A Sb'ab'el Carta San Pedro 1:22 - Chuj San Sebastian Bible

²² A ticnec, [yuj Yespíritu Dios] xqui yiclniec jun cuynb'il caw yel. 'Ixta xcutjec qui tojlb'tzan qui b'eyb'al, sec caw yel 'ay qui chamc'ojlalec 'a eb' quit creyenteal. Yuj cha, yowlal tzlaj qui chamc'ojloquec qui b'a 'a smasnil qui c'ojol, yet' 'a smasnil quip.

Chuj San Mateo Bible

²² A ticnaic, yuj Yespíritu Dios ix co c'anab'ajej jun c'ayb'ub'al te yel tic. Icha chi' scutej co tojolb'itan co b'eyb'al, sec yuj chi' yel sco xajanej eb' cuc'tac eb' canab'. Yuj chi' yovalil sco xajanej co b'a d'a smasanil co c'ool yed' d'a smasanil quip.

A Sb'ab'el Carta San Pedro 1:22 Iomraidhean Croise

Jn 15:17

Atn jun checnb'il tzwalcn 'ayx tic, to tzlaj e chamc'ojloc e b'a junjn ex.

Jn 15:3

Ax xo tic, tox 'ix b'o e nab'en yuj jun tzo'n̈ cuynb'il waljnacx 'ayex.

Jn 17:17

Ach tza wach' tojlb'tzej snab'en eb' yet' a paxti caw yel. Cojxn a paxti chi caw yel.

Jn 17:19

Yuj swach'loc eb', yuj cha, tzwac' in b'a 'ayach, yic wach' tz'och eb' eco'oc wal 'a yel.

A Tas Sc'ulejnac Eb' Schecab' Jesús Hechos 15:9

A 'a sat Dios, caw lajnn̈ej eb' quet'ec, yujto a 'ix 'i'n 'el maysch'olnil 'aych 'a eb', yic xya'n 'och eb' Cristo 'a sc'ojol.

A Tas Sc'ulejnac Eb' Schecab' Jesús Hechos 6:7

A spaxti Cajlilec, caw 'ix wach' pucl 'a scal eb' 'anma'. Yuj cha, caw xwach' niwnb'i sb'isl eb' creyente 'a Jerusalén cha. Ax eb' ya'mal 'och sti eb' israel 'a Dios, caw niwn eb' xya'ch 'a sc'ojol.

Ro 1:5

Yuj Jesucristo sch'oxjnac Dios swach'c'ojlal 'ayin, yic in ya'n 'och schecb'oc, sec wach' 'ay eb' 'a junjn chon̈b'al tzya'ch sc'ojl 'a 'a, tzyiclni pax eb' tas tzyala.

Ro 2:8

Palta 'ay pax eb' 'aj 'oj yac' Dios yowl sc'ojol, ax ya'n can 'och syailal eb', atn eb' tznib'j axn̈ej 'ay yel'chi. Matz yiclj eb' jun cuynb'il caw yel. Cojn jun tzo'n̈ maysch'olnil 'aj 'aych snab'en eb'.

Ro 8:13

Toto an̈ja qui b'eylb'anec 'icha tznib'j qui tu nab'enal, 'oj qui chamc yuj 'a jun 'ejmn̈ej. Palta toto yuj spoder Yespíritu Dios tzcactnec can qui b'on jun tzo'n̈ maysch'olnil yet' qui niwnalec tic, to 'ixta', 'oj qui chac qui q'uinl 'a jun 'ejmn̈ej.

2 Co 6:6

Palta caw tojln̈ej tzcutj qui nab'en on̈. Cojc xo on̈ 'aj 'ay yel. Niwn tzcutj qui c'ojl on̈. Wach' tzcutj qui nab'en on̈. A Yespíritu Dios 'aych 'ayn̈ on̈. Yelc'ojlal caw 'ay qui chamc'ojlal on̈.

Gl 3:1

Ax xo wal ex 'aj Galacia, caw man̈ nab'enal eyaji. Tecn 'ay junc x'a'n juwc 'el e nab'en 'icha tzyac' junc 'ajchum. Yuj cha, man̈x yiclumoc tzeyutj e b'a 'a jun cuynb'il yel. A yic quec' ta 'on̈, caw caljnac 'ayx on̈, chajtlto xcham Jesucristo 'a spenc culus. 'Icha wal to caw eyiljnac schami.

