Pr 4:3 - Chuj San Mateo Bible

³ Ayic quelem unin in, ayinto ec' d'a yol spat in mam, yelxo val xajanab'il in yuj ix in nun.

Chuj San Sebastian Bible

³ A yic quelm in 'unin yic 'aynto 'ec' 'a yol yatut in mam, yel xo wal chamc'ojlb'iln yuj in nun.

Pr 4:3 Iomraidhean Croise

1 Cr 22:5

Ix sna vin̈aj rey David chi' icha tic: A vin̈ vuninal aj Salomón tic, te uninto vin̈, axo pax jun stemplo Jehová ol b'o chi', te nivan ol ajoc. Ol te b'inaj yuj svach'il yilji d'a yolyib'an̈q'uinal tic, yuj chi' a ticnaic yovalil ol in molb'ejcan tastac ol och d'ay, xchi vin̈. Yuj chi' ayic pitzanto vin̈aj David chi', te nivan tas ix smolb'ejcan vin̈.

1 Cr 29:1

Ix lajvi chi', ix yalan vin̈aj rey David chi' d'a masanil eb' anima molanec' chi' icha tic: Ex vetchon̈ab', an̈ej val vin̈ vuninal aj Salomón tic ix sic'jiel yuj Dios, palta yune' quelemto vin̈. Axo pax jun munlajel tic te nivan, yujto a jun templo chi' man̈ yicoc anima, palta to scajnub' Jehová Dios ol ajoc.

1 Cr 3:5

Ayic ayoch vin̈ reyal d'a Jerusalén chi', 13 to eb' vin̈ yuninal vin̈ ix alji, aton eb' vin̈ tic: Vin̈aj Simea, vin̈aj Sobab, vin̈aj Natán yed' vin̈aj Salomón. A eb' vin̈ tic, yune' eb' vin̈ ix Betsabé, ix yisil vin̈aj Amiel.

Jeremías 10:23

Mamin Jehová, vojtac sic'lab'il to a on̈ anima on̈ tic man̈ cojtacoc tas ol aj quelc'ochi. Max nachaj cuj tastac sjavi d'a quichan̈.

Zacarías 12:10

Ol vac' Vespíritu d'a eb' yin̈tilal vin̈aj David yed' d'a juntzan̈xo eb' cajan d'a Jerusalén, yic tz'oc' sc'ol eb', stevipax eb' d'ayin. Ayic ol in yilan eb' ix in tecani, ol oc'q'ue eb' icha yoc' junoc anima yuj schamel jun c'otan̈ yuninal, ma yuj sb'ab'el yuninal.

Ro 12:16

Junn̈ej molan̈il tzon̈ aj co masanil. Max yal-laj quic'anchaan̈ co b'a. Junn̈ejocab' tzon̈ ec' yed' eb' malaj yelc'och d'a eb' anima. Max yal co naani to te jelan on̈.