A Sb'ab'el Carta San Pedro 1:10 - Chuj San Sebastian Bible

¹⁰ A eb' schecb' Dios pecti', caw ya'jnac eb' 'ip sayn tas yaj qui colnb'ilec tic. Ya'ljnac pax eb' snan 'eli. 'Aycto, yaln can eb', to 'oj yac' Dios swach'c'ojlal 'ayn̈ec.

Chuj San Mateo Bible

¹⁰ A eb' schecab' Dios d'a peca', yac'nac val yip eb' sayan tas yaj jun co colnab'il tic. Yac'lejnac eb' snaaneli. Ayocto yalannaccan eb' to ol yac' svach'c'olal Dios d'ayon̈.

A Sb'ab'el Carta San Pedro 1:10 Iomraidhean Croise

Gn 49:10

May junc mach tztac' yi'n 'ec' a jelnal Judá; may mach tztac' yi'n 'ec' a c'occh yic opiso 'a yol a c'ab', masnto 'oj jawc yajl te c'occh cha, atn jun mach to smasnil eb' chon̈b' 'oj yiclnoc 'a 'a.

Pr 2:4

'Ac' a tiempo a sayn 'ec' jelnal, 'icha tz'aj sayx 'ec' q'uen plata, mto junc ricoal to c'ub'b'il 'eli.

Dn 2:44

A 'a yol stiempoal jun tzo'n̈ eb' rey cha, ata 'oj ya'ch Dios 'aj satchan̈ junx yajl yet' snacion̈ to man̈x 'a b'a'n̈ 'oj satli. Man̈x 'oj 'ajxoc 'och 'a yol sc'ab' junc xo chon̈ab'. 'Oj satxoc 'el smasnil jun tzo'n̈ xo rey yet' snacion̈ yu'uj. Palta a jun cha, 'ayc'n̈ej 'a jun 'ejmn̈ej.

Dn 9:3

Yuj cha, in leslwi, in tew 'a Jehová Dios. In 'och 'a c'ajb'c'ojlal, xwa'n 'och te pichl n̈achtac sat. In 'em wocn pax 'a scal q'uen stan̈il c'ac'.

Hageo 2:7

'Oj wac' 'ib'xoc chan̈ smasnil nacion̈, sec 'ixta 'oj yutc eb' yi'n cot smasnil sricoal, ax wul ya'nc eb' 'a watut tic. An tzwala, to 'oj b'ut'joc 'el yol watut tic yuj tas wach' yilxi.

Zacarías 6:12

Tzaln 'a 'ixtic: A Jehová tztac' yuj smasnil, a tzaln 'ixtic: 'Ay jun in checb' 'oj 'eltoc 'a scal eb' yin̈tl Isaí, 'oj 'ajxoc sb'ic Swol, 'oj yic' wal yip 'a 'aj 'ayc' cha, 'oj sb'ox chan̈ sjel watut.

Mt 13:17

Wal yel tzwal 'ayex, til wal eb' schecb' Dios pecti', yet' jun tzo'n̈ xo eb' caw tojl sb'eyb'al, snib'jnac eb' yil jun tzeyil tic, palta ma'ix yil eb'. Snib'jnac pax eb' yab' jun tzo'n̈ tzeyab' tic, palta ma'ix yab' eb'.

Mt 26:24

An tic 'Ochnc in 'Anma'il, palta yowlal 'oj in 'at 'a chamel, 'icha yaj stz'ib'x can 'a Ch'an̈ U'un̈; palta caw 'oltac jun 'oj wa'n 'och 'a yol sc'ab' chaml cha. Octom ma'ix 'alj winac, to 'ixta', yel xo wach' yic winac, xchi 'a eb'.

Lc 10:24

Yujto an tzwal 'ayex, til wal eb' schecb' Dios pecti', yet' eb' rey, snib'jnac eb' yil jun wan eyiln tic, palta ma'ix yil eb'. An̈jtona', snib'jnac eb' yab' jun tzo'n̈ wan eyab'n tic, palta ma'ix yab' eb', xchi 'a eb'.

Lc 24:44

Xlajw cha, xyaln pax 'a eb' 'ixtic: —A ticnec, 'ix 'el'ch 'icha yaj waln 'ayex, yic in 'ec' eyet'oc. 'In waljnac 'ayex, to yowlal 'oj 'el'choc jantcn̈ej wab'xil tz'ib'b'il can 'a ley yic Moisés, yet' tas tz'ib'b'il can yuj eb' schecb' Dios, yet' jun tzo'n̈ xo wab'xil 'a ch'an̈ libro salmos, xchi 'a eb'.