Gl 5:5

An̈ec xo, yuj Yespíritu Dios, tzca'c 'och yipc qui c'ojol, chajtlto 'oj on̈ yalc Dios wach'il. Atn jun tic wan qui tan̈wniec ticnec, yujto tzca'c 'och qui c'ojl 'a 'a.

Gl 5:7

Caw wach' cob' eyutjnac e b'eyb'al 'a yic yalan̈. Palta ¿machm wal x'a'n e c'ojloc, yuj cha, man̈xtoc yiclum ex 'a jun cuynb'il caw yel?

Ef 4:3

Yuj Yespíritu Dios, junxn̈ej nab'enal on̈ 'ajec. Yuj cha, tzeyac' 'ip laj e nanoc, sec junc'ojlal tzex 'aji. Toto 'ixta', junxn̈ej tz'aj e nab'en 'a smasnil tiempo.

A Scarta San Pablo D'a Eb' Aj Filipos 1:9

Tzin c'an 'a Dios eyu'uj, sec 'oj wach' tz'acwoc e chamc'ojlal, yet' sjelnal Dios tzyac' 'ayex. Tzin c'an pax 'a 'a, sec 'oj wach' nachjoc 'el smasnil yic eyu'uj.

1 Ts 3:12

Tzqui nib'j on̈, a Cajlilec tzwach' 'a'n niwtjoc e chamc'ojlal, sec 'oj e wach' chamc'ojloc e b'a si'mb'il. Ax e chamc'ojlan pax smasnil 'amna', 'icha tzex cutj ex qui chamc'ojlan pax on̈.

2 Ts 1:3

Ex wu'tac, ex wanab', yowlal tzca'n̈j yuj diosal 'a Dios eyuj on̈. Smoj 'ixta tzcal eyuj on̈, yujto junjn c'u, yel xo wal tzeya'ch e c'ojl 'a Dios. An̈jtona', junjn ex, yel xo wal tzlaj e chamc'ojloc e b'a.

2 Ts 2:13

Ex wu'tac, ex wanab', chamc'ojlb'ilx yuj Cajlilec. Yowlal caw tzca'n̈j yuj diosal 'a Dios eyuj on̈, yujto yictax pecti', sic'b'ilx can 'el yuj Dios quet' on̈, sec tzex colchj yuj Yespíritu. A tzex 'i'n 'och yico'oc Dios. Yuj cha, tzex colchj quet' on̈, yujto tzeya'ch pax e c'ojl 'a jun cuynb'il caw yel.

1 Ti 1:3

Caw tzin nib'j tzach wach' can 'a chon̈b' Éfeso cha, 'icha wutj in tew 'ayach, yic in 'at 'a Macedonia. Yujto tzin nib'ej, tzcham wal aln 'a eb' tzcuywj 'a jun tzo'n̈ chuc cuynb'ilal, to caw yowlal tzyactj eb' yalni.

1 Ti 1:5

Tzwalb't jun checnb'il tic 'ayach, sec 'oj wach' pitzwc schamc'ojlal eb' creyente ta'. Toto tztojlb'tzej sb'a eb', toto tztan̈wj sb'a eb' yet' snab'en, toto yel tzya'ch eb' sc'ojl 'a Dios, 'oj wach' pitzwc schamc'ojlal eb'.

1 Ti 4:12

Caw wach' tzotj a b'a, sec may eb' 'oj alnc o'oj, to 'unnach to. Yel xo wach' tza ch'ox jun wach' b'eyb'al 'a eb' creyente smasnil. Wach' tzotj a paxtin 'a eb'. Wach' tzotj a b'a yil eb'. Caw wach' tzotj a chamc'ojlan eb' ta'. Wach' tzotj a nab'en yil eb'. An̈j 'a Cajlil tza'ch a c'ojol. Tojln̈ej tzotj a nab'en yil eb'. 'Ixtc tzotj a ch'oxn jun wach' b'eyb'al 'a eb' ta'.

