A Sb'ab'el Carta San Pedro 1:21 - Chuj San Sebastian Bible

²¹ Yuj Cristo, tzca'nec 'och Dios 'a qui c'ojl ticnec, yujto a 'a'jnac pitzwc pax 'a scal eb' chamnac. Caw niwn x'aj 'el'ch yu'uj. Yuj wal cha, caw ca'c 'och Dios 'a qui c'ojol, tzca'nec pax 'och yipc qui c'ojol.

Chuj San Mateo Bible

²¹ Yuuj scac'och Dios d'a co c'ool ticnaic, yujto a Dios chi' ac'jinac pitzvoc d'a scal eb' chamnac, te nivan ix aj yelc'och yuuj. Yuj val chi', scac' val och Dios d'a co c'ool, scac'anpax och yipoc co c'ool.

A Sb'ab'el Carta San Pedro 1:21 Iomraidhean Croise

Salmos 42:5

¿Tas wal yuj tzjaw in chab'c'ojlal? ¿Tas yuj tzsomchj chan̈ in nab'en? Ach in Diosal tzach wa'ch yipc in c'ojol. A 'aych 'oj wal wach' paxti'. In Colmal aji, in Diosal ach paxi.

Jeremías 17:7

Palta ax wal eb' 'anma tzin 'a'n 'och yipc sc'ojl an Jehová in tic, caw wach' yic eb'.

Mt 28:18

Ax Jesús, 'ix wach' c'och 'a stz'ey eb' scuywum yuxlchwan̈il, 'ix yaln 'a eb' 'ixtic: —In 'ajx 'och Yajlil 'a yib'n̈ smasnil tas 'a satcha'an̈ yet' 'a yolyib'n̈q'uinl tic.

Jn 12:44

Ax Jesús, caw 'ip xyal 'elt 'ixtc 'a scal eb' 'anma': —A eb' tzya'ch sc'ojl 'ayin, man̈ocn̈ej 'ayn tzya'ch eb' sc'ojol, tzya'ch pax eb' sc'ojl 'a in Mam checjnacn coti.

Jn 14:1

'Ix yaln Jesús 'a eb' scuywum 'ixtic: —Man̈ eyac' somchjc 'el e nab'en. 'A'c 'och e c'ojl 'a Dios, tzeya'n pax 'och e c'ojl 'ayin.

Jn 14:6

—A jun b'e tzwal tic, an ton tic. Cojn in tztac' ex wi'n 'at 'a 'aj 'ay qui Mam Dios. An tic yel in, 'aj q'uinl in.

Jn 17:1

Xlajw yaln Jesús jun tzo'n̈ cha, 'ix q'ue q'ueln 'a satcha'an̈. 'Ix yaln 'ixtic: —Mamin, tox xjaw stiempoal yic tza ch'oxn 'eli to niwn wel'ch an Onnaln tic. Ax in ch'oxn paxi, to caw niwn pax el'chi.

Jn 17:24

Mamin, a eb' tzac' 'ayin, tzin nib'ej to 'oj 'aj eb' wet' 'a 'aj 'oj in c'ochi, sec 'oj yil eb' in wach'l 'ac'b'il oj 'ayin. Yujto chamc'ojlab'iln xon o'oj, yictax mantzac b'o yolyib'n̈q'uinl tic.

Jn 17:5

A 'a yic mantzac b'o yolyib'n̈q'uinl tic, 'ayn 'ec' et' 'a 'aj 'ay qui wach'il. Al ticnec Mamin, chaj in pax q'ue et' 'a 'aj 'ay qui wach'l cha, 'icha xon waj et'oc.

Jn 3:34

Yujto a jun cha, a Dios checjnac coti. Yuj cha, a spaxti Dios tzyala. A jun cha, tz'acn ya'jnac Dios Yespíritu 'a 'a.

A Tas Sc'ulejnac Eb' Schecab' Jesús Hechos 2:24

Palta a Dios 'ix 'a'n pitzwc paxi. 'Ix yac' ganar Jesús spitzw paxi, yujto may yel'ch chaml 'a 'a.

A Tas Sc'ulejnac Eb' Schecab' Jesús Hechos 3:13

A qui Diosalec, atn sDiosal eb' qui mam quichmec, atn Abraham, Isaac, yet' Jacob, yu'uj, caw niwn x'aj yel'ch Jesús, atn Yunnal. Palta ax tic, xeya'ch 'a yol sc'ab' ewin yajal. A win Pilato, snib'j cob' win ya'l 'a libre. Ax xo, ma'ix yal e c'ojol.

A Tas Sc'ulejnac Eb' Schecab' Jesús Hechos 3:15

'Ixta xeyutj eya'n milxc cham jun tz'a'n q'uinal. Palta a Dios 'ix 'a'n pitzwc pax 'a scal eb' chamnac. A jun tic, caw tzca'ch qui b'a testigoal yuj on̈.

A Tas Sc'ulejnac Eb' Schecab' Jesús Hechos 4:10

Yuj cha, a jun tic 'oj cal 'ayx on̈, sec 'oj yojcoc pax 'el smasnil eb' quit israelalec. A win xjaw 'a eyojltac tic, yujn̈ej spoder Jesucristo 'aj Nazaret, 'ix b'o winac. Atn Jesucristo tic xeyac' 'ajxc 'och 'a spenc culus. Palta ax Dios x'a'n pitzwc pax 'a scal eb' chamnac.