Jn 5:39

Yelc'ojlal tze cuy ton Ch'an̈ Un̈ tz'ib'b'il cani, yujto tze na'a, to ata 'oj 'ilchjoc e q'uinl 'a jun 'ejmn̈ej. Palta wach'xam tzyal Ch'an̈ Un̈ chi wab'xil,

Jn 7:52

Yuj cha, xyaln pax ewin 'ixtc 'a 'a: —¿Tom 'aj Galilea ach yet' winac? Cuy Ch'an̈ Un̈ tz'ib'b'il cani. Atta 'oj ela', to may xon junc schecb' Dios tz'alj 'a Galilea cha, xchi ewin 'a 'a.

A Tas Sc'ulejnac Eb' Schecab' Jesús Hechos 10:43

Yictax pecti', 'aycto, yaln can 'el eb' schecb' Dios yab'xil Jesús. Yaljnac can junjn eb', chajtlto jantcn̈ej mach 'oj ya'ch sc'ojl 'a 'a, 'oj 'ajxoc can lajwc smul eb' yu'uj, xchi Pedro 'a eb'.

A Tas Sc'ulejnac Eb' Schecab' Jesús Hechos 17:11

A eb' israel 'aj Berea cha, yel xo wach' snab'en eb' 'a yib'n̈ eb' 'aj Tesalónica, yujto xcham wal yab'n eb' spaxti Dios. Ax 'a junjn c'u, scuy eb' Ch'an̈ Un̈ 'aj tz'ib'b'il can spaxti Dios cha, yic tzyiln eb', toto yel tzyal Pablo yet' Silas cha.

A Tas Sc'ulejnac Eb' Schecab' Jesús Hechos 28:23

Xlajw cha, smol aln eb', 'aja c'u tzyam sb'a eb' jun 'ejm xo. Ax 'a yic jun c'u cha, til wal eb' syam sb'a 'a 'aj 'ayc' Pablo cha. Ax 'a sq'uin̈b'ial, 'ix syamn 'och Pablo yaln 'a eb', masnto x'em c'u. 'Ix yaln 'a eb' tas wal tz'aj eb' 'anma yoch 'a yol sc'ab' Dios. 'Ix yaln pax 'a eb', tastc tz'ib'b'il can 'a ley yic Moisés, yet' tastc tz'ib'b'il can yuj eb' schecb' Dios pecti'. Caw xyac' wal snab'enoc eb', sec toq'ue tzya'ch eb' sc'ojl 'a Jesús.

A Tas Sc'ulejnac Eb' Schecab' Jesús Hechos 7:52

A eb' schecb' Dios pecti', c'uxn xlaj yab' eb' syal yuj eb' qui mam quichmec cha. 'Ay jun tzo'n̈ eb' aljnac cani, chajtlto 'oj jawc jun tojl snab'en, 'ix milx cham eb' yuj eb'. Ax yic 'ix jaw jun cha, ax xo xeya'ch 'a yol sc'ab' chamel, xeya'n milxc chamoc.

A Ch'an̈ Carta D'a Eb' Hebreo 11:13

A junjn eb' xwal yab'xil tic, a yic laj scham eb', mantzac schaj eb' jun tzo'n̈ tas 'aj ya'jnac Dios sti'. Palta caw ya'jnac 'och eb' Dios 'a sc'ojol. Yuj cha, 'icha to yiljnac 'at eb' jun tzo'n̈ chi 'a najat, caw tzalj eb' yu'uj. 'Ixta yutjnac eb' ya'n testigoal sb'a, chajtlto a jun yolyib'n̈q'uinl tic, man̈ schon̈b'oc eb', ton̈j 'e'lb'a yec' eb' 'a 'a.

A Ch'an̈ Carta D'a Eb' Hebreo 11:40

Yujto nab'iln̈ec cot yu'uj, yuj cha, 'ay junx tas tznib'j Dios sb'o', yel xo wal wach'. Atn jun tic tznib'ej, to yowlal locnon̈c yet' eb' yic 'oj 'el'choc tas nab'il yuj cha.

A Sb'ab'el Carta San Pedro 1:11

A Yespíritu Cristo 'aych 'a eb'. A 'a'jnac nachjc 'el yuj eb', chajtlto yowlal tzyab' syail. Tzlajw cha, ax scheclj 'eli, chajtlto man̈ jantcoc swach'il. Ax eb' cha, caw ya'ljnac eb' snan 'eli, mach jun chi tzjaw cha, yet' 'aja stiempoal tzjawi.

A Sb'ab'el Carta San Pedro 1:13

Yuj cha, caw te'n tzeyutj e nab'en. Lista tzeyutj e b'a. Caw tzeya'ch yipc e c'ojl tas 'oj yac' Dios 'ayn̈ec yuj swach'c'ojlal, yic 'oj jawc Jesucristo.