1 Ti 5:2

'Ixta tzotj aln pax 'a eb' chichmtac 'ix, 'icha tzotj aln 'a a nun. An̈jtona', yet' 'a eb' cob'stac 'ix, wach' tzotj aln pax 'a eb', 'icha cab' tzotj aln 'a junc caw anab'. Man̈ cab' chab'satoc tzotj paxtinc a b'a 'a eb'.

2 Ti 1:14

A jun tzo'n̈ cuynb'il x'ajx 'och 'a yol a c'ab' yuj Dios, caw tza tan̈wej. Ax Yespíritu Dios, 'oj 'och et'oc, yujto a 'aych 'a qui pixn junjn on̈.

A Ch'an̈ Carta D'a Eb' Hebreo 11:8

A Abraham, caw ya'jnac 'och Dios 'a sc'ojol. Yuj cha, a yic yawtx yu'uj, syicljnac. 'Atnc 'a jun lugar ya'jnac Dios yico'oc. Wach'xam mant yojcoc 'aj tz'ati, palta yactjnac can slu'um, s'ati.

A Ch'an̈ Carta D'a Eb' Hebreo 13:1

Man̈ cactquec can qui chamc'ojlan qui b'a, yujto quit creyentealec qui b'a.

A Ch'an̈ Carta D'a Eb' Hebreo 5:9

Ax yic 'ix tz'acw 'el'chi, 'ix 'ajx yopiso ya'n colnb'il 'a jun 'ejmn̈ej, 'a smasnil 'anma tzchan 'ab'noc tas tzyala.

A Ch'an̈ Carta D'a Eb' Hebreo 6:10

Yujto a Dios caw tojl snab'en. Ma'oj sat sc'ojl 'a jun tzo'n̈ tas xe b'o'o, yet' e chamc'ojlal xe ch'ox 'a 'a, yic ex colwj 'a eb' yic xo Dios quet'ec. An̈jtona', 'ixta tzeyutj e b'a ticnec.

A Ch'an̈ Carta D'a Eb' Hebreo 9:14

Toto 'ixta yopiso schic'l no noc' cha, ocxom wal schic'l Cristo. A Yespíritu Dios 'ayc' 'a smasnil tiempo. Yu'uj, ya'jnac sb'a Cristo xajmb'al-l 'a Dios, 'icha junc xajmb'al may spaltail. Yuj cha, a schic'l chi tzsacb'tzan qui nab'enec 'a jun tzo'n̈ maysch'olnil tz'i'n cot chaml 'a quib'n̈ec. Yuj cha, a ticnec, tztac' ca'nec servil Dios pitzan.

Santiago 1:21

Yuj cha, 'actjec can jantcn̈ej tas tu 'a sat Dios, yet' smasnil maysch'olnil. Caw tze wach' 'a'j 'och e c'ojl 'a spaxti Dios 'a 'emmquilal, atn jun alb'ilx can 'ayex, yujto a spaxti tic, tztac' tzon̈ colchjec yu'uj.

Santiago 4:8

Qui nitzc 'och qui b'a 'a stz'ey Dios. To 'ixta', 'oj snitzch sb'a 'a qui tz'eyc jun xo. Palta ax xo maysch'olnil e nab'en, b'oc e b'eyb'al. Ax chab'c'ojlal eyaji, tojlb'tzejc e nab'en.

A Sb'ab'el Carta San Pedro 1:2

An̈ec tic, sic'b'iln̈ec xo 'elt yuj qui Mam Dios, yujto yictax pecti', 'ixta snajnac can cujec. Yuj Yespíritu on̈ 'ajxec 'och yico'oc, sec wach' tzqui yicljec tas tzyala, sec tz'ijx 'el qui mul 'ayn̈ec yuj schic'l Jesucristo. Ya' cab' Dios swach'c'ojlal yet' sjunc'ojlal 'ayx ta'.

A Sb'ab'el Carta San Pedro 2:17

'Ay cab' yel'ch junjn mach 'a qui satec. Tzqui chamc'ojlanc pax eb' quit creyenteal. Xiw coyc 'a Dios. Niwn cab' yel'ch pax win rey 'a qui satec.