Ro 10:9

Toto tzcalc yet' qui ti', to a Jesús Cajlilec, toto 'a smasnil qui pixnec tzca'c 'och 'a qui c'ojol, to a Dios 'a'jnac pitzwc pax Jesús 'a scal eb' chamnac, to 'ixta', 'oj qui colchjec.

Ro 4:24

Tz'ib'b'il can pax cujec. Yuj cha, tzyaln Dios to wach'n̈ec pax 'a sat, toto tzca'c 'och qui c'ojl 'a 'a. A 'a'jnac pitzwc pax Cajlil Jesús 'a scal eb' chamnac.

2 Co 6:15

A Cristo, caw matz chaj sb'a snab'en yet' win Satanás. An̈ creyente on̈c tic, man̈ lajnoc quic yet' eb' man̈ creyenteoc.

Ef 1:15

Tic 'ix wab'i, chajtlto caw tzeya'ch e c'ojl 'a Cajlil Jesús. 'Ay ab' pax e chamc'ojlal 'a jantcn̈ej eb' yic xo Dios quet'ec.

A Scarta San Pablo D'a Eb' Aj Colosas 1:27

'Elnc 'a sc'ojol, to tzyac' cojcoquec 'eli. A jun tic, yel xo wal niwn yel'ch 'ayx ax man̈ ex israeloc. Atn jun tic x'ajx cojcoquec 'eli, to a Cristo cajn 'och 'a e pixn junjn ex quet' on̈. Yuj Cristo, tzca'nec 'och 'a qui c'ojol, to 'oj tz'acwc qui wach'l 'icha swach'l Dios.

1 Ti 1:1

An Pablo in tic, schecb' in Jesucristo, yujto 'ixta yaj yaln can Dios qui Colmal, yet' Cajlil Jesucristo, atn tzca'c 'och yipc qui c'ojol.

1 Ti 3:16

A Dios 'a'jnac cojcoc 'el tas yaj qui cuynb'il. Wal yel, caw niwn yel'ch jun tzo'n̈ ch'oxb'il yuj 'ayon̈: A Dios, ya'jnac 'och sb'a 'anma'il. Ax Yespíritu aljnac 'eli, chajtlto caw tojl snab'en. Ax eb' ángel, x'och q'ueln eb' 'a 'a. 'Ix alx pax 'el yab'xil 'a jun tzo'n̈ xo nacion̈. 'Ay eb' 'a yolyib'n̈q'uinl tic tzya'ch sc'ojl 'a 'a. An̈jtona', 'ijxnac can pax q'ue 'a satcha'an̈.

A Ch'an̈ Carta D'a Eb' Hebreo 2:9

Palta tzquilc nab'n tas 'ajnc Jesús. Yuj qui Mam Dios, 'ay jun tiempoal, ma'ix tza'wni 'a eb' ángel yic wul ya'nc 'och sb'a 'anma'il. Yuj wal swach'c'ojlal Dios, x'el 'a sc'ojol, xcham Jesús cujec qui masnil. Al ticnec, caw niwn swach'il, niwn yel'chi, yujto xyab' syal schami.

A Ch'an̈ Carta D'a Eb' Hebreo 6:1

Ax ticnec, coyc 'a cojltac, sec 'oj wach' te'nb'oc qui nab'enec. Can cab' jun tzo'n̈ b'ab'l cuynb'il tzyal yuj Cristo tic. Man̈x cab' qui cuyc jun tzo'n̈ b'ab'l cuynb'il 'oj wal tic. Tzyala, to tzqui na qui b'a yuj jun tzo'n̈ tas tz'i'n cot chaml 'a quib'n̈ec. Tzyalni, tas tzcutj ca'nec 'och qui c'ojl 'a Dios.

A Ch'an̈ Carta D'a Eb' Hebreo 7:25

Yuj cha, a mach tz'ijx 'och yico'oc Dios yu'uj, a tztac' ya'n scolnb'il eb' 'a jun 'ejmn̈ej. Yujto pitzn 'a jun 'ejmn̈ej, yic tzc'ann niwnc'ojlal 'a Dios cujec.

A Sb'ab'el Carta San Pedro 1:11

A Yespíritu Cristo 'aych 'a eb'. A 'a'jnac nachjc 'el yuj eb', chajtlto yowlal tzyab' syail. Tzlajw cha, ax scheclj 'eli, chajtlto man̈ jantcoc swach'il. Ax eb' cha, caw ya'ljnac eb' snan 'eli, mach jun chi tzjaw cha, yet' 'aja stiempoal tzjawi.

A Sb'ab'el Carta San Pedro 1:3

Calc wach' paxti 'a Dios, atn 'a Smam Cajlil Jesucristo, yujto caw x'o'ch sc'ojl 'ayn̈ec. On̈ ya'nec 'aljoc pax 'a scha'ejmal, yujn̈ej to pitzwnac pax Jesucristo 'a scal eb' chamnac. Yuj cha, caw tzca'c 'och yipc qui c'ojol, to a 'oj 'a'nc qui q'uinlec.

A Sb'ab'el Carta San Pedro 3:22

paxnc q'ue 'a satcha'an̈. Ata 'ayc' 'a swach' c'ab' Dios ticnec. A tz'a'n mandar eb' ángel, yet' jun tzo'n̈ xo 'ay yopiso to 'ay spoder.