Dios, pitzn eb' 'a jun 'ejmn̈ej.