A Sb'ab'el Carta San Pedro 3:1

Ax 'istlab'il ex, caw yiclum tzeyutj e b'a 'a eyichmil. Yujto 'ayx matz ya'ch eyichmil sc'ojl 'a spaxti Dios. Wach'xam may tas 'oj eyal 'a eb', palta tecn 'oj montchjoc 'och eb' eyu'uj.

A Sb'ab'el Carta San Pedro 3:20

A eb' cha, man̈ yiclumoc yutjnac sb'a eb' 'a Dios, yictax yec' eb' 'a pecti', 'a yic 'ayc' Noé. A 'a jun tiempoal cha, niwn yutjnac Dios sc'ojl 'a eb', yic stan̈wni sb'o jun niwquil barco. A 'a te barco cha, 'ay jaywn̈ eb' colchjnac can 'el 'a te'. Wajxcwan̈ wal eb' colchjnac.

A Sb'ab'el Carta San Pedro 3:8

An̈jtona', tzwaln pax 'at junx tic 'ayex. Caw junxn̈ej tzlaj eyutc e nab'en e masnil. Toto 'ay eb' tzcusi, tzex colwj 'a eb'. Tzlaj e chamc'ojloc e b'a, yujto creyente ex. Tzlaj 'o'ch e c'ojl 'ayx junjn ex. 'Emmquil tzeyutj e b'a junjn ex.

A Sb'ab'el Carta San Pedro 4:17

Tox 'oj jawc stiempoal sb'eyc'ojlax smasnil 'anma'. An̈ec yunnaln̈ec xo Dios, 'oj qui b'ab'l b'eyc'ojlaxi. Toto tzon̈ b'ab'l b'eyc'ojlax an̈ec tic, ¿ocxom wal eb' matz yiclni xon jun wach' 'ab'x yic Dios?

A Sb'ab'el Carta San Pedro 4:8

Ax junx 'oj walb't 'ayx tic, to caw tzlaj qui chamc'ojloquec qui b'a yet' smasnil qui c'ojol. Wach'xam caw niwn smul junc xo mach 'ayn̈ec, toto 'ay qui chamc'ojlalec, 'oj ca'c niwnc'ojlal 'a 'a.

A Schab'il Carta San Pedro 1:7

Caw wach'n̈j tzcutjec pax qui nab'en 'a eb' quit creyenteal, tzqui chamc'ojlanec qui b'a yet' eb'.

1 Jn 3:11

A jun checnb'il 'oj walb't 'ayx tic, yictax eyoch yico'oc Dios, eyamn 'och eyab'n yalx 'ixtic: Yowlal tzqui chamc'ojlejec qui b'a, xchi jun checnb'il tic.

1 Jn 3:23

Atn schecnb'il tic, to tzca'c 'och qui c'ojl 'a Yunnal, atn Jesucristo, tzlaj qui chamc'ojlanc pax qui b'a, 'icha yutjnac yaln can 'ayn̈ec.

1 Jn 4:12

Wach'xam may junc mach 'ix 'iln Dios jun 'ejmoc, palta toto tzqui chamc'ojlejc qui b'a junjn on̈ec, caw a cajn 'och 'ayn̈ec. Ax schamc'ojlal, caw tzwach' tz'acw 'ayn̈ec yu'uj.

1 Jn 4:20

Toto tzcalec, to 'ay qui chamc'ojlalec 'a Dios, palta tzon̈ chichnec 'och 'a junc quit creyenteal, toto 'ixta', ton̈j tzca'c 'es. A eb' quit creyenteal, cojc yilx eb'. Yuj cha, toto matz qui chamc'ojlejc eb', ¿tast wal 'oj cutquec qui chamc'ojlanec Dios, yujto man̈ cojcoquec yilxi?

1 Jn 4:7

Ex wu'tac, ex wanb' chamc'ojlb'il wu'uj, caw qui chamc'ojloquec qui b'a, yujto a jun chamc'ojlal, a 'a Dios tzcoti. Toto tzqui chamc'ojlejec qui b'a, to 'ixta', yunnaln̈ec Dios, 'ojcab'ilx cujec.

Apoc 2:4

Palta 'ay wal jab' in c'ojloc 'ayex, yujto man̈x lajnoc e chamc'ojlal 'icha 'a yic b'ab'el.